![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F20240404660eacbfd3c11.jpg&w=3840&q=75)
სპეციალური პენიტენციური სამსახური ბრალდებულთა/მსჯავრდებულთა რეაბილიტაცია-რესოციალიზაციის პროცესის ხელშეწყობას აგრძელებს.
ამჯერად, უწყების ინიციატივით, №16 დაწესებულებას ქართველი მომღერლები და პოეტები ესტუმრნენ.
შემოქმედებითი საღამო მსჯავრდებულთა აქტიური მონაწილეობით წარიმართა.
შეხვედრის ბოლოს სტუმრებმა საჩუქრად მსჯავრდებულთა ხელნაკეთი ნივთები მიიღეს.
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F20240329660698771ae5b.jpg&w=3840&q=75)
ღონისძიების ფარგლებში, ქართული წიგნიერების ფონდის მხარდაჭერით, მე-16 პენიტენციური დაწესებულების მსჯავრდებულებმა კომპეტენტურ პირთა დახმარებით ცოდნაც გაიღრმავეს და მათთვის საჭირო საკითხებზე ინფორმაცია მიიღეს თემებზე: „როგორ დავინახოთ შესაძლებლობები გამოწვევების მიღმა“, „საკუთარი თავის დაოსტატება წარმატებისკენ სვლაში“.
წიგნები №16 პენიტენციური დაწესებულების ბიბლიოთეკას გამომცემლობა „პალიტრა L“-მა გადასცა.
სპეციალური პენიტენციური სამსახური მომავალშიც გააგრძელებს ბრალდებულთა/მსჯავრდებულთა რეაბილიტაცია-რესოციალიზაციის ხელშეწყობას, მათი ინტელექტუალური დონის გაღრმავებას და დაწესებულებების ბიბლიოთეკების სხვადასხვა ჟანრის ლიტერატურით განახლებას
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F20240325660176c052a6c.jpg&w=3840&q=75)
დაავადების სტატისტიკა ადასტურებს, რომ პენიტენციურ სისტემაში ტუბერკულოზი, ფაქტობრივად, დამარცხებულია.პენიტენციურ სისტემაში ტუბერკულოზით დაავადებულთა რიცხვი მკვეთრად შემცირდა, მინიმუმამდეა დაყვანილი ტრანსმისია, აქცენტი კეთდება დაავადების პრევენციაზე, რაც გულისხმობს აქტიურ სკრინინგს, პათოლოგიური მასალის გამოკვლევას (ჯინექსპერტს), კულტურალურ მეთოდებს.
უახლოეს პერიოდში იგეგმება ლატენტური ტუბერკულოზის სკრინინგი ტუბერკულოზური დაავადების განვითარების მაღალი რისკის ჯგუფებში.
სპეციალური პენიტენციური სამსახური ჩართულია „ტუბერკულოზის მართვის სახელმწიფო პროგრამაში“ და პენიტენციურ დაწესებულებებში ტუბერკულოზით დაავადებულ მსჯავრდებულთათვის
ყველა ის სამედიცინო სერვისი და მომსახურებაა ხელმისაწვდომი, რაც სამოქალაქო სექტორის პაციენტებისთვის.
სპეციალური პენიტენციური სამსახურის უმთავრესი პრიორიტეტი ბრალდებულთა/მსჯავრდებულთა ჯანმრთელობაზე ზრუნვაა.
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024032566017a75c29a6.jpg&w=3840&q=75)
ღონისძიებაზე, სადაც მთავარი განსახილველ საკითხს არასრულწლოვანი პატიმრები და მათი რეაბილიტაცია-რესოციალიზაცია წარმოადგენდა, პენიტენციურ სისტემაში გატარებული რეფორმები პოზიტიურად, ლაითურის პენიტენციური დაწესებულების გახსნა კი საერთაშორისო სტანდარტებთან კიდევ უფრო დასაახლოებლად გადადგმულ მნიშვნელოვნად ნაბიჯად შეფასდა.
შეხვედრის მონაწილეებს პენიტენციურ სისტემაში გატარებული და დაგეგმილ რეფორმები, ახალი პენიტენციური კოდექსის საფუძველზე ბრალდებულთა/მსჯავრდებულთა და თანამშრომელთა გაუმჯობესებულ პირობები სპეციალური პენიტენციური სამსახურის ხელმძღვანელმა ნიკა ცხვარაშვილმა გააცნო. აღინიშნა, რომ ქართული პენიტენციური სისტემის ევროპულ სტანდარტებთან კიდევ უფრო დაახლოება უწყებისთვის პრიორიტეტული მიმართულებაა. შეხვედრაზე ასევე ბრალდებულთა/მსჯავრდებულთა რეაბილიტაცია-რესოციალიზაციის პროგრამის ფარგლებში მოქმედი და დაგეგმილი პროგრამებიც განიხილეს, მათ შორის, ჯანსაღი ცხოვრების წესის ხელშეწყობის მიზნით პენიტენციურ დაწესებულებებში დანერგილი სპორტის მართვის სტრატეგია.
სპეციალური პენიტენციური სამსახურის ხელმძღვანელსა და უწყების წარმომადგენლებთან ერთად, ღონისძიებას დაესწრნენ იუსტიციის სამინისტროს; იუსტიციის სასწავლო ცენტრის; მსჯავრდებულთა პროფესიული მომზადებისა და გადამზადების ცენტრის; დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოსა და ევროკავშირის პროექტის უფროსი მრჩევლები რანდელ ბაროუზი,რეით ქუსი და პროგრამის მენეჯერი ანტონიო დალ ბორგო.
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024032065faca8e86cdc.jpg&w=3840&q=75)
სპეციალური პენიტენციური სამსახური სპორტის მართვის სტრატეგიის ფარგლებში აგრძელებს დაწესებულებებში ჯანსაღი ცხოვრების წესის ხელშეწყობას. ამ მიზნით სპეციალურ პენიტენციურ სამსახურსა და სსიპ „საქართველოს ფიზიკური აღზრდისა და სპორტის სახელმწიფო სასწავლო უნივერსიტეტს“ შორის ურთიერთთანამშრომლობის მემორანდუმი გაფორმდა.
მემორანდუმი ხელს უწყობს დაწესებულებებში სპორტულ-გამაჯანსაღებელი პროგრამების განვითარებას/ხელშეწყობას და სპორტის სხვადასხვა სახეობაში დარგის სპეციალისტების/ექსპერტების მიერ მსჯავრდებულების ინსტრუქტორებად მომზადებას/გადამზადებას.
ურთიერთთანამშრომლობის მემორანდუმს ხელი მოაწერეს სპეციალური პენიტენციური სამსახურის ხელმძღვანელმა ნიკა ცხვარაშვილმა და საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის რექტორმა ტრისტან გულბიანმა.
აღსანიშნავია, რომ უნივერსიტეტთან თანამშრომლობის ფარგლებში, სპორტის ოთხ სახეობაში – ფეხბურთში, კალათბურთში, ხელბურთში, მაგიდის ჩოგბურთში – №5, №12 და №16 პენიტენციური დაწესებულებების მსჯავრდებულებმა მწვრთნელებად მომზადების მოკლევადიანი კურსი პროფესიონალი ტრენერის დახმარებით უკვე გაიარეს. პროგრამაში ჩართულ მსჯავრდებულებს სერტიფიკატებიც გადაეცათ და ისინი დასაქმებას შეძლებენ მწვრთნელის შესაბამის პოზიციაზე როგორც პენიტენციურ სისტემაში, ისე გათავისუფლების შემდგომ.
პენიტენციური სამსახური ფიზიკური აქტივობის ხელშეწყობას და დაწესებულებების თანამედროვე სპორტული ინვენტარით აღჭურვის პროცესს კვლავ გააგრძელებს.
დღეს, 19 მარტს, სოციალური მუშაობის საერთაშორისო დღეა.
პენიტენციურ სისტემაში სოციალური მუშაკის როლი უმნიშვნელოვანესია.
სოციალური მუშაკი კოორდინირებას უწევს სასჯელის მოხდის ინდივიდუალური დაგეგმვის პროცესს, ბენეფიციარს აწვდის ინდივიდუალურ საჭიროებებზე მორგებულ მიზნობრივ აქტივობებს, რაც ხელს უწყობს მათი ქცევის პოზიტიურ ცვლილებას, მოტივაციის გაზრდას და ემოციების რეგულაციას.
პენიტენციურ სისტემაში სოციალური მუშაკის მთავარი დანიშნულება ადამიანის უფლებებზე დაფუძნებული მიდგომებით მსჯავრდებულთა რესოციალიზაცია-რეაბილიტაციის ხელშეწყობა და ახალი დანაშაულის პრევენციაა.
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024032065fa812dd777b.jpg&w=3840&q=75)
ქალმა მსჯავრდებულებმა თავიანთი უფლებების დაცვის კუთხით ცოდნა გაიღრმავეს
№5 (ქალთა) დაწესებულებას საქართველოს ქალთა საბჭოს წარმომადგენლები ესტუმრნენ და მსჯავრდებულებს საკუთარი უფლებების დაცვის, ძალადობის პრევენციის საკითხებთან დაკავშირებით სახელმწიფოში მოქმედი კანონმდებლობის საკითხებზე ინფორმაცია მიაწოდეს.
შეხვედრა კითხვა-პასუხის რეჟიმში წარიმართა. მსჯავრდებულები ქალთა უფლებების დაცვის მიმართულებით არსებული სიახლეებით დაინტერესდნენ.
სპეციალური პენიტენციური სამსახური ქალ მსჯავრდებულთათვის საკუთარი უფლებების დაცვისა და ამ მიმართულებით სხვადასხვა აქტივობის მხარდაჭერას კვლავ გააგრძელებს.
ქალმა მსჯავრდებულებმა თავიანთი უფლებების დაცვის კუთხით ცოდნა გაიღრმავეს
№5 (ქალთა) დაწესებულებას საქართველოს ქალთა საბჭოს წარმომადგენლები ესტუმრნენ და მსჯავრდებულებს საკუთარი უფლებების დაცვის, ძალადობის პრევენციის საკითხებთან დაკავშირებით სახელმწიფოში მოქმედი კანონმდებლობის საკითხებზე ინფორმაცია მიაწოდეს.
შეხვედრა კითხვა-პასუხის რეჟიმში წარიმართა. მსჯავრდებულები ქალთა უფლებების დაცვის მიმართულებით არსებული სიახლეებით დაინტერესდნენ.
სპეციალური პენიტენციური სამსახური ქალ მსჯავრდებულთათვის საკუთარი უფლებების დაცვისა და ამ მიმართულებით სხვადასხვა აქტივობის მხარდაჭერას კვლავ გააგრძელებს.
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024030765e9932c5b9f8.jpg&w=3840&q=75)
პენიტენციურ დაწესებულებებში ინფრასტრუქტურის განახლების პროცესი გრძელდება. ამჯერად მსჯავრდებულთა საცხოვრებელი პირობების, გარე სამყაროსა და ოჯახის წევრებთან კონტაქტის გაუმჯობესების მიზნით №16 დაწესებულებაში საბავშვო სივრცე მოეწყო.
ახალი სივრცით სარგებლობა იმ მსჯავრდებულთა ოჯახის წევრებს შეუძლიათ, რომელთაც მცირეწლოვანი შვილები ჰყავთ და ხანგრძლივი (საოჯახო) პაემნით სარგებლობენ.
სივრცე აღიჭურვა ბავშვებისთვის განკუთვნილი ახალი ინვენტარით; მოეწყო შესაბამისი ინტერიერი, სადაც მსჯავრდებულთა შვილებს დროის გატარება საოჯახო და კომფორტულ პირობებში შეუძლიათ.
სპეციალური პენიტენციური სამსახურისთვის პრიორიტეტულია პატიმართა პირობების გაუმჯობესება და საერთაშორისო სტანდარტებთან კიდევ უფრო დაახლოება. ამ მიზნით, ახალი პენიტენციური კოდექსის თანახმად, ყველა სახის პაემანი გახდა სრულიად უფასო; გათანაბრდა ბრალდებულთა/მსჯავრდებულთა საცხოვრებელი პირობები; ყველა მსჯავრდებულს მიეცა უმაღლესი განათლების მიღების შესაძლებლობა.
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024030465e5d4a0a4664.jpg&w=3840&q=75)
№8 პენიტენციურ დაწესებულებაში მყოფმა არასრულწლოვანმა პატიმრებმა დედის დღესთან დაკავშირებით მისალოცი წერილები მოამზადეს.
ამას გარდა, ფილოლოგმა ნინო ტაბატაძემ მსჯავრდებულებს წერილის დაწერის სტრუქტურის, ფორმალური და არაფორმალური წერილის მაგალითების შესახებ ინფორმაცია მიაწოდა.