№16 პენიტენციურ დაწესებულებაში ტურნირი ჩატარდა
24.06.2025
№12 და №16 პენიტენციური დაწესებულებების მსჯავრდებულებს შორის კალათბურთსა და ფრენბურთში გუნდური ჩემპიონატი ჩატარდა. ტურნირის მიზანს მსჯავრდებულთა რესოციალიზაციის ხელშეწყობა და ჯანსაღი ცხოვრების წესის პოპულარიზაცია წარმოადგენს.
გუნდურ სახეობაში ტურნირი ორ დაწესებულებას შორის პირველად ჩატარდა. გამარჯვება №16 დაწესებულების გუნდებმა მოიპოვეს და პირველი ადგილის თასებით დაჯილდოვდნენ, №12 დაწესებულების გუნდებს კი, მეორე ადგილის თასები გადაეცათ.
სპეციალური პენიტენციური სამსახური გააგრძელებს სპორტული აქტივობების ორგანიზებას, რაც ხელს უწყობს მსჯავრდებულებისთვის საზოგადოებაში ინტეგრაციისთვის აუცილებელი უნარების განვითარებას.
