სპეციალური პენიტენციური სამსახური ეხმიანება ცალკეული მიკერძოებული მედიასაშუალების მიერ გავრცელებულ, მორიგ ცილისმწამებლურ ინფორმაციას მსჯავრდებულ გ.ბ. - სთან დაკავშირებით.
მაღალი საზოგადოებრივი ინტერესიდან გამომდინარე, გვსურს საზოგადოებას ვაცნობოთ, რომ მსჯავრდებული გ.ბ. პენიტენციურ დაწესებულებაში შესახლებულ იქნა 2025 წლის 27 მაისს. იგი განთავსებული იყო არა სამარტოო, არამედ 4 ადგილიან საცხოვრებელ საკანში, სხვადასხვა დროს სხვადასხვა თანამესაკნესთან ერთად, მათ შორის, მიმდინარე წლის 12 ივლისამდე.
დამატებით აღვნიშნავთ, რომ მიმდინარე წლის 11 ივლისს პენიტენციური დაწესებულების საკანში დაფიქსირდა მსჯავრდებულ გ.ბ.-სა და მასთან საკანში მყოფ პატიმარს შორის ინციდენტი, რის შედეგადაც ორივე მსჯავრდებულმა მიიღო სხვადასხვა სახის დაზიანება. მსჯავრდებულ გ.ბ.-ს პენიტენციურ დაწესებულებაში მყისიერად ჩაუტარდა პირველადი სამედიცინო დახმარება და იგი გადაყვანილ იქნა სამოქალაქო სექტორის კლინიკა „ვივამედში“, მას ზედაპირული დაზიანებები აღენიშნებოდა. ჩაუტარდა ყველა საჭირო კლინიკო-ლაბორატორიული და ინსტრუმენტული კვლევა, გაეწია სხვადასხვა ექიმ-სპეციალისტთა კონსულტაცია და სამედიცინო პერსონალის რეკომენდაციით, იმავე დღეს, დაბრუნებულ იქნა N8 პენიტენციურ დაწესებულებაში.
მიმდინარე წლის 12 ივლისს, გ.ბ. გადაყვანილ იქნა N18 ბრალდებულთა/მსჯავრდებულთა სამკურნალო დაწესებულებაში, სადაც მიეწოდება შესაბამისი სამედიცინო მომსახურება და იმყოფება სამედიცინო პერსონალის მუდმივი მეთვალყურეობის ქვეშ. სახეულის სხვადასხვა სახის დაზიანებების გამო, ამავე სამკურნალო დაწესებულებაში იმყოფება მეორე მსჯავრდებულიც.
ზემოაღნიშნულ ფაქტთან დაკავშირებით, იუსტიციის სამინისტროს შესაბამისი საგამოძიებო დანაყოფი, საქართველოს კანონმდებლობით დადგენილი წესით, ინციდენტის დაფიქსირების დღიდან, 2025 წლის 11 ივლისიდან აწარმოებს გამოძიებას და მიმდინარეობს ინტენსიური საგამოძიებო მოქმედებები. აღსანიშნავია, რომ ინციდენტთან დაკავშირებით, მსჯავრდებულ გ.ბ.-ს, ასევე, შეხვდა სახალხო დამცველის აპარატის წარმომადგენელი.
საყურადღებოა, რომ ბოლო პერიოდში ცალკეული მიკერძოებული მედიასაშუალებებისა და პირების მიერ გახშირდა პენიტენციური სამსახურის საქმიანობის დისკრედიტაციის მიზნით ცილისმწამებლური განცხადებებით საზოგადოებრივ აზრზე მანიპულირების მცდელობები, გვსურს საზოგადოებას განვუმარტოთ, რომ არც ერთი მსგავსი შემთხვევა არ დარჩება შესაბამისი რეაგირების გარეშე. სპეციალური პენიტენციური სამსახური კიდევ ერთხელ მოუწოდებს ყველა დაინტერესებულ პირსა და მედიასაშუალებას თავი შეიკავონ ყველა სახის დაუზუსტებელი და დაუსაბუთებელი ინფორმაციის გავრცელებისგან
სპეციალური პენიტენციური სამსახურის ორგანიზებით, №5 პენიტენციურ დაწესებულებაში მუსიკალური საღამო ჩატარდა, რომელშიც, ცნობილ შემსრულებლებთან ერთად, მსჯავრდებულები მონაწილეობდნენ.
სპეციალური პენიტენციური სამსახური ბრალდებულთა/მსჯავრდებულთა რესოციალიზაციის ხელშეწყობის მიზნით კულტურულ-საგანმანათლებლო აქტივობებს გააგრძელებს.
სპორტის მართვის სტრატეგიის ფარგლებში №18 პენიტენციურ დაწესებულებას გოს ფედერაციის წარმომადგენლები ესტუმრნენ. ფედერაციის წევრებმა მსჯავრდებულებს სამაგიდო თამაშის წესები გააცნეს და მათთან ერთად ითამაშეს.
გო ინტელექტუალური თამაშია, რომელიც აზროვნებისა და ლოგიკური უნარების განვითარებას უწყობს ხელს.
სპეციალური პენიტენციური სამსახური მსჯავრდებულთა რეაბილიტაცია-რესოციალიზაციის ხელშეწყობის მიზნით სპორტული და ფიზიკური აქტივობების მხარდაჭერას მომავალშიც გააგრძელებს.
სპეციალური პენიტენციური სამსახურისთვის პრიორიტეტულია მსჯავრდებულთა უმაღლეს განათლებაზე ხელმისაწვდომობის უზრუნველყოფა. პენიტენციურ სისტემაში უმაღლესი განათლების გასაგრძელებლად ყველა საჭირო პირობაა შექმნილი, მათ შორის, უზრუნველყოფილია საგანმანათლებლო მასალებზე წვდომა და საჭირო ტექნოლოგიური საშუალებები. სისტემაში წარმატებით ფუნქციონირებს „ციფრული უნივერსიტეტი“, რომელიც მსჯავრდებულ სტუდენტებს შესაძლებლობას აძლევს, დისტანციურად ჩაერთონ სასწავლო პროცესში და მიიღონ სრულფასოვანი უმაღლესი განათლება.
სპეციალური პენიტენციური სამსახური მომავალშიც გააგრძელებს მსჯავრდებულთა განათლებასა და განვითარებაზე ზრუნვას.
მხატვარმა არასრულწლოვან მსჯავრდებულებს მხატვრობის ისტორია და ხატვის სხვადასხვა ტექნიკა გააცნო და მათ პროფესიული გამოცდილება გაუზიარა. ახალგაზრდებმა თავადაც შექმნეს ნამუშევრები და პრაქტიკული რეკომენდაციებიც მიიღეს, რაც მათ შემოქმედებითი უნარების განვითარებაში დაეხმარება.
დაწესებულებაში სტუმრობისას მხატვარი სრულწლოვან ქალ მსჯავრდებულებსაც შეხვდა. შეხვედრაზე განიხილეს ხელოვნების როლი ადამიანის ემოციური და სოციალური განვითარების პროცესში. მსჯავრდებულებმა საკუთარი ნამუშევრებიც წარადგინეს და პროფესიული შეფასებები მიიღეს.
ღონისძიება რესოციალიზაცია-რეაბილიტაციის პროგრამის ნაწილია და მიზნად ისახავს მსჯავრდებულთა მოტივაციის ამაღლებას, შემოქმედებითი უნარების განვითარებასა და საზოგადოებაში წარმატებული ინტეგრაციის ხელშეწყობას.
№15 დაწესებულებაში ქორეოგრაფიული ანსამბლი „ყინწვისის“ კონცერტი გაიმართა. ანსამბლის წევრებმა ქართული ცეკვები შეასრულეს.
კონცერტის დასასრულს, მოცეკვავეებს მსჯავრდებულთა მიერ შექმნილი ხელნაკეთი ნივთები საჩუქრად გადაეცათ.
ღონისძიების მიზანია პენიტენციურ დაწესებულებებში მსჯავრდებულთა რეაბილიტაცია-რესოციალიზაციისა და კულტურულ-საგანმანათლებლო აქტივობების ხელშეწყობა.
№12 და №16 პენიტენციური დაწესებულებების მსჯავრდებულებს შორის კალათბურთსა და ფრენბურთში გუნდური ჩემპიონატი ჩატარდა. ტურნირის მიზანს მსჯავრდებულთა რესოციალიზაციის ხელშეწყობა და ჯანსაღი ცხოვრების წესის პოპულარიზაცია წარმოადგენს.
გუნდურ სახეობაში ტურნირი ორ დაწესებულებას შორის პირველად ჩატარდა. გამარჯვება №16 დაწესებულების გუნდებმა მოიპოვეს და პირველი ადგილის თასებით დაჯილდოვდნენ, №12 დაწესებულების გუნდებს კი, მეორე ადგილის თასები გადაეცათ.
სპეციალური პენიტენციური სამსახური გააგრძელებს სპორტული აქტივობების ორგანიზებას, რაც ხელს უწყობს მსჯავრდებულებისთვის საზოგადოებაში ინტეგრაციისთვის აუცილებელი უნარების განვითარებას.
ბეჟან ობგაიძე პროფესიით იურისტია. მას საჯარო და კერძო სამსახურებში მუშაობის მრავალწლიანი გამოცდილება აქვს. სპეციალური პენიტენციური სამსახურის ხელმძღვანელის პოზიციაზე დანიშვნამდე ეკავა იუსტიციის სამინისტროს სსიპ აღსრულების ეროვნული ბიუროს თავმჯდომარის თანამდებობა.
წიგნი მოიცავს ლიტერატურულ კონკურსში გამარჯვებული მსჯავრდებული ქალების შემოქმედებით ნაწარმოებებსა და ხელნაკეთი ნივთების ფოტომასალას. პროექტის მიზანია მსჯავრდებულთა რეაბილიტაციის ხელშეწყობა.
№5 დაწესებულებაში ლიტერატურული კონკურსი გასულ წელს ჩატარდა. მსჯავრდებულების ნამუშევრები ჟიურიმ შეაფასა და თითოეულ მონაწილესა და საპრიზო ადგილის მფლობელებს სიგელები, საჩუქრები და ფულადი პრემიები გადაეცათ.
პრეზენტაციას სპეციალური პენიტენციური სამსახურის, ქალთა საბჭოსა და ჟიურის წევრები დაესწრნენ. წიგნი „გისოსებს მიღმა“ საქართველოს ქალთა საბჭოს მიერ გიორგი ლეონიძის სახელობის ქართული ლიტერატურის სახელმწიფო მუზეუმთან თანამშრომლობითა და თბილისის მერიის კულტურის, სპორტის, განათლებისა და ახალგაზრდულ საქმეთა საქალაქო სამსახურის მხარდაჭერით გამოიცა.
სპეციალური პენიტენციური სამსახური მხარს უჭერს და მომავალშიც გააგრძელებს მსჯავრდებულთა თანადგომას საკუთარი ცოდნისა და უნარების რეალიზებაში.
