გვსურს, გამოვეხმაუროთ კონკრეტული მედიასაშუალების მიერ გავრცელებულ მორიგ დეზინფორმაციას მსჯავრდებულ ირაკლი ღარიბაშვილის მიერ ოჯახის წევრის დაბადების დღეზე პენიტენციური დაწესებულების დატოვებასთან დაკავშირებით.
ხაზგასმით ვაცხადებთ, რომ მსჯავრდებულ ირაკლი ღარიბაშვილს არათუ არ დაუტოვებია დროებით პენიტენციური დაწესებულება, აღნიშნული საკითხი არც კი განხილულა სპეციალური პენიტენციური სამსახურის მხრიდან.
ამასთანავე, საზოგადოების ინფორმირების მიზნით განვმარტავთ, რომ პენიტენციური კოდექსის შესაბამისად, სამსახურის გენერალურმა დირექტორმა მსჯავრდებულს შეიძლება მისცეს თავისუფლების აღკვეთის დაწესებულების დროებით დატოვების უფლება კანონმდებლობით მკაცრად განსაზღვრულ შემთხვევებში.
მსჯავრდებულის ოჯახის წევრის დაბადების დღე არ წარმოადგენს კანონმდებლობით განსაზღვრულ იმ განსაკუთრებულ გარემოებას, რის საფუძველზეც მსჯავრდებულმა შესაძლოა, დროებით დატოვოს პენიტენციური დაწესებულება.
მსჯავრდებულ ირაკლი ღარიბაშვილის საცხოვრებელ საკანში მიმდინარეობს 24-საათიანი ვიდეომეთვალყურეობა. მსჯავრდებულის პერსონალური მონაცემები დაცულია საქართველოს კანონმდებლობის მოთხოვნათა შესაბამისად. პერსონალური მონაცემების დამუშავება, მათ შორის, გასაჯაროება ხდება პერსონალურ მონაცემთა დაცვის შესახებ საქართველოს კანონმდებლობით განსაზღვრული კონკრეტული საფუძვლების არსებობისას, რაც აღნიშნულ შემთხვევაში არ არსებობს და სპეციალური პენიტენციური სამსახური ვერ გაასაჯაროებს ვიდეომასალას.დაინტერესებულ პირებს შეუძლიათ, მიმართონ საქართველოს სახალხო დამცველის აპარატს, რომელიც კანონმდებლობით დადგენილი წესისა და პროცედურების დაცვით უფლებამოსილია, ადგილზე, პენიტენციური სამსახურის ადმინისტრაციულ შენობაში გაეცნოს ვიდეომასალას, რომლითაც უტყუარად დადასტურდება გავრცელებული ინფორმაციის არარეალურობა.
კიდევ ერთხელ მოვუწოდებთ ყველა მედიასაშუალებას, თავი შეიკავონ მსგავსი დეზინფორმაციის გავრცელებისგან, რაც საზოგადოების შეცდომაში შეყვანას ისახავს მიზნად.
ჯანსაღი ცხოვრების წესის ხელშეწყობის მიზნით პენიტენციურ დაწესებულებებში სპორტის სხვადასხვა სფეროს წარმომადგენლებთან შეხვედრები გრძელდება. ამჯერად №12 პენიტენციურ დაწესებულებაში მსჯავრდებულთა ფეხბურთის გუნდს თბილისის „დინამოს“ვეტერანი ფეხბურთელები ესტუმრნენ.
შეხვედრა კითხვა-პასუხის რეჟიმში წარიმართა. მსჯავრდებულებს შესაძლებლობა ჰქონდათ, სტუმრებისთვის მათთვის საინტერესო კითხვები დაესვათ და პრაქტიკული რჩევები მიეღოთ.
სპეციალური პენიტენციური სამსახურისთვის სპორტისა და ფიზიკური აქტივობების ხელშეწყობა პრიორიტეტულია. ამ მიზნით დაწესებულებებში განახლდა სპორტული ინფრასტრუქტურა და ინვენტარი; მსჯავრდებულები რეგულარულად მონაწილეობენ სხვადასხვა ტურნირებში, რაც მათ რესოციალიზაცია-რეაბილიტაციას უწყობს ხელს.
№16 პენიტენციური დაწესებულების მსჯავრდებულებმა ქ. რუსთავის №28 საჯარო სკოლის დაწყებითი კლასის სპეციალური საგანმანათლებლო საჭიროების მქონე მოსწავლეებისთვის სასწავლო-განმავითარებელი სათამაშოები დაამზადეს.
სათამაშოები დამზადებულია ეკოლოგიურად სუფთა მასალისგან და დაფარულია ბავშვებისთვის უსაფრთხო, არატოქსიკური საღებავებით. ისინი ხელს უწყობს ბავშვებში წარმოსახვის განვითარებას, თვალისა და ხელის კოორდინაციის გაუმჯობესებას.
მოსწავლეებს საჩუქრები სპეციალური პენიტენციური სამსახურის მსჯავრდებულთა რესოციალიზაცია-რეაბილიტაციის დეპარტამენტის ხელმძღვანელმა და №16 პენიტენციური დაწესებულების დირექტორმა გადასცეს.
აღნიშნული ინიციატივა მსჯავრდებულთა პროფესიული უნარების განვითარებას, სოციალური პასუხისმგებლობის გაძლიერებასა და საზოგადოებაში მათი პოზიტიური ჩართულობის ხელშეწყობას ემსახურება.
სპეციალური პენიტენციური სამსახური ეხმაურება ტელეკომპანია პირველისა და ტაბულას მიერ გავრცელებულ ცრუ ინფორმაციას ბრალდებულებისთვის/მსჯავრდებულებისთვის (ირაკლი ნადირაძე, ირაკლი ქერაშვილი და გურამ მირცხულავა) სატელეფონო ზარების შეზღუდვასთან დაკავშირებით.
ბრალდებულს პატიმრობის აღსრულებისას, აგრეთვე მსჯავრდებულს თავისუფლების აღკვეთის აღსრულებისას გარანტირებული აქვს საქართველოს კონსტიტუციით, საქართველოს საერთაშორისო ხელშეკრულებებით, პენიტენციური კოდექსითა და საქართველოს სხვა საკანონმდებლო და კანონქვემდებარე ნორმატიული აქტებით აღიარებული უფლებები და თავისუფლებები. მათ შორის, სატელეფონო საუბრითა და მიმოწერით სარგებლობის უფლება.
გავრცელებულ განცხადებებში მითითებული ყველა პირი შეუზღუდავად სარგებლობს სატელეფონო საუბრის უფლებით, კანონმდებლობით დადგენილი წესის შესაბამისად, ათ დღეში ერთხელ სატელეფონო უფლებით სარგებლობის შეზღუდვასთან დაკავშირებული ცრუ და გადაუმოწმებელი ინფორმაციის გავრცელება მიზნად ისახავს საზოგადოების სიცრუეში შეყვანას და სპეციალური პენიტენციური სამსახურის საქმიანობის დისკრედიტაციას.
აქვე აღსანიშნავია, რომ სატელეფონო საუბარი ხორციელდება ბრალდებულის/მსჯავრდებულის ხარჯითა და სატელეფონო საუბრის განსახორციელებლად ბრალდებულს/მსჯავრდებულს ბალანსზე უნდა ჰქონდეს შესაბამისი ოდენობის თანხა.
სპორტის მართვის სტრატეგიის ფარგლებში №16 პენიტენციურ დაწესებულებაში საფეხბურთო მატჩი გაიმართა.
შეჯიბრებაში ერთმანეთს მსჯავრდებულები და საქართველოს სპორტის სახელმწიფო უნივერსიტეტის გუნდი დაუპირისპირდნენ. დაძაბულ შეხვედრაში გამარჯვება მსჯავრდებულებმა მოიპოვეს, რომელთაც გარდამავალი თასი გადაეცათ.
სპეციალური პენიტენციური სამსახურისთვის ჯანსაღი ცხოვრების წესის ხელშეწყობა პრიორიტეტულია. ამ მიზნით სპორტის სხვადასხვა სახეობაში ტურნირები მსჯავრდებულთა მაღალი ჩართულობით რეგულარულად იმართება, რაც მათ საზოგადოებაში წარმატებულ რეინტეგრაციას უწყობს ხელს.
სპეციალური პენიტენციური სამსახურის ორგანიზებით, №5 (ქალთა) პენიტენციურმა დაწესებულებამ ანსამბლ „ალილოს“ უმასპინძლა. ანსამბლის წევრებმა მსჯავრდებულთათვის სხვადასხვა მუსიკალური ნომერი შეასრულეს.
საღამოს დასრულების შემდეგ მსჯავრდებულებმა სტუმრებს საკუთარი ხელით დამზადებული ნივთები საჩუქრად გადასცეს.
სპეციალური პენიტენციური სამსახური გააგრძელებს მსგავსი ტიპის აქტივობების მხარდაჭერას, რაც მსჯავრდებულებს საზოგადოებაში წარმატებულ რეინტეგრაციაში დაეხმარება.
№8 პენიტენციური დაწესებულების მსჯავრდებულებმა ბავშვებისათვის საკუთარი ხელით დაამზადეს მისალოცი ბარათები და თიხის ნივთები – ჭიქები, სასანთლეები, თასები, დეკორატიული აქსესუარები.
საჩუქრები ბავშვთა სახლის აღსაზრდელებს სპეციალური პენიტენციური სამსახურის წარმომადგენლებმა გადასცეს.
სპეციალური პენიტენციური სამსახური მსჯავრდებულთა რესოციალიზაციის, გარე სამყაროსთან კონტაქტის შენარჩუნებისა და სოციალური პასუხისმგებლობის გაძლიერების მიზნით გააგრძელებს მსგავსი სახის აქტივობების მხარდაჭერას.
საახალწლო ღონისძიების ფარგლებში არასრულწლოვან მსჯავრდებულებს მომღერლებმა შობა-ახალი წელი მიულოცეს.
შესრულდა სხვადასხვა მუსიკალური ნომერი, მათ შორის, მსჯავრდებულთა მონაწილეობით.
საახალწლო დღეებში საქართველოს საპატრიარქოსგან საშობაო ეპისტოლე, სანთლები და ტბილეული პენიტენციურ დაწესებულებაში მყოფმა ყველა არასრულწლოვანმა მიიღო.
