სპეციალური პენიტენციური სამსახურის თანამშრომლების ვაქცინაციის პროცესს იუსტიციის მინისტრის მოადგილე ბუბა ლომუაშვილი და ჯანდაცვის პოლიტიკის სამმართველოს უფროსი, ეკატერინე ადამია ესწრებოდნენ.
ბუბა ლომუაშვილი თანამშრომლებს იმუნიზაციის მნიშვნელობაზე ესაუბრა და სამსახურის თანამშრომლებს სოციალური პასუხისმგებლობისთვის მადლობა გადაუხადა.
ბუბა ლომუაშვილი, იუსტიციის მინისტრის მოადგილე: მსოფლიო სამედიცინო საზოგადოება და ასევე ქართული სამედიცინო საზოგადოება თანხმდება, რომ ვაქცინაცია არის გამოსავალი დღეს არსებული პანდემიის თავიდან ასაცილებლად. აქედან გამომდინარე, იუსტიციის სამინისტრო უერთდება ამ კვირეულს. ჩვენ ვეცდებით მომავალშიც მთლიანად ჩავერთოთ, რათა თავიდან ავიცილოთ ის გართულებები, რაც ზოგადად ამ პროცესებს ახლავს თან. დღესდღეობით წარმოდგენილი იყვნენ პენიტენციური სამსახურიდან ჩვენი თანამშრომლები. პროცესმა ძალიან კარგად ჩაიარა და მომავალშიც ეს იქნება მაგალითი სხვა დანარჩენი თანამშრომლებისთვის.
წელს ჯანმრთელობის მსოფლიო ორგანიზაცია (WHO) 26 აპრილი – 2 მაისს პერიოდში ევროპის იმუნიზაციის მეთექვსმეტე კვირეულს აღნიშნავს. იმუნიზაციის კვირეულში საქართველო 2007 წლიდან აქტიურად მონაწილეობს და წელსაც, უერთდება ჯანმოს ევროპის რეგიონის ქვეყნებს და კვირეულის ფარგლებში კიდევ ერთხელ შეახსენებს მოსახლეობას თუ რა დიდი მნიშვნელობა აქვს იმუნიზაციას მათი ჯანმრთელობისთვის.
კამპანია სოციალური ქსელის საშუალებით დაიგეგმა, რასაც საზოგადოების მხრიდან დიდი გამოხმაურება მოჰყვა და საქართველოს სხვადასხვა რეგიონებიდან არაერთმა მოქალაქემ გამოთქვა სურვილი, წიგნების საჩუქრად გადაცემაზე. ღონისძიებაში ასევე მონაწილეობა მიიღეს სხვადასხვა ადგილობრივმა, თუ საერთაშორისო არასამთავრობო ორგანიზაცებმა, კამპანიაში ჩაერთო საჯარო ბიბლიოთეკაც. შედეგად, N8 პენიტენციური დაწესებულების ბიბლიოთეკას საჩუქრად 1 500-ზე მეტი ქართული და უცხოურენოვანი წიგნი გადაეცა.
პენიტენციური დაწესებულებების ბიბლიოთეკებში ძველი წიგნების ჩანაცვლებასა და ფონდის გამდიდრებაში აქტიურად ზრუნავს სსიპ "მსჯავრდებულთა პროფესიული მომზადებისა და გადამზადების ცენტრი" და ამ მიმართულებით არაერთ აქტივობას ახორციელებს. აღნიშნული კამპანიაც სწორედ პენიტენციური დაწესებულების ბიბლიოთეკების განახლებას ემსახურება რაც კიდევ უფრო შეუწყობს ხელს ბრალდებულების/მსჯავრდებულების რესოციალიზაცია-რეაბილიტაციის პროცესს.
სპეციალური პენიტენციური სამსახური მადლობას უხდის კამპანიის თითოეულ ორგანიზატორსა და მონაწილეს ბრალდებულების/მსჯავრდებულების მხარდაჭერისა და თანადგომისთვის.
