VENEZIA INTERNATIONAL FASHION CONCERT 2024“-ის ფარგლებში ქართველმა მსჯავრდებულებმა სხვადასხვა აქსესუარით, მათ შორის, ტყავისა და თექით გაფორმებული 12 მოდელი წარადგინეს.
მსგავსი დონის საერთაშორისო ღონისძიებაში მონაწილეობით ქართველ მსჯავრდებულებს საკუთარი ნამუშევრების ფართო საზოგადოებისთვის გაცნობის, დასაქმების და შემოსავლის გაზრდის შესაძლებლობა ეძლევათ, რაც ხელს უწყობს მათ თვითრეალიზებას და განმეორებითი დანაშაულის პრევენციას.
ქართველი პატიმრების ნამუშევრები საერთაშორისო მოდის კვირეულზე ქართული ეროვნული საუნდტრეკის ფონზე წარადგინეს. ჩვენებაში ქართველ პატიმრებთან ერთად მონაწილეობა მიიღეს მსოფლიოში ცნობილმა დიზაინერებმა და ვენეციის ქალთა ციხის მსჯავრდებულებმაც.
ვენეციის მოდის კვირეულში ქართველი მსჯავრდებულების ნამუშევრების წარდგენასთან დაკავშირებით პენიტენციურმა სისტემამ შეთავაზება ღონისძიების ორგანიზატორებისგან მიიღო.
სპეციალური პენიტენციური სამსახური ბრალდებულთა/მსჯავრდებულთა რეაბილიტაცია-რესოციალიზაციის ხელშეწყობის მიზნით სხვადასხვა აქტივობისა და ღონისძიების მხარდაჭერას კვლავ გააგრძელებს.
ჯანდაცვის მსოფლიო ორგანიზაციამ (WHO) სპეციალური პენიტენციური სამსახურის მიერ დაავადებების დროულად გამოვლენისა და პენიტენციური ჯანდაცვის მართვის არსებული პრაქტიკა წარმატებულად შეაფასა.
სპეციალურ პენიტენციურ სამსახურში გამართულ შეხვედრაზე ჯანდაცვის მსოფლიო ორგანიზაციის (WHO) წევრები პენიტენციურ დაწესებულებებში აივ ინფექცია/შიდსის, ვირუსული ჰეპატიტების, სქესობრივი გზით გადამდები დაავადებების გამოვლენის, სამსახურის მიერ მათი ეფექტური მართვისა და შედეგების შესახებ არსებულ ინფორმაციას გაეცნენ.
პენიტენციური ჯანდაცვის სფეროში გატარებული რეფორმების შედეგად პენიტენციურ სისტემაში ტუბერკულოზი, ფაქტობრივად, დამარცხებულია; სამსახური, ასევე, წარმატებით უმკლავდება C ჰეპატიტის გამოწვევას. C ჰეპატიტის ადრეული გამოვლენის მიზნით ბრალდებულისთვის/მსჯავრდებულისთვის პენიტენციურ სისტემაში შემოსვლისთანავე ხელმისაწვდომია სკრინინგული გამოკვლევა სრულიად უფასოდ.
პენიტენციური ჯანდაცვის მომსახურების გაუმჯობესების მიზნით პენიტენციური დაწესებულებები აღიჭურვა უახლესი სამედიცინო ტექნიკითა და ინვენტარით; მსჯავრდებულთათვის სამოქალაქო ჯანდაცვის სერვისების ხელმისაწვდომობის გაზრდის მხრივ ფუნქციონირებს ონლაინ კლინიკაც, რომელიც მსჯავრდებულებს შესაძლებლობას აძლევს, უმოკლეს დროში ისარგებლონ სამოქალაქო კლინიკის სპეციალისტის ონლაინ კონსულტაციით.
სპეციალური პენიტენციური სამსახურისთვის თითოეული ბრალდებულის და მსჯავრდებულის ჯანმრთელობაზე ზრუნვა, მათთვის ყველა საჭირო სამედიცინო მომსახურების დროული მიწოდება უმნიშვნელოვანესია. განსაკუთრებული ყურადღება ეთმობა ადრეულ დიაგნოსტირებას, რაც მკურნალობის პროცესს მნიშვნელოვნად ამარტივებს.
ჯანდაცვის მსოფლიო ორგანიზაციის წევრებთან გამართულ შეხვედრას დაესწრნენ სპეციალური პენიტენციური სამსახურის ადმინისტრაციული დეპარტამენტის უფროსი თეონა ბაბუნაშვილი, სამედიცინო დეპარტამენტის ხელმძღვანელი მალხაზ ურთქმელიძე და მისი მოადგილე ნათია ბერიანიძე, უწყების სხვა წარმომადგენლები.
საგრანტო პროექტი №5 და №16 პენიტენციური დაწესებულებების მსჯავრდებულებს პროფესიულ განვითარებას სამი მიმართულებით სთავაზობს – კერამიკაზე მუშაობა, გრაფიკული დიზაინი და ტანსაცმლის მოდელირება. პროფესიები, რომლებსაც პატიმრები ეუფლებიან, მათ სურვილებსაა მორგებული.
მე-16 დაწესებულებაში ტრენინგების მიმდინარეობას იუსტიციის მინისტრის მოადგილე თორნიკე ჭეიშვილი, სპეციალური პენიტენციური სამსახურის ხელმძღვანელი ნიკა ცხვარაშვილი და იუსტიციის სამინისტროს ადმინისტრაციის უფროსი მანანა ბეგიაშვილი საგრანტო საბჭოს წევრებთან ერთად გაეცნენ.
პროექტს თბილისის აპოლონ ქუთათელაძის სახელობის სახელმწიფო სამხატვრო აკადემია, კულტურის აკადემია და შპს „გალერეა ჩაის სახლი“ იუსტიციის სამინისტროს დაფინანსებით ახორციელებს. მისი მიზანი პატიმართა რეაბილიტაციისა და რესოციალიზაციის ხელშეწყობაა. გარდა იმისა, რომ შემოქმედებით პროცესს თერაპიული ეფექტი აქვს მსჯავრდებულებზე და მათ დროის სწორ მენეჯმენტში ეხმარება, პატიმრები შრომით ბაზარზე მოთხოვნად პროფესიებს ეუფლებიან, რაც მომავალში მათი დასაქმების პერსპექტივას ქმნის.
საგრანტო კონკურსს იუსტიციის სამინისტრო ყოველწლიურად აცხადებს. მისი მიზანი ინოვაციური სერვისების დანერგვის ხელშეწყობა, ადამიანის უფლებათა დაცვის გაძლიერება და სამართლებრივი უსაფრთხოების განმტკიცებაა. წელს იუსტიციის სამინისტრო საგრანტო კონკურსში გამარჯვებულ 17 პროექტს აფინანსებს.
სპორტის მართვის სტრატეგიის ფარგლებში, პენიტენციურ დაწესებულებებში ჯანსაღი ცხოვრების წესის ხელშეწყობის მიზნით სპორტის ფესტივალები პატიმართა აქტიური ჩართულობით გრძელდება.
ამჯერად საკუთარი შესაძლებლობები ქალმა პატიმრებმა გამოსცადეს სპორტის 6 სახეობაში: ფრენბურთში, ფეხბურთში, კალათბურთში, შაშში, ჭადრაკსა და მაგიდის ჩოგბურთში.
ფესტივალში მონაწილე ყველა მსჯავრდებულს სერტიფიკატები გადაეცა, ტურნირში გამარჯვებულები კი, თასებითა და მედლებით დაჯილდოვდნენ.
სპორტის ფესტივალები სპეციალური პენიტენციური სამსახურისა და სპორტის, ტურიზმისა და ახალგაზრდობის საერთაშორისო ფონდის ხელშეწყობით სხვადასხვა პენიტენციურ დაწესებულებაში სისტემატურად ტარდება; იზრდება მსჯავრდებულთა ჩართულობაც, რაც მათ რეაბილიტაცია-რესოციალიზაციას უწყობს ხელს.
პენიტენციური სამსახურისთვის სპორტისა და ფიზიკური აქტივობის ხელშეწყობა პრიორიტეტულია. ამ მიზნით პენიტენციური დაწესებულებები უახლესი სპორტული ინვენტარით აღიჭურვა, განახლდა სპორტული ინფრასტრუქტურა, დაინერგა არაერთი სპორტული პროგრამა; მსჯავრდებულებს აქვთ პროფესიონალ ტრენერებად ჩამოყალიბების შესაძლებლობა.
სპეციალური პენიტენციური სამსახურისთვის თანაბრად მნიშვნელოვანია თითოეული ბრალდებულისთვის/მსჯავრდებულისთვის ღირსეული და განვითარებაზე ორიენტირებული გარემოს შექმნა. თუმცა, განსაკუთრებით პრიორიტეტული არასრულწლოვან მსჯავრდებულებზე ზრუნვაა.
დღეს №11 დაწესებულების არასრულწლოვან მსჯავრდებულებს ბავშვთა დაცვის საერთაშორისო დღე სპეციალური პენიტენციური სამსახურის ხელმძღვანელმა ნიკა ცხვარაშვილმა და მოადგილე გიორგი გიორგაძემ მიულოცეს. უწყებისგან მსჯავრდებულებს მათ მიერ მოთხოვნილი საჩუქრებიც გადაეცათ.
დასაჩუქრდნენ, აგრეთვე, №2 და №8 დაწესებულებების მსჯავრდებულები და №5 (ქალთა) დაწესებულების დედათა და ბავშვთა სახლში მყოფი ერთი წლის გოგონა. საჩუქრები გადაეცათ არასრულწლოვან ქალ მსჯავრდებულებსაც.
სპეციალური პენიტენციური სამსახური თითოეული მსჯავრდებულისთვის თანაბრად უზრუნველყოფს პროფესიული და აკადემიური განათლების მიღების შესაძლებლობას, რისთვისაც პენიტენციურ დაწესებულებებში ფუნქციონირებს არაერთი პროფესიული პროგრამა, სადაც მსჯავრდებულები ახალ პროფესიას ეუფლებიან; მოქმედებს „ციფრული უნივერსიტეტიც“, სადაც მსჯავრდებული სტუდენტები უმაღლეს განათლებას საქართველოს ავტორიზებულ უნივერსიტეტებში ონლაინ ფორმატში დისტანციურად იღებენ.
მან მსჯავრდებულებს ქართული თეატრის ისტორია გააცნო და შეკითხვებსაც უპასუხა.
შეხვედრის ფარგლებში, მსჯავრდებულებმა სტუმარს ახალ სპექტაკლზე მუშაობის დაწყების იდეაც გაუზიარეს, რაზეც ნიკოლოზ წულუკიძემ მხარდაჭერა და თანადგომა აღუთქვა.
სპეციალური პენიტენციური სამსახური ბრალდებულთა/მსჯავრდებულთა რეაბილიტაცია-რესოციალიზაციის ხელშეწყობას მომავალშიც გააგრძელებს.
წელს პენიტენციურ სისტემაში სკოლა 10-მა არასრულწლოვანმა დაასრულა, 3 მათგანი ერთიან ეროვნულ გამოცდებზეა დარეგისტრირებული და უმაღლესი განათლების მიღებას გეგმავს.
მოსწავლეებს პენიტენციური სამსახურისგან საჩუქრად გადაეცათ სიმბოლური თეთრი მაისურები, რომლებზეც სტუმრებმა მისალოცი წარწერები გააკეთეს.
ღონისძიების ფარგლებში გიტარის პედაგოგთან ერთად მსჯავრდებულების მონაწილეობით შესრულდა მუსიკალური ნომრები; კონცერტი გამართა ჯგუფ „ფრანის“ სოლისტმაც; გამოიფინა მსჯავრდებულთა ნახატები და ხის ნამუშევრები.
სპეციალური პენიტენციური სამსახურის თითოეულ ბრალდებულზე/მსჯავრდებულზე ზრუნვა და მათთვის პროფესიული და აკადემიური განათლების მიღების ხელშეწყობა ერთ-ერთი პრიორიტეტია. ამ მიზნით პენიტენციურ დაწესებულებებში ფუნქციონირებს არაერთი პროფესიული პროგრამა, სადაც მსჯავრდებულები ახალ პროფესიას ეუფლებიან; მოქმედებს საგანმანათლებლო პროექტი „ციფრული უნივერსიტეტი“, რომლის ფარგლებში მსჯავრდებული სტუდენტები უმაღლეს განათლებას საქართველოს ავტორიზებულ უნივერსიტეტებში ონლაინ ფორმატში დისტანციურად იღებენ.
№11 დაწესებულებაში ბოლო ზარისადმი მიძღვნილ ღონისძიებას სპეციალური პენიტენციური სამსახურისა და საქართველოს განათლების, მეცნიერებისა და ახალგაზრდობის სამინისტროს წარმომადგენლები დაესწრნენ.
საქართველოს იუსტიციის მინისტრის ბრძანების საფუძველზე, სპეციალური პენიტენციური სამსახურის მოსამსახურეები სოციალური დაცვის დამატებითი გარანტიებით ისარგებლებენ.
ბრძანების თანახმად, შესაბამისი დოკუმენტაციის წარდგენის შემდეგ მოსამსახურე სოციალური დაცვის დამატებითი ღონისძიების სახით მიიღებს ერთჯერად ფინანსურ დახმარებას 1875 ლარის ოდენობით დაქორწინების, შვილის შეძენის/შვილად აყვანის, ოჯახის წევრის გარდაცვალების შემთხვევაში.
საქართველოს იუსტიციის სამინისტრო და სპეციალური პენიტენციური სამსახური განსაკუთრებულად აფასებს სისტემაში დასაქმებულ თითოეულ თანამშრომელს და ყოველდღიურად ზრუნავს მათთვის სამუშაო პირობების გასაუმჯობესებლად.
პენიტენციურ სისტემაში დასაქმებული ექთნები 24_საათიან რეჟიმში ზრუნავენ თითოეული ბრალდებულის/მსჯავრდებულის ჯანმრთელობასა და უსაფრთხოებაზე.
ექთნის როლი პენიტენციური ჯანდაცვის საქმიანობაში ფასდაუდებელია. მათი მხრიდან გამოჩენილი ყურადღება, მზრუნველობა და პროფესიონალიზმი არის გარანტი ბრალდებულთა/მსჯავრდებულთა დროული და სათანადო მკურნალობისა.
ექთნების საერთაშორისო დღე 1974 წლიდან აღინიშნება.
