სპეციალური პენიტენციური სამსახური: ბრალდებულ ნ.მ.-ს საჭიროებიდან გამომდინარე, შესაბამისი სამედიცინო მომსახურება მიეწოდება
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252Fimages%252Ftemp%252F2019%252F07%252F29%252F319092447844d9ab203cb826b8b31fa9.png&w=3840&q=75)
მათ შორის ბოლოს იგი 2021 წლის 26 თებერვალს გაყვანილ იქნა „აკად. გ. ჩაფიძის სახელობის გადაუდებელი კარდიოლოგიის ცენტრში“, სადაც ჩაუტარდა ლაბორატორიული გამოკვლევები, ელექტროკარდიოგრაფია, ექოკარდიოგრაფია, კარდიოქირურგის და პულმონოლოგის კონსულტაცია;
დიაგნოზი: აორტის სხვა თანდაყოლილი ანომალიები; აორტის ნაკლოვანება (ზომიერი); გულის უკმარისობა. დასკვანა: ამ ეტაპზე, მწვავე კარდიოლოგიური ან პულმონოლოგიური პრობლემა არ ვლინდება, აორტული სარქვლის ზომიერი ნაკლოვანება ოპერაციული ჩარევის ჩვენებას არ წარმოადგენს, მაგრამ, საბოლოო გადაწყვეტილების მისაღებად საჭიროა სტრეს ექოკარდიოგრაფიის ჩატარება, რისთვისაც ბრალდებულის გაყვანა სპეციალიზებულ სამოქალაქო კლინიკაში დაგეგმილია დღეს, 22 მარტს. ამდენად, მისი ოჯახის წევრების ბრალდებები საფუძველს მოკლებულია, ვინაიდან სამოქალაქო სექტორის სპეციალიზებული კლინიკის გადაწყვეტილებით ბრალდებულს ამ ეტაპზე ოპერაციული ჩარევა არ ესაჭიროება, ხოლო თუ დამატებითი გამოკვლევების შედეგად ეს საჭიროება გამოიკვეთება, ცხადია, ბრალდებულს ეს მომსახურებაც გაეწევა.