სპეციალური პენიტენციური სამსახური

N16 პენიტენციურ დაწესებულებაში კინოჩვენება მოეწყო

პროექტი დაწესებულების ხელმძღვანელობის ინიცირებულია, თუმცა, მსჯავრდებულები სასურველ ფილმებს თავად არჩევენ.

პროექტი გრძელვადიანია და მსჯავრდებულებისთვის კინოჩვენებები მომავალშიც გაგრძელდება.

N16 პენიტენციურ დაწესებულების მსჯავრდებულებმა სათბურში ჩითილების გამოყვანა დაიწყეს

სპეციალური პენიტენციური სამსახურის განცხადება

მსჯავრდებული თ.ე. (დაბ. 1992 წ.), რომელსაც სავარაუდოდ გულისხმობს სიუჟეტის ავტორი (ვინაიდან სწორედ მოცემული მსჯავრდებულის დედა და ადვოკატი იყვნენ სიუჟეტის რესპოდენტები), გასამართლებულია საქართველოს სსკ 236-ე მუხლის მეოთხე (ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო ტარება) და 237-ე მუხლის პირველი ნაწილებით (ცეცხლსასროლი იარაღის (გარდა სანადირო გლუვლულიანი ცეცხლსასროლი იარაღისა (თოფისა)), მისი მაკომპლექტებელი დეტალის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო დაუფლება მისაკუთრების მიზნით ან გამოძალვა) და N8 პენიტენციურ დაწესებულებაში იმყოფება 2020 წლის 24 იანვრიდან ელექტრონულ-ვიზუალური მეთვალყურეობის ქვეშ. დაწესებულებაში ყოფნის პერიოდში მსჯავრდებული თ.ე. ავლენდა აგრესიას სხვა მსჯავრდებულების მისამართით, რამდენჯერმე მიიყენა თვითდაზიანება და ხშირ შემთხვევაში უარს აცხადებდა სამედიცინო მომსახურების მიღებაზე, ასევე არასოდეს განმარტავდა, რა გახდა თვითდაზიანების მიყენების საფუძველი.

2020 წლის 4 თებერვალს ჩაუტარდა ნარკოლოგის კონსულტაცია და დაესვა დიაგნოზი: სხვადასხვა სახის ნივთიერების ერთდროული მოხმარებით და სხვა ფსიქოაქტიური ნივთიერებების მიღებით გამოწვეული ფსიქიკური და ქცევითი აშლილობანი; ფსიქოაქტიური ნივთიერებებისადმი დამოკიდებულების სინდრომი. ამასთან, დაწესებულებაში ყოფნის პერიოდში მსჯავრდებულს არაერთხელ აქვს ჩატარებული ფსიქიატრის კონსულტაცია, დასმული აქვს დიაგნოზი: პერსონოლოგიური აშლილობა და ჩაუტარდა შესაბამისი მკურნალობა.

ვინაიდან სასჯელის მოხდის პერიოდში თ.ე.-ს არაერთხელ მოუვიდა დაპირისპირება თანამესაკნეებთან, სხვა მსაჯვრდებულებთან დაპირისპირების თავიდან აცილების მიზნით ამჟამად თ.ე. მოთავსებულია მარტო 2-კაციან საკანში, რომელზეც ხორციელდება 24-საათიანი ელექტრონულ-ვიზუალური მეთვალყურეობა. ამასთან, სხვა პატიმრებთან თ.ე.-ს დაპირისპირების ფაქტებთან დაკავშირებით დადგენილი წესით გაგზავნილია შეტყობინებები საქართველოს იუსტიციის სამინისტროს გენერალურ ინსპექციაში. მიმდინარე წლის 14 თებერვალს N8 პენიტენციურ დაწესებულებაში იმყოფებოდა საგამოძიებო ჯგუფი. სავარაუდოა, რომ მსჯავრდებულმა მოსალოდნელი სასჯელის თავიდან არიდების მიზნით ოჯახის წევრებს მიაწოდა ცრუ ინფორმაცია, რომ მასზე პენიტენციურ დაწესებულებაში ხდებოდა ძალადობა, რათა ამ გზით ზეწოლა მოახდინოს საგამოძიებო უწყებაზე.

N17 პენიტენციურ დაწესებულებაში თითქოსდა პატიმრებს შორის მომხდარ დაპირისპირებასთან დაკავშირებით გავრცელებული ინფორმაცია სიცრუეა

N16 პენიტენციურ დაწესებულებაში ამავე დაწესებულების მსჯავრდებულმა ლექცია წაიკითხა

აღსანიშნავია, რომ პანდემიის პირობებში დადგენილი შეზღუდვების ფონზე პენიტენციურ დაწესებულებებში შემსვლელ პირთა წრე მინიმუმამდე არის დაყვანილი, რის გამოც გარკვეული პროგრამები შეჩერებულია. ამიტომ პენიტენციური დაწესებულებების ადმინისტრაციები საკუთარი ინიციატივით, არსებული რესურსის ფარგლებში ახორციელებენ გარკვეულ ღონისძიებებს, რომლებიც მსჯავრდებულთა რესოციალიზაციის მიზნებს ემსახურება.

პენიტენციური დაწესებულებების გარე ზოლში უსაფრთხოებას კვადროციკლებით აღჭურვილი მობილური ჯგუფები აკონტროლებენ

აღნიშნული გადაწყვეტილება პენიტენციური დაწესებულებების უსაფრთხოების დაცვის მაღალი სტანდარტის უზრუნველყოფას ემსახურება. დაწესებულებების გარე აკრძალულ ზოლში პატრულირებას პენიტენციური დეპარტამენტის გარე დაცვისა და ინფორმაციულ-ტექნიკური უსაფრთხოების მთავარი სამმართველოს თანამშრომლები ახორციელებენ.

იქიდან გამომდინარე, რომ დაწესებულებების ფართობი და გარე აკრძალული ზოლი დიდ ტერიტორიას მოიცავს, ხშირ შემთხვევაში კი არის რთული ლადშაფტური რელიეფი, პატრულირება კვადროციკლების საშუალებით ხორციელდება. პენიტენციური დაწესებულებების გარე პერიმეტრის ეფექტიანად გაკონტროლების მიზნით, 2019 წლის ბოლოს გარე დაცვისა და ინფორმაციულ-ტექნიკური უსაფრთხოების მთავარი სამმართველოს თანამშრომლებს 20 კვადროციკლი გადაეცათ.

მობილური ჯგუფების მიერ 2021 წლის 28 იანვრიდან დღემდე 42 სამართალდარღვევაა გამოვლენილი. აქედან N2 დაწესებულებასთან იყო საჯარიმო ქვითრის გამოწერის 8 შემთხვევა იყო, ხოლო N8 დაწესებულებასთან 34 პირს გამოუწერეს საჯარიმო ქვითარი. პატიმრობის კოდექსის 57/3 და ადმინისტრაციულ სამართალდარღვევათა კოდექსის 177/13 მუხლების თანახმად, პენიტენციური დაწესებულების გარე აკრძალულ ზოლში საქართველოს კანონმდებლობით დადგენილი რეჟიმის დარღვევა, კერძოდ, ამ ზოლში ყოფნა ან/და სატრანსპორტო საშუალების შეყვანა (გარდა სამსახურებრივი მოვალეობის შესრულების შემთხვევისა), ნივთის/ნივთიერების საქართველოს კანონმდებლობით დადგენილი წესის გვერდის ავლით პენიტენციურ დაწესებულებაში შეტანა ან/და პენიტენციურ დაწესებულებაში მყოფი პირისთვის გადაცემა, პიროტექნიკური ნაწარმის, ფეიერვერკის, მომწამლავი, ადვილად აალებადი ან/და სხვა ნივთის/ნივთიერების შეტანა ან/და გამოყენება, აგრეთვე აღნიშნული ზოლიდან ან მისი მიმდებარე ტერიტორიიდან კანონით დადგენილი მოთხოვნების დარღვევისკენ/არეულობისკენ/დაუმორჩილებლობისკენ წაქეზება/მოწოდება, უკანონო ფორმით ინფორმაციის მიწოდება, თუ ეს ქმედება მიმართულია პენიტენციურ დაწესებულებაში მყოფი პირისადმი და არ იწვევს სისხლის სამართლებრივ პასუხისმგებლობას, გამოიწვევს დაჯარიმებას 500 ლარის ოდენობით, ხოლო იგივე ქმედება, განმეორებით ჩადენის შემთხვევაში, გამოიწვევს დაჯარიმებას 1000 ლარის ოდენობით.

პენიტენციური დაწესებულების გარე აკრძალულ ზოლში საქართველოს კანონმდებლობით დადგენილი რეჟიმის დარღვევა, 2017 წლის 20 ივნისიდან იწვევს პირის ადმინისტრაციული წესით დაჯარიმებას, თუმცა საქართველოს იუსტიციის მინისტრის ახალი ბრძანებით სრულად მოწესრიგდა და შესაბამისობაში მოვიდა კანონმდებლობით განსაზღვრული საჯარიმო ქვითრის გამოყენებასთან დაკავშირებული ორგანიზაციულ-სამართლებრივი ხასიათის საკითხები.

სპეციალური პენიტენციური სამსახური მოუწოდებს მოქალაქეებს, დაემორჩილონ დადგენილ წესს და თავი შეიკავონ პენიტენციური დაწესებულებების გარე აკრძალულ ზოლსა და მიმდებარე ტერიტორიაზე გადაადგილებისაგან.

ამნისტიის შედეგად საპატიმროები უკვე 189-მა პატიმარმა დატოვა

გლდანის და ქსნის პენიტენციურ დაწესებულებებში კოვიდდადასტურებული პატიმრების უმეტესობა გამოჯანმრთელდა

N15 (ქსნის) და N8 (გლდანის) პენიტენციურ დაწესებულებებში ჩატარებული განმეორებითი PCR ტესტირების შედეგად გაირკვა, რომ მოცემულ დაწესებულებებში ინფიცირებული პირების უმეტესობა გამოჯანმრთელდა. კერძოდ,N8 პენიტენციურ დაწესებულებაში ჩატარებული 2340 ტესტიდან მხოლოდ 9 ტესტის პასუხი იყო დადებითი. შესაბამისად, ორი კვირის წინ გამოვლენილი 38 შემთხვევიდან 29 პატიმარი გამოჯანმრთელდა. რაც შეეხება N15 პენიტენციურ დაწესებულებას, აქ ჩატარებული 1672 ტესტიდან ასევე 9 შემთხვევაში იყო პასუხი დადებითი, მაშინ, როდესაც ორი კვირის წინ ეს მონაცემი 40-ს შეადგენდა.

ამდენად, მიუხედავად ვირუსის ცალკეული შემთხვევების დაფიქსირებისა, ვითარება პენიტენციურ სისტემაში კონტროლს ექვემდებარება, პენიტენციური სამსახური კი საზოგადოებას კვლავ სისტემატურად მიაწვდის ინფორმაციას პენიტენციურ დაწესებულებებში არსებულ ვითარებასთან დაკავშირებით.

პენიტენციური სისტემის წინააღმდეგ ტელეკომპანია "ტვ პირველის" მხრიდან ცილისმწამებლური კამპანია მიმდინარეობს

პენიტენციური სამსახური აცხადებს, რომ სრული სიცრუეა დღეს, 4 თებერვალს ტელეკომპანიის ეთერში გასული ინფორმაცია, თითქოს N2 (ქუთაისის) პენიტენციურ დაწესებულებაში იყო "ბუნტი" და თითქოს ამის გამო ერთ-ერთ პატიმარს დაწესებულების ადმინისტრაცია სასტიკად გაუსწორდა. სიუჟეტში გამოყენებულია ფარული რესპოდენტის ინტერვიუ, სადაც რესპოდენტი ამბობს, რომ დილას დაუკავშირდა პატიმარი, რომელმაც უთხრა, რომ დაწესებულების ადმინისტრაციის მხრიდან ზეწოლის მსხვერპლია.

პირველ რიგში უნდა აღინიშნოს, რომ ასე ნებისმიერ ადამიანს შეუძლია იდენტიფიცირების გარეშე სხვადასხვა უწყების მიმართ ნებისმიერი ცილისმწამებლური განცხადების გაკეთება, მაგრამ ტელეკომპანიის მხრიდან ამის უაპელაციოდ გაზიარება და გადაუმოწმებლად მსგავსი ინფორმაციის გავრცელება, არღვევს ყველანაირ ჟურნალისტურ და ეთიკურ ნორმებს. სიუჟეტის ავტორს არც კი უცდია ინფორმაციის პენიტენციურ სამსახურთან გადამოწმება. ამასთან, უნდა აღინიშნოს, რომ თავად სიუჟეტში მოყვანილი ფაქტები არის წინააღმდეგობრივი, ვინაიდან თუ ასეთი სასტიკი ზეწოლის ქვეშ არის პატიმარი, გაუგებარია, როგორ ურეკავს ის ოჯახის წევრს და უყვება ამის შესახებ. პატიმარი რომ ზეწოლის მსხვერპლი იყოს, ცხადია ამას ვერ მოახერხებდა. ასეთივე წინააღმდეგობრივი იყო ამავე ტელევიზიის მიერ გუშინ, 3 თებერვალს გავრცელებული ორი სიუჟეტი, რომელთაგან ერთში ქუთაისის დაწესებულების პატიმარი სატელეფონო ინტერვიუში საუბრობდა ზეწოლაზე ადმინისტრაციის მხრიდან (რაც ასევე აბსურდია), ხოლო მეორე სიუჟეტში ქსნის N10 დაწესებულების პატიმარზე ითქვა, რომ სიუჟეტის ეთერში გასვლის დროს სამოქალაქო კლინიკის ექიმები ცდილობდნენ პატიმრის გადარჩენას, ხოლო პირდაპირ ეთერში გავიდა კადრები, სადაც ნათლად ჩანდა, რომ მოცემული პირი თავისუფლად გადაადგილდებოდა და საკუთარი ფეხით შევიდა კლინიკაში.

სპეციალური პენიტენციური სამსახური გამოთქვამს საფუძვლიან ეჭვს, რომ ტელეკომპანია "ტვ პირველი" ცრუ ინფორმაციის გავრცელების და აჟიოტაჟის ხელოვნურად შექმნის გზით ცდილობს სამსახურის დისკრედიტაციას და მღელვარების გამოწვევას პატიმრებსა და მათ ოჯახებში, რაც არის ღირსებისგან დაცლილი საქციელი და სცილდება ყველანაირ ჟურნალისტურ სტანდარტს. ამის ნათელი მაგალითი იყო რამდენიმე კვირის წინ მიმდინარე ცილისმწამებლური კამპანია ციხეებში ვითომდა ვირუსის უკონტროლო გავრცელებასთან დაკავშირებით, რაც არ დადასტურდა და ამის ნათელი მაგალითია დაწესებულებებში ვირუსის ცალკეული შემთხვევები, რომელთა შესახებ სამსახური საზოგადოებას დეტალურ ინფორმაციას აცნობს. შესაბამისად, პენიტენციური სამსახური მოუწოდებს ყველას, თავი შეიკავონ მსგავსი ცრუ და გადაუმოწმებელი ინფორმაციის გავრცელებისგან, რამაც შესაძლოა პატიმრების ან მათი ოჯახების შეშფოთება გამოიწვიოს, ხოლო მედიასაშუალებებს მოუწოდებს მეტი პასუხისმგებლობა გამოიჩინონ და დაიცვან ჟურნალისტური სტანდარტები.