![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024030165e18f0d7df77.jpg&w=3840&q=75)
დელეგაციის წევრებს სპეციალური პენიტენციური სამსახურის ხელმძღვანელის მოადგილე გიორგი გიორგაძემ №16 დაწესებულების მსჯავრდებულთა საცხოვრებელი პირობები; რესოციალიზაცია-რეაბილიტაციის მიზნით დანერგილი პროგრამები და პროფესიული სწავლების კურსები გააცნო; დაათვალიერებინა დაწესებულების ინფრასტრუქტურა, მათ შორის, გრძელვადიანი და მოკლევადიანი პაემნებისათვის განკუთვნილ სივრცეები; პურის საცხობი, ხისა და ტყავის საამქროები, სადაც მსჯავრდებულები სხვადასხვა ნივთს ამზადებენ, რეალიზაციიდან შემოსული თანხა კი, მათივე შემოსავლის წყაროა.
ბუნდესტაგის იურიდიულ საკითხთა კომიტეტის თავმჯდომარე ელიზაბეთ ვინკელმაიერ-ბექერი დაწესებულებაში მოქმედ ქართულ ინოვაციურ პროექტ „იუსტიციის სახლის“ მუშაობით დაინტერესდა, რომელიც როგორც პატიმრებს, ისე თანამშრომლებს შესაძლებლობას აძლევს, შეუზღუდავად ისარგებლონ სახელმწიფო და კერძო სექტორის 50-ზე მეტ სერვისით.
სტუმრები №16 დაბალი რისკის დაწესებულებაში ახალ ინოვაციურ საგანმანათლებლო პროექტ „ციფრული უნივერსიტეტის“ ფუნქციონირებას გაეცნენ, რომლის საშუალებით პატიმრები უმაღლეს განათლებას ონლაინ ფორმატში დისტანციურად იღებენ.
„შემიძლია, დანამდვილებით ვთქვა, რომ საქართველომ უკან ჩამოიტოვა მისი ძალიან მძიმე წარსული. ციხეებში პატიმრებს ეპყრობიან პატივისცემით, სასჯელაღსრულების დაწესებულება ზრუნავს მათ რესოციალიზაციაზე, რაც მათთვის ახალი ცხოვრების დაწყების საშუალებაა განთავისუფლების შემდეგ“, – განაცხადა ბუნდესტაგის იურიდიულ საკითხთა კომიტეტის თავმჯდომარემ.
საქართველოში ვიზიტის ფარგლებში, გერმანიის ფედერაციული რესპუბლიკის ბუნდესტაგის წარმომადგენლებმა შეხვედრა გამართეს იუსტიციის მინისტრ რატი ბრეგაძესთან.
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024022865ded4b4d35c1.jpg&w=3840&q=75)
ამჯერად, თანამედროვე სტანდარტების შესაბამისად, სრულად განახლდა №16 დაწესებულების მსჯავრდებულთათვის განკუთვნილი საშხაპე სივრცე, განთავსდა ახალი ინვენტარი, შეიცვალა წყლისა და სავენტილაციო სისტემები, დამონტაჟდა ახალი განათება.
ბრალდებულთა/მსჯავრდებულთა საცხოვრებელი პირობების გაუმჯობესება და პენიტენციურ სისტემაში საერთაშორისო სტანდარტების დამკვიდრება სამსახურის ერთ-ერთი პრიორიტეტია. დაწესებულებებში სხვადასხვა ინფრასტრუქტურული სამუშაოები ინტენსიურად მიმდინარეობს: №5 (ქალთა) დაწესებულებაში არასრულწლოვან ბრალდებულთათვის/მსჯავრდებულთათვის მოეწყო თანამედროვე სტანდარტების შესაბამისი სივრცე; №8 პენიტენციურ დაწესებულებაში განახლდა სავენტილაციო სისტემა; ასევე გრძელვადიანი და მოკლევადიანი პაემნების სივრცეები; სრულად შეიცვალა სპორტული ინფრასტრუქტურა.
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024022765dd939ad2e3d.jpg&w=3840&q=75)
საქართველოში ნიდერლანდების ელჩმა მელინე არაკელიანმა სპეციალური პენიტენციური სამსახურის წარმომადგენლებთან ერთად დაწესებულების ტერიტორიაზე არასრულწლოვან ბრალდებულთათვის/მსჯავრდებულთათვის ახალგახსნილი, თანამედროვე სტანდარტების შესაბამისი სივრცე მოინახულა, სადაც ისინი უზრუნველყოფილი არიან საჭირო ინვენტარით და აქტივობის შესაძლებლობით.
ელჩი გაეცნო №5 (ქალთა) დაწესებულებაში არსებულ პაემნებისთვის განკუთვნილი სივრცეს, სამკერვალოს, სილამაზის სალონს, სადაც მსჯავრდებულები არიან დასაქმებული; მოინახულა სპორტული დარბაზი, ბიბლიოთეკა, სამლოცველო.
სტუმარმა ინფორმაცია მიიღო დაწესებულებაში მოქმედ ქართულ ინოვაციურ პროექტ „იუსტიციის სახლის“ შესახებ, რომელიც პატიმრებსა და თანამშრომლებს შესაძლებლობას აძლევს, შეუზღუდავად ისარგებლონ სახელმწიფო და კერძო სექტორის 50-ზე მეტი სერვისით.
მელინე არაკელიანი დაწესებულებაში ყოფნისას მსჯავრდებულთა რეაბილიტაცია-რესოციალიზაციის პროგრამის ფარგლებში ნიდერლანდების საელჩოს მხარდაჭერით განხორციელებული პროექტის „სამოქალაქო განათლების ტრენინგის“ მონაწილე ქალ პატიმრებს შეხვდა და სერტიფიკატები გადასცა. პროექტს ორგანიზაცია „ქალი და ბიზნესი“ ახორციელებს.
პენიტენციური სამსახური ზრუნავს საზოგადოების უსაფრთხოების დაცვაზე განმეორებითი დანაშაულის პრევენციის გზით. ჩვენი მისიაა პატიმრობის აღსრულება უსაფრთხო, დაცულ და ჰუმანურ გარემოში. სპეციალურ პენიტენციურ სამსახურში 3700-ზე მეტი ადამიანია დასაქმებული. თითოეულ მათგანს მნიშვნელოვანი წვლილი შეაქვს ჩვენი ქვეყნის უკეთესი მომავლის მშენებლობაში.
ჩვენ მათ ვთავაზობთ ყოველწლიურად გაუმჯობესებულ შრომით პირობებს:
მზარდ ხელფასს;
წოდებრივ სარგოს;
წელთა ნამსახურობის დანამატს;
კვებითა და ტრანსპორტირებით უზრუნველყოფას;
ჯანმრთელობის დაზღვევას;
მუდმივად განახლებად სოციალურ ბენეფიტებს;
და, რაც ყველაზე მნიშვნელოვანია –ადამიანსა და ადამიანის უფლებების დაცვაზე ორიენტირებულ გარემოს.
თანამშრომელთა პროფესიული განვითარების მიზნით სამსახური ყოველწლიურად გეგმავს და ახორციელებს კვალიფიკაციის ასამაღლებელ ტრენინგებს, რაც ხელს უწყობს არა მარტო თანამშრომლების საქმიანობის ეფექტიანობის და შესრულებული სამუშაოს ხარისხის ზრდას, არამედ განავითარებს მათ უნარებსა და პროესიულ შესაძლებლობებს.
შემოუერთდი პენიტენციური სამსახურის გუნდს!
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024022065d45baf5d7d2.jpg&w=3840&q=75)
პენიტენციური დაწესებულებების თანამშრომელთა ტრანსპორტირება ახალი, კომფორტული ავტობუსებით განხორციელდება. სპეციალურმა პენიტენციურმა სამსახურმა დამატებით სამი თანამედროვე სტანდარტის მქონე ავტობუსი შეიძინა.
ავტობუსები რუსთავის (№5, №6) და №14 დაწესებულებების თანამშრომელთათვის გამოყოფილ ტრანსპორტს ჩაანაცვლებს, ამასთან, ლაითურის №1 დაწესებულების თანამშრომელთა სამსახურამდე გადაადგილებას უწყება უკვე ახალი ტრანსპორტით უზრუნველყოფს.
სპეციალური პენიტენციური სამსახურისთვის სისტემაში დასაქმებულ თითოეულ თანამშრომელზე ზრუნვა და მათთვის უკეთესი სამუშაო პირობების უზრუნველყოფა პრიორიტეტულია. ამ მიზნით სამსახურის 3 300-ზე მეტი თანამშრომელი უზრუნველყოფილია უფასო ჯანმრთელობის დაზღვევით, ამდენივეს გაეზარდა ანაზღაურება; შტატით გათვალისწინებულ ყველა მოსამსახურეს მიენიჭა წოდება; 8-საათიანი სამუშაო გრაფიკით მომუშავენი დღის განმავლობაში – ერთჯერადად, ხოლო 24-საათიან ცვლაში მორიგე თანამშრომლები დღეში სამჯერ სარგებლობენ უფასო კვებით.
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024022165d5a05294e11.jpg&w=3840&q=75)
სპეციალური პენიტენციური სამსახურის მხარდაჭერით და საქართველოს საპატრიარქოს ხელშეწყობით №11 (არასრულწლოვანთა) დაწესებულებაში სხვადასხვა თეატრალური დასის მსახიობებმა სპექტაკლი ,,შობის ღამე" წარმოადგინეს.
სპექტაკლის დასრულების შემდეგ ჯაზ-ბენდის მონაწილეობითა და მსჯავრდებულთა ჩართულობით მუსიკალური ნომრებიც შესრულდა.
ღონისძიების დასასრულს პატიმრებს სრულიად საქართველოს კათოლიკოს-პატრიარქის, უწმიდესისა და უნეტარესი ილია მეორის ლოცვა-კურთხევით, საჩუქრად სხვადასხვა სახის ტკბილეული და სანთლები საპატრიარქოს წარმომადგენლებმა გადასცეს.
სპეციალური პენიტენციური სამსახური პატრიარქსა და საქართველოს საპატრიარქოს არასრულწლოვან მსჯავრდებულებზე ზრუნვისა და თანადგომისთვის მადლობას უხდის
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024022065d48d4eb4f9b.jpg&w=3840&q=75)
სპეციალური პენიტენციური სამსახურის ორგანიზებით და კომპანიების – „რე:სქულის“, „რე:ინვენთის“ და პროგრესირების ქართულ-ამერიკული საერთაშორისო სკოლების დამფუძნებლის ერთობლივი მხარდაჭერით_ 15 ქალი პატიმარი შეისწავლის ერთ-ერთ ყველაზე მაღალანაზღაურებად პროფესიას – UI/UX დიზაინს (მობილური აპლიკაციებისა და ვებგვერდების დამზადება).
სასწავლო პროცესი 18 თებერვალს დაიწყება და 10 თვის განმავლობაში გაგრძელდება.
კურსისთვის დაწესებულების ტერიტორიაზე სპეციალურად მოეწყო სივრცე, რომელიც აღიჭურვა შესაბამისი ტექნიკით.
ქალ პატიმრებს ყველაზე მოთხოვნად პროფესიას დარგის მაღალკვალიფიციური სპეციალისტი შეასწავლის. კურსის დასრულების შემდეგ წარმატებულ მსმენელებს „რე:ინვენთსა“ და პარტნიორ კომპანიებში დაასაქმებენ.
UI/UX დიზაინის კურსი საპილოტე რეჟიმში ქალთა დაწესებულებაში ჩატარდება, თუმცა, სამომავლოდ პროექტის განხორციელება სხვა დაწესებულებებშიც იგეგმება.
სპეციალური პენიტენციური სამსახური მხარდამჭერ კომპანიებს მსჯავრდებულთა ცოდნის გაღრმავების, მათი ახალი პროფესიის შეძენისა და სამომავლო დასაქმებაში შეტანილი წვლილისა და მხარდაჭერისთვის მადლობას უხდის.
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024022065d490bf771d3.jpg&w=3840&q=75)
მარათონი ევროპის თემატიკას მიეძღვნა და მასში არასრულწლოვან მსჯავრდებულთა 3 გუნდი მონაწილეობდა. შიდა ტურნირში გამარჯვებულებს სპეციალური პრიზები გადაეცათ.
„EU4Georgia 4“ პროექტის ფარგლებში, ევროპის შესახებ ერთწლიანი შემეცნებით-გასართობი მარათონი ევროკავშირის წარმომადგენლობამ საქართველოში განათლების, მეცნიერებისა და ახალგაზრდობის სამინისტროსთან ერთად გასულ წელს დაიწყო.
პროექტის ფარგლებში, თბილისის 11 უბანსა და არასრულწლოვანთა დაწესებულებაში მოსწავლეებს შორის მარათონი ერთდროულად ჩატარდა. მასში მონაწილეობა 140-ზე მეტმა გუნდმა მიიღო.
პენიტენციური სამსახურისთვის პრიორიტეტულია ბრალდებულთა/მსჯავრდებულთა ინტელექტუალური განვითარება, სხვადასხვა მიმართულებით ცოდნის გაღრმავება და ამ მიზნით ღონისძიებების ორგანიზება და მხარდაჭერა.
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252F2024022065d49cf09ee78.jpg&w=3840&q=75)
№15 პენიტენციურ დაწესებულებაში სრულად განახლდა საშხაპე სივრცე, დამონტაჟდა ახალი სავენტილაციო სისტემა, განათება; შეიცვალა წყლის საკომუნიკაციო მილები; განახლდა ინვენტარი.
არსებულ პენიტენციურ დაწესებულებებში უმაღლესი სტანდარტების პირობების შექმნა და ახალი თანამედროვე პენიტენციური დაწესებულებების მშენებლობა წარმოადგენს სპეციალური პენიტენციური სამსახურის ერთ-ერთ მთავარ პრიორიტეტს.
სპეციალური პენიტენციური სამსახური ბრალდებულთათვის/მსჯავრდებულთათვის საცხოვრებელი პირობების კიდევ უფრო გაუმჯობესების მიზნით ყველა პენიტენციურ დაწესებულებაში აგრძელებს სხვადასხვა ინფრასტრუქტურულ სამუშაოს.