მარიამობასთან დაკავშირებით, პატიმრებს საჩუქრად 15-წუთიანი უფასო სატელეფონო სასაუბრო დრო დაუფინანსდათ
თითოეულ ბრალდებულს/მსჯავრდებულს დღეიდან უკვე საშუალება აქვს 15-წუთიანი უფასო სატელეფონო კომუნიკაციით ისარგებლოს.
სატელეფონო სასაუბრო დროის დაფინანსებით, ნაწილობრივ მოხდება მსჯავრდებულებისთვის გარესამყაროსთან იმ კომუნიკაციის დეფიციტის კომპენსირება, რაც კორონავირუსის შესაძლო გავრცელების პრევენციის მიზნით, ხანგრძლივი პაემნების აკრძალვამ შეუქმნა.
აღსანიშნავია, რომ პენიტენციურ სისტემაში მყოფი ბრალდებულებისთვის/მსჯავრდებულებისთვის სატელეფონო ლიმიტები პატიმრის საშიშროების რისკისა და პენიტენციური დაწესებულების ტიპის შესაბამისად არის დაწესებული.
სპეციალური პენიტენციური სამსახური ყველა ბრალდებულს/მსჯავრდებულს ულოცავს მარიამობის დღესასწაულს.
პენიტენციური სამსახურის პირობით ვადამდე გათავისუფლების ადგილობრივ საბჭოებსა და დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს მუდმივმოქმედი კომისიაში ვაკანსიები გამოცხადდა
ვაკანსია ცხადდება საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს პირობითი მსჯავრი გაუქმების საკითხთა განმხილველი მუდმივმოქმედი კომისიის წევრის ერთ კანდიდატურაზე - არასამთავრობო ორგანიზაციების წარმომადგენელთაგან.
ასევე ცხადდება ვაკანსია სპეციალური პენიტენციური სამსახურის ექვსი ადგილობრივი საბჭოს (აღმოსავლეთ საქართველოს პირველი ადგილობრივი საბჭოს, აღმოსავლეთ საქართველოს მეორე ადგილობრივი საბჭოს, აღმოსავლეთ საქართველოს მესამე ადგილობრივი საბჭოს, დასავლეთ საქართველოს ადგილობრივი საბჭოს, არასრულწლოვანთა საქმეების განმხილველი ადგილობრივი საბჭოს, ქალ მსჯავრდებულთა საქმეების განმხილველი ადგილობრივი საბჭოს) წევრის ორ-ორ კანდიდატურაზე, რომელთაგან ერთ ვაკანსიას დაიკავებს არასამთავრობო ორგანიზაციის წარმომადგენელი (6 ვაკანსია), ერთს კი -ზოგადსაგანმანათლებლო/უმაღლესი საგანმანათლებლო დაწესებულების წარმომადგენელი (6 ვაკანსია).
მუდმივმოქმედი კომისიისა და ადგილობრივი საბჭოს წევრობის უფლება აქვს:
1. საქართველოს კანონმდებლობის შესაბამისად რეგისტრირებულ არასამთავრობო ორგანიზაციას, რომლის სადამფუძნებლო დოკუმენტაცია, რეგისტრაციაში გატარების მომენტისათვის ითვალისწინებს ადამიანის უფლებათა და თავისუფლებათა დაცვას;
2. საქართველოს კანონმდებლობის შესაბამისად რეგისტრირებულ უმაღლესი საგანმანათლებლო/ზოგადსაგანმანათლებლო დაწესებულების წარმომადგენელს.
უმაღლესი საგანმანათლებლო დაწესებულების წარმომადგენელს უნდა ჰქონდეს სისხლის სამართლის, კრიმინოლოგიის, ფსიქოლოგიის ან სოციალურ-პოლიტიკური მეცნიერების განხრით მუშაობის გამოცდილება, ხოლო ზოგადსაგანმანათლებლო დაწესებულების წარმომადგენლის შერჩევისას, უპირატესობა მიენიჭება იმ პედაგოგს, რომელსაც მუშაობის გამოცდილება აქვს კანონთან კონფლიქტში მყოფ მოზარდებთან.
არასამთავრობო ორგანიზაციებმა ერთმანეთში კონსულტაციებისა და შეთანხმების შედეგად, ვაკანსიის გამოცხადებიდან 5 სამუშაო დღის ვადაში, კანდიდატურა უნდა წარადგინონ საკოორდინაციო საბჭოში. იმ შემთხვევაში თუ კონსულტაციების შედეგად შეთანხმება მიღწეული ვერ იქნა, არასამთავრობო ორგანიზაციას უფლება ენიჭება კანდიდატურა დამოუკიდებლად წარადგინოს. უმაღლესი საგანმანათლებლო/ზოგადსაგანმანათლებლო დაწესებულების წარმომადგენლებმა ასევე ვაკანსიის გამოცხადებიდან 5 სამუშაო დღის ვადაში უნდა წარადგინონ კანდიდატურა საკოორდინაციო საბჭოში.
არასამთავრობო ორგანიზაციის წარმომადგენლის კანდიდატურის წარმოდგენასთან დაკავშირებულ წერილობით მიმართვას თან უნდა ერთვოდეს საჯარო რეესტრის ეროვნული სააგენტოს მიერ გაცემული ორგანიზაციის წესდება/დამფუძნებელთა/წევრთა შეთანხმება, ხოლო საგანმანათლებლო დაწესებულების წარმომადგენლის კანდიდატურის წარმოდგენის შემთხვევაში, წერილობით მიმართვას თან უნდა დაერთოს დაწესებულების რეგისტრაციისა და შესაბამისი გამოცდილების დამადასტურებელი დოკუმენტის ასლები.
კანდიდატურების წარმოდგენა უნდა მოხდეს წერილობითი ფორმით 2021 წლის 03 სექტემბრის 18:00 საათამდე, სპეციალურ პენიტენციურ სამსახურში.
შესაძლებელია დოკუმენტაციის წარდგენა ელექტრონული ფორმითაც მისამართზე: info.sps@justice.gov.ge
დაავადებათა კონტროლის ცენტრი პენიტენციურ სისტემაში მიმდინარე ვაქცინაციის ტემპს საუკეთესოდ მიიჩნევს
„შემიძლია ვთქვა, რომ ამ სისტემაში ყველაზე მეტი აცრილია. ექიმებს შეიძლება შევადაროთ, დღეს ექიმების 64%-ზე მეტია აცრილი და პენიტენციურ სისტემაში დაახლოებით ერთნაირია მოცვა. საუბარია როგორც თანამშრომლებზე, ასევე პატიმრებზე. ასევე შემიძლია ვთქვა, რომ პოლიციაში, ჯარში ძალიან კარგია მოცვა. სამწუხაროდ, სხვა სისტემებზე ვერ მოგახსენებთ. ექიმებში საკმაოდ მაღალია მოცვა, მაგრამ გამიხარდებოდა ეს მაჩვენებელი 100% რომ იყოს. იგივეს ვერ ვიტყვი ჩემს კოლეგებზე, ექთნებზე, სადაც საკმაოდ დაბალია მოცვა, განსაკუთრებით დამხმარე სამედიცინო პერსონალზე, რომელშიც კიდევ უფრო დაბალია მოცვა“, - განაცხადა პაატა იმნაძემ.
პაატა იმნაძის შეფასებით, მართალია, პენიტენციურ სისტემაში გამოვლინდა კორონავირუსით ინფიცირების ცალკეული შემთხვევები, მაგრამ სიტუაცია აბსოლუტურად კონტროლირებადია, რადგან ვაქცინაციის ტემპიც გააქტიურებულია.
აღსანიშნავია, რომ მიმდინარე წლის 12 აგვისტოს მდგომარეობით, პენიტენციურ დაწესებულებებში მყოფ (9300 ბრალდებული/მსჯავრდებული) ბრალდებული/მსჯავრდებულთა 61,5% -ია აცრილი (5718 ბრალდებული/მსჯავრდებული), ხოლო რევაქცინირებულია ბრალდებული/მსჯავრდებულთა 39%, მათ შორის, პენიტენციურ დაწესებულებებში მყოფი უცხო ქვეყნის მოქალაქეები.
რაც შეეხება სპეციალური პენიტენციური სისტემის პერსონალს, დაახლოებით 3500 -მდე თანამშრომლიდან აცრილია - 2423 – (69%), ხოლო რევაქცინირებულია - 1833 –( 52%)
შეგახსენებთ, რომ უკვე რამდენიმე თვეა, პენიტენციურ სისტემაში ინტენსიურად, უწყვეტ რეჟიმში მიმდინარეობს როგორც ბრალდებულ/ მსჯავრდებულების, ასევე უცხო ქვეყნის მოქალაქეების ვაქცინაცია.
პენიტენციურმა სამსახურმა ბრალდებულებისთვის/მსჯავრდებულებისთვის სარეცხი და საშრობი მანქანები შეიძინა
ამ მიზნით სამსახურმა 70 ცალი სარეცხი მანქანა (ჯამში 59 220 ლარის ღირებულების) და 45 ცალი საშრობი მანქანა (ჯამში 41 580 ლარის ღირებულების) შეიძინა.შეძენილი ნივთები პენიტენციურ დაწესებულებებში საჭიროებისამებრ გადანაწილდება. ამ ეტაპზე სარეცხი და საშრობები მანქანები N8, N16, N5 და N18 პენიტენცურ დაწესებულებებში განთავსდა. თუმცა ეტაპობრივად აღნიშნული ტექნიკით სხვა პენიტენციური დაწესებულებებიც იქნება უზრუნველყოფილი.
აღსანიშნავია, რომ უწყებამ ბრალდებულებისთვის/მსჯავრდებულებისთვის სარეცხი (30 ერთეული) და საშრობი (20 ერთეული) მანქანები 2019 წელსაც შეისყიდა. (ჯამში 35 440 ლარის ღირებულების).
სპეციალური პენიტენციური სამსახურისთვის ბრალდებულებზე/მსჯავრდებულებზე ზრუნვა და მათი პირობების გაუმჯობესება ერთ-ერთი პრიორიტეტული მიმართულებაა და ამ კუთხით უწყება მუშაობას მომავალშიც გააგრძელებს.
პენიტენციურმა სამსახურმა ესკორტის ოფიცრებისთვის საავტომობილო მაცივრები შეიძინა
ამ მიზნით სამსახურმა ესკორტირების სამმართველოს იმ თანამშრომლებისთვის, რომლებსაც დღის განმავლობაში სამუშაო რეჟიმიდან გამომდინარე სხვადასხვა ლოკაციაზე უწევთ ყოფნა, 40 ცალი საავტომობილო მაცივარი (ჯამში 11 160 ლარის ღირებულების) შეიძინა, სადაც ესკორტის ოფიცრები დღის განმავლობაში შეძლებენ მანქანაში უსაფრთხოდ შეინახონ კუთვნილი საკვები.
პენიტენციური სამსახური თანამშრომლების უკეთესი სამუშაო გარემოსა და პირობების შესაქმნელად ზრუნვას მომავალშიც გააგრძელებს.
ინფორმაციისთვის 2019 წლის იანვრიდან, თანამშრომლებისათვის პირველად დაინერგა უფასო კვების სისტემა – პენიტენციურ დაწესებულებებში მომუშავე მორიგე თანამშრომლებისთვის – ორჯერადი კვება, ხოლო ესკორტის ოფიცრებისთვის – მშრალი საკვები.
ქალი მსჯავრდებულები ფიტნეს ინსტრუქტორის პროფესიას შეისწავლიან
საგანმანათლებლო პროექტში ჩაერთვებიან ფიტნეს აკადემიის წამყვანი სპეციალისტები. კურსი 6 თვეში დასრულდება და მასში მონაწილე 17 ქალ მსჯავრდებულს შესაბამისი სერტიფიკატები გადაეცემა.
მსჯავრდებულთა რესოციალიზაცია-რეაბილიტაცია სპეციალური პენიტენციური სამსახურის ერთ-ერთი მთავარი პრიორიტეტია და ამ მიმართულებით არაერთ პროგრამას ახორციელებს. სწორედ აღნიშნული პროგრამის საშუალებით ქალ მსჯავრდებულებს შესაძლებლობა ეძლევათ პროფესიონალ ფიტნეს ინსტრუქტორებად ჩამოყალიბდნენ, რაც სამომავლოდ მათი დასაქმებისა და საზოგადოებაში ინტეგრაციის შესაძლებლობა გახდება.
არასრულწლოვან მსჯავრდებულებს ბავშვთა დაცვის დღე მიულოცეს
დაწესებულებაში სტუმრობისას სპეციალური პენიტენციური სამსახურის ხელმძღვანელმა ნიკა ცხვარაშვილმა არასრულწლოვან მსჯავრდებულებს ბავშვთა დაცვის დღე მიულოცა და საჩუქრად მათი ინტერესებისა და საჭიროებიდან გამომდინარე შერჩეული სპორტული ინვენტარი გადასცა.
სამსახურის მსჯავრდებულთა რესოციალიზაცია-რეაბილიტაციის დეპარტამენტის ხელმძღვანელმა, ინგა სარჯველაძემ არასრულწლოვნებზე ზრუნვის მნიშვნელობაზე ისაუბრა და აღნიშნა, რომ ამ კუთხით მუშაობა მომავალშიც აქტიურად გაგრძელდება.
პენიტენციურ დაწესებულებებში მსჯავრდებულების ვაქცინაცია დაიწყო
სპეციალური პენიტენციური სამსახურის ხელმძღვანელის, ნიკა ცხვარაშვილის განცხადებით, სისტემა უკვე წელიწადზე მეტია ეფექტურად ებრძვის ვირუსის პენიტენციურ დაწესებულებებში გავრცელებას. მისი თქმით, როგორც მსჯავრდებულებისათვის, ისე თანამშრომლებისათვის ვირუსისგან დასაცავად იმუნიზაციის პროცესი აუცილებელია.
ვაქცინაციის პროცესი პირველ ეტაპზე სამ პენიტენციურ დაწესებულებაში N14 (გეგუთი) N8 (გლდანი) და N5 (ქალთა) დაიწყება და ეტაპობრივად საქართველოს ყველა პენიტენციურ დაწესებულებას მოიცავს.
მსჯავრდებულების ვაქცინაცია ნებაყოფლობითია და მას სამედიცინო პერსონალი არსებული პროტოკოლის დაცვით უზრუნველყოფს. იმ პენიტენციურ დაწესებულებებთან, სადაც აცრის პროცესი მიმდინარეობს, პრევენციის მიზნით მობილიზებულია კატასტროფის ცენტრის რეანიმობილი, რომელიც აღჭურვილია შესაბამისი სამედიცინო პერსონალითა და ტექნიკით.
ესპანური მხარე ქართულ პენიტენციურ სისტემაში გატარებულ რეფორმებს გაეცნო
შეხვედრაზე მხარეებმა საქართველოს პენიტენციურ სისტემაში განხორციელებულ და დაგეგმილ რეფორმებზე იმსჯელეს, რომელიც ბრალდებულების/მსჯავრდებულების უფლებრივი მდგომარეობის გაუმჯობესებას, რესოციალიზაცია-რეაბილიტაციასა და სისტემაში დანერგილ სხვადასხვა ინოვაციებს ეხება. ასევე განიხილეს სამომავლო ორმხრივი თანამშრომლობის საკითხები და გამოთქვეს მზაობა ესპანეთში დანერგილი სარეაბილიტაციო პროექტების გაზიარებისთვის.
საქართველოში ვიზიტის ფარგლებში, სტუმრებმა ასევე N8 პენიტენციური დაწესებულება მოინახულეს და ადგილზე გაეცნენ ბოლო პერიოდში დაწესებულებაში განხორციელებულ ინფრასტრუქტურულ სამუშაოებს, რომელიც მიზნად ისახავს ბრალდებულების/მსჯავრდებულების პირობების გაუმჯობესებას. ასევე გაეცნენ დაწესებულებაში სსიპ სახელმწიფო სერვისების განვითარების სააგენტოს მიერ დიგიტალიზაციის პროექტში დასაქმებული მსჯავრდებულების მუშაობის პროცესს.
სტუმრებმა დაწესებულების ტერიტორიაზე არსებული სასოფლო-სამეურნეო ტერიტორიაც დაათვალიერეს, სადაც უვადო მსჯავრდებულები არიან დასაქმებულები.
სტუმრებმა დაწესებულების ტერიტორიაზე არსებული სასოფლო-სამეურნეო ტერიტორიაც დაათვალიერეს, სადაც უვადო მსჯავრდებულები არიან დასაქმებულები.
ესპანური მხარის ვიზიტის მთავარ მიზანს საქართველოს პენიტენციურ სისტემაში დანერგილი სიახლეებისა და გატარებული რეფორმების გაცნობა და ორმხრივი თანამშრომლობის გაღრმავება წარმოადგენს.
