ბავშვთა დაცვის საერთაშორისო დღესთან დაკავშირებით, საქართველოს იუსტიციის სამინისტროს ეროვნული არქივის სივრცეში არასრულწლოვან მსჯავრდებულთა მიერ შექმნილი ნახატების გამოფენა ,,უსაზღვრო ხელოვნება“ გაიმართა.
სპეციალური პენიტენციური სამსახურის ორგანიზებით ექსპოზიციაზე წარმოდგენილი იყო №8 და №11 დაწესებულებებში მყოფი არასრულწლოვანთა 30-მდე ნამუშევარი, რომლებიც მსჯავრდებულებმა ხატვის პედაგოგთან ერთად შემოქმედებითი პროცესის ფარგლებში შექმნეს.
გამოფენას პენიტენციური სამსახურის გენერალური დირექტორის მოადგილე გიორგი გიორგაძე, უწყების წარმომადგენლები და მსჯავრდებულთა ოჯახის წევრები ესწრებოდნენ. ღონისძიება ეროვნული არქივის მხარდაჭერით განხორციელდა.
მსგავსი გამოფენები, ისევე როგორც პენიტენციური სამსახურის მიერ რეაბილიტაცია-რესოციალიზაციის მიმართულებით გატარებული რეფორმები, ხელს უწყობს მსჯავრდებულთა წარმატებულ ინტეგრაციას საზოგადოებაში.
№5 დაწესებულებამ სპორტის ფესტივალს უმასპინძლა, სადაც ქალი მსჯავრდებულები ერთმანეთს დაუპირისპირდნენ სპორტის 5 სახეობაში ‒ ფეხბურთში, კალათბურთში, ფრენბურთში, მაგიდის ჩოგბურთში, ჭადრაკში.
გამოვლინდნენ ტურნირის გამარჯვებულები, რომლებიც თასებითა და მედლებით დაჯილდოვდნენ, ფესტივალის მონაწილეებს კი, სერტიფიკატები გადაეცათ.
სპორტული აქტივობები არა მხოლოდ მსჯავრდებულთა ფიზიკურ აქტიურობას უწყობს ხელს, არამედ ავითარებს გუნდურობას, კომუნიკაბელურობას, პასუხისმგებლობის უნარებს, რაც საზოგადოებრივ ცხოვრებაში წარმატებული რეინტეგრაციისთვის განსაკუთრებით მნიშვნელოვანია.
სპორტის მართვის სტრატეგიის ფარგლებში, მსჯავრდებულებმა საკუთარი შესაძლებლობები ფეხბურთში, კალათბურთში, ფრენბურთში, მაგიდის ჩოგბურთში, ჭადრაკსა და შაშში გამოსცადეს.
გამოვლინდნენ ტურნირის გამარჯვებულები, რომლებიც თასებითა და მედლებით დაჯილდოვდნენ. ფესტივალის ყველა მონაწილეს სერტიფიკატები გადაეცა.
დაწესებულებებში სპორტის ფესტივალები სპეციალური პენიტენციური სამსახურის ორგანიზებით იმართება. მისი მიზანი ბრალდებულთა/მსჯავრდებულთა სპორტულ აქტივობებში ჩართვა და ჯანსაღი ცხოვრების წესის მხარდაჭერაა.
№11 დაწესებულებაში, სადაც საჯარო სკოლა 9 მსჯავრდებულმა დაასრულა, ბოლო ზარი ,,ღამის შოუს ბენდის“ კონცერტით აღინიშნა. ბენდის წევრებმა მსჯავრდებულებს სკოლისდასრულება მიულოცესდა მუსიკალურინომრები მათთანერთად შეასრულეს.
მსჯავრდებულებმა წარადგინესსაკუთარი შემოქმედებაც. ბოლო ზარის ღონისძიებაზე მოეწყო მსჯავრდებულთა მიერ შექმნილი ხელნაკეთი ნივთებისა და ნახატების გამოფენა. გაიმართა შაშის ტურნირში გამარჯვებულებისდაჯილდოებაც, სადაც პირველი ადგილი მე-12 კლასის მოსწავლემ დაიკავა.
სპეციალური პენიტენციური სამსახურისგან №11 დაწესებულების ყველამსჯავრდებულს, რომლებმაც სკოლა წელს დაამთავრეს, საჩუქრები გადაეცა.
არასრულწლოვანმა მსჯავრდებულებმა დაწესებულების ტერიტორიაზე სხვადასხვა სახეობის ყვავილები და დეკორატიული ბუჩქები დარგეს.
საქართველოს საპატრიარქოს დეკორატიული მებაღეობის საზოგადოებრივი კოლეჯის პრორექტორმა ლალი გოგინავამ მსჯავრდებულებს მიაწოდა ინფორმაცია მცენარეების მოვლის წესების შესახებ – ნიადაგის სწორად მომზადებასთან, გადარგვასა და დაავადებების პრევენციასთან დაკავშირებით.
ღონისძიება სპეციალური პენიტენციური სამსახურის ორგანიზებითა და საპატრიარქოს მხარდაჭერით გაიმართა. მსგავსი აქტივობები ხელს უწყობს არასრულწლოვანი მსჯავრდებულების რეაბილიტაციას, მათში შრომის უნარების განვითარებას, გარემოზე ზრუნვის კულტურის ჩამოყალიბებასა და სოციალური პასუხისმგებლობის გაზრდას.
გამოფენაზე წარმოდგენილი იყო დაწესებულების ტერიტორიაზე მოქმედ სამხატვრო სახელოსნოში შექმნილი ნახატები.
დაწესებულებაში ხატვის შემსწავლელი კურსი რამდენიმე თვის წინ ჩამოყალიბდა და მას თავად მსჯავრდებული უძღვება. ახალი სივრცე სრულად აღჭურვილია ყველა საჭირო რესურსითა და ინვენტარით, რაც შესაძლებელს ხდის კურსის ეფექტიანად განხორციელებას.
სპეციალური პენიტენციური სამსახურის წარმომადგენლებთან ერთად, გამოფენას მოწვეული სტუმრები დაესწრნენ და ადგილზე გაეცნენ ახალი სარეაბილიტაციო სივრცის მნიშვნელობას და საქმიანობას.
კულტურულ-საგანმანათლებლო ღონისძიებების მხარდაჭერა ხელს უწყობს მსჯავრდებულებისთვის პროფესიული გამოცდილების გაზიარებას, მოტივაციის ამაღლებასა და საზოგადოებაში წარმატებულ რეინტეგრაციას.
გვსურს, ხაზგასმით აღვნიშნოთ, რომ ნ.ბ.-ს მიმართ რაიმე სახის ძალადობას ადგილი არ ჰქონია. შესაბამისად, გავრცელებული ინფორმაცია არ შეესაბამება სიმართლეს და მიზნად ისახავს საზოგადოების შეცდომაში შეყვანას, პენიტენციური სამსახურისა და თანამშრომელთა საქმიანობის დისკრედიტაციას.
გვსურს საზოგადოებას ვაცნობოთ, რომ ბრალდებული ნ.ბ. N2 პენიტენციურ დაწესებულებაში შესახლებულ იქნა 2024 წლის 20 აგვისტოს. იგი განთავსებული იყო სამეთვალყურეო კამერებით აღჭურვილ საკანში, რომლის საპირფარეშოშიც მან 2024 წლის 25 აგვისტოს, ერთჯერადი სამართებლის გამოყენებით, ორივე ხელზე მიიყენა თვითდაზიანება, საპირფარეშოდან გამოსვლისთანავე დაკარგა გონება და თავი დაარტყა იატაკს, რა დროსაც მიიღო თავის ქალის მრავლობითი დაზიანება. აღნიშნული ფაქტი დაფიქსირებულია ელექტრონული მეთვალყურეობის საშუალებით.
ნ.ბ.-ს პენიტენციურ დაწესებულებაში მყისიერად ჩაუტარდა პირველადი სამედიცინო დახმარება და იგი გადაყვანილ იქნა სამოქალაქო სექტორის კლინიკში, ქ. ქუთაისის რეფერალურ საავადმყოფოში, ხოლო სამედიცინო კვლევების შედეგად გამოკვეთილი საჭიროების შესაბამისად, იმავე დღეს - კლინიკა „ვივამედში“.
2024 წლის 4 ნოემბერს შემდგომი მკურნალობის მიზნით გადაყვანილ იქნა N18 ბრალდებულთა და მსჯავრდებულთა სამკურნალო დაწესებულებაში, სადაც მიეწოდებოდა შესაბამისი სამედიცინო მომსახურება და იმყოფებოდა სამედიცინო პერსონალის მუდმივი მეთვალყურეობის ქვეშ.
ზემოაღნიშნულ ფაქტთან დაკავშირებით იუსტიციის სამინისტროს შესაბამისი საგამოძიებო დანაყოფი, საქართველოს კანონმდებლობით დადგენილი წესით, 2024 წლის 25 აგვისტოდან აწარმოებს გამოძიებას და მიმდინარეობს ინტენსიური საგამოძიებო მოქმედებები, გამოძიების მიმდინარეობისას ნ.ბ.-ს ოჯახის წევრებს და მის უფლებადამცველს არაერთხელ მიეცათ საშუალება გაცნობოდნენ საქმის მასალებს, მათ შორის, მათთვის ხელმისაწვდომი იყო ვიდეოსამეთვალყურეო სისტემით მოპოვებული კადრები.
2025 წლის 23 აპრილის ბათუმის საქალაქო სასამართლომ ნ.ბ. ცნო დამნაშავედ სსკ-ის 19-108 მუხლით გათვალისწინებული დანაშაულის ჩადენისათვის და ძირითადი სასჯელის სახედ და ზომად განესაზღვრა თავისუფლების აღკვეთა 10 წლის ვადით.
სასამართლო პროცესზე მოწმის სახით დაიკითხნენ პენიტენციური დაწესებულების სამედიცინო პერსონალი. სასამართლომ სასჯელის დანიშვნისთანავე მსჯავრდებულს გადაუვადა სასჯელის მოხდა გამოჯანმრთელებამდე ან ჯანმრთელობის მდგომარეობის არსებით გაუმჯობესებამდე, რის საფუძველზეც ნ.ბ. გათავისუფლდა N18 სამკურნალო დაწესებულებიდან.
საყურადღებოა, რომ ბოლო პერიოდში ცალკეული მიკერძოებული მედიასაშუალებებისა და პირების მიერ გახშირდა პენიტენციური სამსახურის საქმიანობის დისკრედიტაციის მიზნით ცილისმწამებლური განცხადებებით საზოგადოებრივ აზრზე მანიპულირების მცდელობები, გვსურს საზოგადოებას განვუმარტოთ, რომ არც ერთი მსგავსი შემთხვევა არ დარჩება შესაბამისი რეაგირების გარეშე.
სპეციალური პენიტენციური სამსახური ბრალდებული ი. გ.-ს გარდაცვალებასთან დაკავშირებით სხვადასხვა მედიასაშუალების მიერ გავრცელებულ ინფორმაციას ეხმაურება.
სპეციალური პენიტენციური სამსახური უსამძიმრებს პატიმრის ოჯახის წევრებს და გმობს პატიმრის გარდაცვალების ფაქტით მანიპულირებას, რაც ცალკეული მედიასაშუალებების მხრიდან ადამიანური ტრაგედიის პოლიტიკური მიზნებისთვის გამოყენების მორიგი მაგალითია.
გვსურს, საზოგადოებას კიდევ ერთხელ განვუმარტოთ, რომ ბრალდებული ი.გ. №8 პენიტენციურ დაწესებულებაში განთავსდა კანონმდებლობის მოთხოვნათა დაცვით. დაწესებულებაში შესახლების დღიდან ბრალდებული იმყოფებოდა სამედიცინო პერსონალის მეთვალყურეობის ქვეშ. მას შესახლებისას ჩაუტარდა პირველადი სამედიცინო შემოწმება და სათანადო კვლევები.
ამასთანავე, ხაზგასმით აღვნიშნავთ, რომ ბრალდებულ ი.გ.-ს ან მის უფლებადამცველს დაწესებულებაში ყოფნის სრული პერიოდის განმავლობაში პენიტენციური სამსახურის და №8 დაწესებულების ადმინისტრაციის მიმართ რაიმე სახის საჩივარი ბრალდებულის უფლებების დარღვევის შესახებ არ დაუფიქსირებიათ.
როგორც საზოგადოებისთვის ცნობილია, 2025 წლის 23 იანვარს ბრალდებული ი.გ.-ს ჯანმრთელობის მდგომარეობა გაუარესდა. დაწესებულების ადმინისტრაციამ მყისიერად გამოიძახა 112-ის სასწრაფო დახმარების სამედიცინო ბრიგადა, რომელმაც ბრალდებული სამოქალაქო სექტორის მულტიპროფილურ სამედიცინო დაწესებულებაში გადაიყვანა. ბრალდებული ი.გ. იმყოფებოდა სამედიცინო დაწესებულების კრიტიკული მედიცინის დეპარტამენტის სამედიცინო პერსონალის მუდმივი მეთვალყურეობის ქვეშ, თუმცა 2025 წლის 4 მაისს გარდაიცვალა.
იუსტიციის სამინისტრო და სპეციალური პენიტენციური სამსახური აქტიურ კომუნიკაციაში იმყოფებოდა ბრალდებულის ოჯახთან და სახალხო დამცველის აპარატთან. საზოგადოების ინფორმირების მიზნით კიდევ ერთხელ ვაცხადებთ, რომ ზემოაღნიშნულ ფაქტთან დაკავშირებით იუსტიციის სამინისტროს შესაბამისმა დანაყოფმა მყისიერად დაიწყო გამოძიება და მიმდინარეობდა ინტენსიური საგამოძიებო მოქმედებები. აღსანიშნავია, რომ ჩხუბისა და ძალადობის ფაქტი მიმდინარე გამოძიების ფარგლებში არ დასტურდება.
ამჟამად, საგამოძიებო მოქმედებებში ჩართულია სპეციალური საგამოძიებო სამსახურიც. საზოგადოებას გამოძიების დასრულების შემდგომ ეცნობება შედეგების შესახებ.
ამასთანავე, იუსტიციის სამინისტრო მზადყოფნას გამოთქვამს, ბრალდებული ი.გ.-ს ოჯახის წევრებს, მის უფლებადამცველებს მიაწოდოს კანონით განსაზღვრული ნებისმიერი ინფორმაცია გამოძიების ეფექტიანად და სრულყოფილად წარმართვის ინტერესის გათვალისწინებით.
ქალი მსჯავრდებულებისთვის ქართული ხალხური სიმღერები და საგალობლები ქალაქ რუსთავის ანსამბლმა „დედაშვილობამ“ შეასრულა. ღონისძიებაში მსჯავრდებულებიც ჩაერთვნენ და მუსიკალური ნომრები როგორც დამოუკიდებლად, ისე ანსამბლის წევრებთან ერთად წარმოადგინეს.
ღონისძიების მიზანი მსჯავრდებულთა რეაბილიტაცია-რესოციალიზაციის ხელშეწყობა და გარესამყაროსთან კონტაქტის შენარჩუნებაა.
მსჯავრდებულებს საპატრიარქოსგან საჩუქრად საეკლესიო ნივთები, ლიტერატურა და ტკბილეული გადაეცათ.
მუსიკალური საღამო სპეციალური პენიტენციური სამსახურის ორგანიზებითა და საქართველოს საპატრიარქოს მხარდაჭერით ჩატარდა.
