სასულიერო პირებთან ერთად ღვთისმსახურებაში მსჯავრდებულებიც მონაწილეობდნენ.
სპეციალური პენიტენციური სამსახური გილოცავთ აღდგომის ბრწყინვალე დღესასწაულს!
№17 პენიტენციურ დაწესებულებაში დასრულდა ერთწლიანი სასწავლო პროცესი, რომელიც სპეციალური პენიტენციური სამსახურისა და გალობის უნივერსიტეტის მხარდაჭერით განხორციელდა.
კურსის დასრულებისას მსჯავრდებულები სერტიფიკატებით დაჯილდოვდნენ.
ღონისძიების ფარგლებში, №17 დაწესებულების ბიბლიოთეკას საქართველოს საპატრიარქოსგან საჩუქრად წიგნები გადაეცა.
კულტურულ-საგანმანათლებლო პროექტები ხელს უწყობს მსჯავრდებულთა რეაბილიტაცია-რესოციალიზაციას და საზოგადოებაში მათი სრულფასოვანი ინტეგრაციის ეფექტურ საშუალებას წარმოადგენს.
სპეციალური პენიტენციური სამსახური აგრძელებს დაწესებულებებში ჯანსაღი ცხოვრების წესის ხელშეწყობას. ამჯერად №16 დაწესებულებაში კალათბურთის სამოყვარულო ლიგის გუნდის წევრებსა და მსჯავრდებულებს შორის ამხანაგური მატჩი გაიმართა.
სპორტული აქტივობები ხელს უწყობს მსჯავრდებულთა რეაბილიტაცია-რესოციალიზაციას, რაც მათ საზოგადოების სრულფასოვან წევრებად დაბრუნებასა და ინტეგრაციაში დაეხმარება.
ამ მიზნით პენიტენციურ სისტემაში დაინერგა სპორტის მართვის სტრატეგია, რომელიც ბრალდებულთა და მსჯავრდებულთა სპორტულ აქტივობებში ჩართვას ითვალისწინებს.
№11 (არასრულწლოვანთა) პენიტენციურ დაწესებულებას პოეტი ტარიელ ხარხელაური ესტუმრა და მსჯავრდებულებს შეხვდა.
რეაბილიტაცია-რესოციალიზაციის ხელშეწყობის ფარგლებში გამართულ შეხვედრაზე პოეტმა საკუთარი ლექსები წაიკითხა; ისაუბრა წიგნიერებისა და ლიტერატურის მნიშვნელობაზე. შეხვედრის დროს ტარიელ ხარხელაურის შემოქმედებიდან ლექსები მსჯავრდებულებმაც წაიკითხეს და კითხვა-პასუხის რეჟიმში მათთვის საინტერესო საკითხებზე იმსჯელეს.
ღონისძიების დასასრულს, დაწესებულების ბიბლიოთეკას პოეტმა საკუთარი ლექსების კრებული საჩუქრად გადასცა.
სპეციალური პენიტენციური სამსახურის ორგანიზებით სხვადასხვა სფეროს წარმომადგენლებთან გამართული შეხვედრები მსჯავრდებულებს არა მხოლოდ რეაბილიტაციის პროცესში ეხმარება, არამედ მათ საზოგადოებასთან კონტაქტის შენარჩუნების შესაძლებლობასაც აძლევს.
იუსტიციის მინისტრი ანრი ოხანაშვილი, მოადგილეებთან, სპეციალური პენიტენციური სამსახურის ხელმძღვანელთან და დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ხელმძღვანელთან ერთად, ქუთაისის №2 და გეგუთის №14 პენიტენციურ დაწესებულებებს ესტუმრა.
ანრი ოხანაშვილი გაეცნო თანამშრომელთა სამუშაო პირობებს, მოისმინა მათი საჭიროებები და გაწეული საქმიანობისთვის მადლობა გადაუხადა.
მინისტრმა, ასევე, მოინახულა მსჯავრდებულთა საცხოვრებელი სივრცეები და პენიტენციურ დაწესებულებებში მიმდინარე და დასრულებული ინფრასტრუქტურული სამუშაოები.
იუსტიციის მინისტრმა ხაზი გაუსვა მსჯავრდებულთა რესოციალიზაცია-რეაბილიტაციის მნიშვნელობას.
№5 (ქალთა) პენიტენციურ დაწესებულებას დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე უწყების წარმომადგენლებთან ერთად ესტუმრა. დაწესებულებაში ჯანდაცვის მინისტრს იუსტიციის მინისტრის მოადგილე გიორგი დგებუაძემ სპეციალური პენიტენციური სამსახურის ხელმძღვანელ ნიკა ცხვარაშვილთან ერთად უმასპინძლა.
უწყების წარმომადგენლები მსჯავრდებულებს შეხვდნენ და ქალთა საერთაშორისო დღე მიულოცეს.
8 მარტის დღესასწაულთან დაკავშირებით დაწესებულებაში მყოფ ქალ მსჯავრდებულებს ძუძუსა და საშვილოსნოს ყელის კიბოს, ასევე, C და B ჰეპატიტზე ჩაუტარდათ სკრინინგული გამოკვლევები დარგის მაღალკვალიფიციური სპეციალისტების მიერ. პრევენციული გამოკვლევები სპეციალური პენიტენციური სამსახურის ორგანიზებით და ეროვნული სკრინინგ ცენტრის მხარდაჭერით მსჯავრდებულებს დაავადებების დროული გამოვლენისა და მკურნალობის მიზნით პერმანენტულად უტარდებათ.
ღონისძიების ფარგლებში იუსტიციისა და ჯანდაცვის სამინისტროებისგან ქალ მსჯავრდებულებს საჩუქრები გადაეცათ, მათ შორის, დასაჩუქრდნენ დაწესებულების ტერიტორიაზე განთავსებული არასრულწლოვნები, დედათა და ბავშვთა ფლიგელში განთავსებული მსჯავრდებული და მისი 2 წლის გოგონა.
იუსტიციის მინისტრის მოადგილემ გიორგი დგებუაძემ და სპეციალური პენიტენციური სამსახურის ხელმძღვანელმა ნიკა ცხვარაშვილმა №5 (ქალთა) დაწესებულებაში იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრ გიორგი ძიგუას და აფხაზეთის ავტონომიური რესპუბლიკის უმაღლესი საბჭოს წევრებს უმასპინძლეს.
ქალთა საერთაშორისო დღესთან დაკავშირებით, აფხაზეთის ავტონომიური რესპუბლიკის მთავრობის წარმომადგენლები დევნილ ქალ მსჯავრდებულებს შეხვდნენ, დღესასწაული მიულოცეს და საჩუქრები გადასცეს.
სტუმრებმა დაათვალიერეს №5 დაწესებულებაში მოქმედი სამკერვალო და სილამაზის სალონი, სადაც მსჯავრდებულები არიან დასაქმებული, ასევე, უახლესი სპორტული ინვენტარით აღჭურვილი სპორტდარბაზი, დაწესებულების ტერიტორიაზე არსებული არასრულწლოვან ბრალდებულთა და მსჯავრდებულთათვის განკუთვნილი თანამედროვე სტანდარტების შესაბამისი სივრცე, ხანგრძლივი და ხანმოკლე პაემნების ოთახები; გაეცნენ დაწესებულებაში მოქმედ პროექტ „იუსტიციის სახლის“ ფუნქციონირებას, რომელიც როგორც მსჯავრდებულებს, ისე თანამშრომლებს შესაძლებლობას აძლევს, შეუზღუდავად ისარგებლონ სახელმწიფო და კერძო სექტორის სერვისებით.
№5 (ქალთა) დაწესებულებას, ასევე, სტუმრობდნენ იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის პირველი მოადგილე და მინისტრის აპარატის წევრები.
№5 (ქალთა) პენიტენციურ დაწესებულებაში მსჯავრდებულების მიერ ჩატარებული ღონისძიება მუსიკალურ და თეატრალურ ელემენტებს მოიცავდა.
ღონისძიების ფარგლებში, საქართველოს საპატრიარქოსგან ქალ მსჯავრდებულებს საჩუქრად მისალოცი ბარათები, კოსმეტიკის, თავის მოვლის ჰიგიენური საშუალებები და ტკბილეული გადაეცათ.
დედის დღისადმი მიძღვნილ ღონისძიებას სპეციალური პენიტენციური სამსახურის, საქართველოს ქალთა საბჭოსა და საპატრიარქოს წარმომადგენლები დაესწრნენ.
სპეციალური პენიტენციური სამსახურის ორგანიზებით და საქართველოს საპატრიარქოს მხარდაჭერით უვადო მსჯავრდებულებისთვის მუსიკალური საღამო ჩატარდა.
№8 დაწესებულებაში მყოფი თავისუფლებააღკვეთილი პირებისთვის საგალობლები, ქალაქური და ხალხური მუსიკალური ნომრები თბილისის კონსერვატორიისა და სასულიერო აკადემიის სტუდენტებმა და ლექტორმა შეასრულეს.
ღონისძიების ფარგლებში, მსჯავრდებულებს წიგნები, კალენდრები და სხვადასხვა ნივთი გადაეცათ საჩუქრად.
სპეციალური პენიტენციური სამსახურისთვის თითოეული ბრალდებულის/მსჯავრდებულის რესოციალიზაცია-რეაბილიტაცია და გარე სამყაროსთან კონტაქტის შენარჩუნება უმნიშვნელოვანესია.
