ქალმა და არასრულწლოვანმა ბრალდებულ/მსჯავრდებულებმა საპატრიარქოსგან საახალწლო ნობათი მიიღეს
საქართველოს საპატრიარქო მუდმივად ზრუნავს პატიმრებზე, განსაკუთრებით ქალ და არასრულწლოვან ბრალდებულ/მსჯავრდებულებზე და წლების განმავლობაში დამკვიდრებული ტრადიციისამებრ, ყოველ დღესასწაულს ულოცავს. დღესაც ტრადიციულად თითოეულმა ქალმა და არასრულწლოვანმა ბრალდებულ/მსჯავრდებულმა მიიღო საპატრიარქოსგან საახალწლო ნობათი.
ხანმოკლე პაემნებზე შეზღუდვა 2021 წლის 31 იანვრის ჩათვლით იმოქმედებს, თუმცა ბრალდებულ/მსჯავრდებულებს ამანათების მიღება შეეძლებათ
შეგახსენებთ, covid-19-ის გავრცელების პრევენციის მიზნით პენიტენციურ დაწესებულებებში მოქმედი შეზღუდვების პირველი ეტაპის მოხსნის შემდეგ ბრალდებულ/მსჯავრდებულებს ხანმოკლე პაემნით სარგებლობის შესაძლებლობა მიმდინარე წლის 25 მაისიდან ჰქონდათ, თუმცა ეპიდსიტუაციიდან გამომდინარე 28 ნოემბრიდან ეს უფლება კვლავ შეუჩერდათ. ამ ეტაპზე კი, მიღებული იქნა ამ შეზღუდვის 2021 წლის 31 იანვრის ჩათვლით გაგრძელების გადაწყვეტილება, თუმცა ამავდროულად მოიხსნა პანდემიასთან დაკავშირებული სხვა შეზღუდვა, რომელიც ასევე 28 ნოემბრიდან მოქმედებდა. კერძოდ, მიმდინარე წლის 28 დეკემბერს ახალი წლის დღესასწაულებთან დაკავშირებით დაიწყო პენიტენციურ დაწესებულებებში ამანათების მიღება და ეს შეზღუდვა მომავალი წლის 4 იანვრიდანაც აღარ იარსებებს. შესაბამისად, ბრალდებულ/მსჯავრდებულებს დაუბრკოლებლად შეეძლებათ ყველა სახის ამანათის მიღება.
ვერც თეა წულუკიანი და ვერც მისი მოადგილეები ვერ იქნებიან პასუხისმგებლები პენიტენციურ სისტემაში 2018 წლის ივლისამდე პერიოდში გამოვლენილ დანაკლისებზე
სიუჟეტში ითქვა, რომ 2017 წელს განხორციელებული მედიკამენტებისა და სამედიცინო სახარჯო მასალების ინვენტარიზაციის შედეგად 2018 წლის 10 იანვრის სხდომის ოქმით, კომისიამ გამოავლინა 893,577 ლარის დანაკლისი. ამავე ოქმში მოცემული განმარტებით დანაკლისი განპირობებული იყო წინა პერიოდებში მედიკამენტების აღრიცხვის მარეგულირებელი ნორმების არ არსებობით. ასევე აღინიშნა, რომ 2018 წელს საწყობში ჩატარებული ინვენტარიზაციით, დგინდება 915,049 ლარის დანაკლისი. სიუჟეტის ბოლოს კი სიუჟეტის ავტორმა აღნიშნა, რომ ამ ყველაფერზე საინტერესოა თეა წულუკიანის და მისი მოადგილის პასუხი, რაკი ეს დანაკლისები სწორედ თეა წულუკიანის მინისტრობის პერიოდს ემთხვევა.
სპეციალური პენიტენციური სამსახური აცხადებს, რომ ეს არის სიცრუე და ვერც თეა წულუკიანი და ვერც მისი მოადგილე ვერ იქნებიან პასუხისმგებლები იმ დანაკლისებზე, რაც აუდიტის დასკვნაში არის მოცემული, ვინაიდან დანაკლისები გამოვლენილია იმ პერიოდში, სანამ 2018 წლის ივლისში პენიტენციური სისტემა საქართველოს იუსტიციის სამინისტროს მმართველობის სფეროში გადავიდოდა.
უფრო მეტიც, სწორედ თეა წულუკიანის და მისი მოადგილის (სპეციალური პენიტენციური სამსახურის გენერალური დირექტორის) ინიციატივით, 2019 წელს დაიწყო ინვენტარიზაციის მოსამზადებელი სამუშაოები პენიტენციურ სისტემაში და ვინაიდან ეს არის საკმაოდ რთული და კომპლექსური პროცესი, ინვენტარიზაცია დაიწყო 2020 წელს. მათ შორის 2020 წლის ივლისში დაიწყო სამედიცინო დეპარტამენტის ინვენტარიზაცია, რომლის შედეგად გამოვლინდა სწორედ ზემოთხსენებული პერიოდის (პენიტენციური სისტემის იუსტიციის სამინისტროს მმართველობის სფეროში გადასვლამდე პერიოდის) დანაკლისები. ინვენტარიზაცია დასრულდა 2020 წლის დეკემბერში და მოკვლეული მასალები გადაეცემა საგამოძიებო ორგანოებს.
ბრალდებულ ი.მ.-ს უფლებები არ დარღვეულა, ვინაიდან პატიმრის პირადი ხასიათის კორესპონდენციის ადრესატისთვის გაგზავნას პენიტენციური დაწესებულება უზრუნველყოფს
პენიტენციურ დაწესებულებებში covid-19-ის გავრცელებასთან დაკავშირებით ცრუ ინფორმაციის ტირაჟირებამ კამპანიური ხასიათი მიიღო
მსგავსი ინფორმაციის გავრცელებამ უკვე მიზანმიმართული კამპანიის ხასიათი მიიღო, რაც პატიმრებსა და მათ ოჯახებში პანიკის დათესვას და პენიტენციური სისტემის დისკრედიტაციას ისახავს მიზნად, თუმცა არც ერთხელ ეს ინფორმაცია არ დადასტურებულა, ვინაიდან ეს არის სიცრუე.
სიცრუეა ასევე სიუჟეტში ფარული რესპოდენტების, ასევე ყოფილი მსჯავრდებულის, ამჟამად პოლიტიკური მოძრაობა "ლელოს" წევრის მიერ გაჟღერებული ინფორმაცია, თითქოს ბრალდებულ/მსჯავრდებულებს სათანადო ყურადღება არ ექცევათ და არ ხდება მათი ტესტირება. პენიტენციური სამსახური აცხადებს, რომ ნებისმიერი საეჭვო სიმპტომის გამოვლენის შემთხვევაში ხდება არა მხოლოდ pcr ტესტირება, არამედ სამოქალაქო სექტორის კლინიკის საკარანტინო სივრცეში პატიმრების გადაყვანა, საკარანტინო პერიოდის განმავლობაში მათზე დაკვირვება და ღრმა კვლევების ჩატარება (კომპიუტერული ტომოგრაფია და ა.შ.). როგორც ჩანს, სწორედ კლინიკის საკარანტინო სივრცეში გამოსაკვლევად გადაყვანილი პატიმრების შესახებ არასწორი ინფორმაცია ვრცელდება პატიმრებსა და მათ ოჯახის წევრებში, ხოლო გარკვეული პოლიტიკურად ანგაჟირებული პირები მსგავს ინფორმაციას საკუთარი პოლიტიკური მიზნებისთვის იყენებენ. ნებისმიერი სპეკულაციის თავიდან აცილების მიზნით, პენიტენციური სამსახური კიდევ ერთხელ ცალსახად აცხადებს, რომ არც ერთ პენიტენციურ დაწესებულებაში covid-19-ის შემთხვევა არ გამოვლენილა.
გოჩა ლორთქიფანიძე: დღეისათვის პენიტენციურ დაწესებულებებში covid-19-ის არც ერთი შემთხვევა არ გამოვლენილა და ყველაფერს ვაკეთებთ, რომ ეს ნიშნული შევინარჩუნოთ
"პენიტენციური სისტემის ძირითადი გამჭოლი ხაზი ეს არის რეფორმები, რომლებიც კვლავაც ემყარება ადამიანის უფლებებზე დაფუძნებულ მიდგომას. ის გულისხმობს სხვადასხვა ასპექტებს. ეს არის უწყვეტი სამედიცინო მომსახურება და ჩვენ შევძელით ის, რომ პატიმრებს მიეწოდებათ მომსახურება, რაც არის CPT-ის (ევროპის საბჭოს წამების საწინააღმდეგო კომიტეტი) კრიტერიუმი - სამოქალაქო სამედიცინო სექტორში არსებული სამედიცინო მომსახურების ეკვივალენტური მომსახურება. რეფერალის შესახებ უნდა ითქვას, რომ არ არის დაგვიანებები, სწრაფად მიეწოდებათ პატიმრებს სამედიცინო მომსახურება და ეს არის ძალიან მნიშვნელოვანი ელემენტი. ასევე განახლდა ტექნიკური შესაძლებლობები, ავტოპარკი. ეს შეეხება ესკორტის ოფიცრების ახალ კადრებს. მოწესრიგდა მათი თანამდებობრივი სარგო"- განაცხადა გოჩა ლორთქიფანიძემ.
მისი თქმით, მნიშვნელოვანია ის, რომ 2020 წლის 1 მაისს ლიკვიდირებული იქნა N9 პენიტენციური დაწესებულება ე.წ. "მატროსოვი" და ასევე შეიქმნა ახალი N10 პენიტენციური დაწესებულება, რომელსაც სამედიცინო დანიშნულება აქვს.
"რაც მთავარია, როდესაც ჩვენ ვლაპარაკობთ რეფორმაზე, იგეგმება , რამდენიმე ახალი მცირე ზომის, დახურული ტიპის, ევროპული სტანდარტების შესაბამისი პენიტენციური დაწესებულების მშენებლობა. საბოლოოდ, ჩვენ უარს ვეუბნებით ე.წ. "ზონური" ტიპის ციხეებს და გადავდივართ ახლებური ტიპის ინფრასტრუქტურულ წყობაზე. განსაკუთრებით მნიშვნელოვანია, რომ გაიზარდა მსაჯვრდებულთა დასაქმების პროგრამები, მათი რაოდენობა"- აღნიშნა იუსტიციის მინისტრმა.
მისი თქმით, ბოლო მონაცემებით პენიტენციურ სისტემაში 1000-მდე მსჯავრდებულია დასაქმებული. გოჩა ლორთქიფანიძემ ხაზი გაუსვა იმ გარემოებას, რომ დასაქმების პროგრამებს ძალიან დიდი მნიშვნელობა აქვს მსჯავრდებულების რეაბილიტაცია-რესიციალიზაციის თვალსაზრისით და ეს მიმართულება პენიტენციურ სისტემაში კვლავაც გაგრძელდება. იუსტიციის მინისტრმა ასევე აღნიშნა, რომ ამაში დანაშაულის პრევენციის და პრობაციის ეროვნული სააგენტოს დიდი ძალისხმევაა ჩადებული.
ამასთან, გოჩა ლორთქიფანიძემ პენიტენციურ სისტემაში covid-19-ის შესაძლო გავრცელების პრევენციის მიზნით გატარებულ ზომებზე ისაუბრა და განაცხადა, რომ დღეისათვის პენიტენციურ დაწესებულებებში covid-19-ის შემთხვევა არ გამოვლენილა და იუსტიციის სამინისტრო და პენიტენციური სამსახური ყველაფერს გააკეთებენ იმისთვის, რომ სიტუაცია ამ ნიშნულზე შენარჩუნდეს.
"პენიტეციურ სისტემაში განსაკუთრებით აღსანიშნავია, რომ ხორციელდება კომპლექსური პრევენციული ღონისძიებები. ეს შეეხება იმას, რომ რეგულარულად ხდება პენიტენციური დაწესებულებების დეზინფექცია. მოწყობილია ფილტრის, კონტროლის რამდენიმე დონე. ეს შეეხება სამედიცინო-საკარანტინე ზონებს და ამის შედეგად ყოველი ახალშესახლებული პატიმარი ექვემდებარება სამედიცინო სკრინინგს და ტესტირებას. პენიტენციური დაწესებულების პერსონალს ასევე უტარდება მუდმივი სკრინინგი და ტესტირება და სასამართლოს სხდომებში პატიმრები დისტანციურად მონაწილეობენ. დღეისათვის საქართველოს პენიტენციურ დაწესებულებებში covid-19-ის არც ერთი შემთხვევა არ გამოვლენილა და ჩვენ ყველაფერს ვაკეთებთ იმისათვის, რომ მდგომარეობა ამ ნიშნულზე შევინარჩუნოთ" - განაცხადა იუსტიციის მინისტრმა.
ახალი წლის დღესასწაულთან დაკავშირებით პენიტენციურ დაწესებულებებში ამანათების მიღება იწყება
პენიტენციურ დაწესებულებებში ამანათების მიღება 28-30 დეკემბერს დილის 9:00 საათიდან დაიწყება და 19:00 საათამდე გაგრძელდება. ხოლო 31 დეკემბერს, ამანათების მიღება 09:00 საათიდან 16:00 საათამდე იქნება შესაძლებელი.
სპეციალური პენიტენციური სამსახური ამანათების მიღების პროცესის შეუფერხებლად წარმართვას უზრუნველყოფს.
გრიპის ვირუსის გავრცელების პრევენციისთვის პენიტენციურ დაწესებულებებში ვაქცინაცია დაიწყო
სეზონური გრიპის გავრცელების თავიდან აცილების მიზნით, მსჯავრდებულთა ვაქცინაცია განხორციელდა არასრულწლოვანთა N11 სარეაბილიტაციო დაწესებულებაში, სადაც აცრა 21 არასრულწლოვანს ჩაუტარდა.
N12 და N16 პენიტენციურ დაწესებულებებში გრიპის საწინააღმდეგო აცრა 60 მსჯავრდებულს ჩაუტარდა.
N8, N5, N17 პენიტენციურ დაწესებულებებში, ასევე N18 ბრალდებულთა და მსჯავრდებულთა სამკურნალო დაწესებულებაში მსჯავრდებულთა ვაქცინაცია 25 დეკემბერს ჩატარდება.
პირველ ეტაპზე მოხდება ქრონიკული დაავადებების მქონე, ასევე ასაკოვანი მსჯავრდებულების ვაქცინაცია, შემდგომ ეტაპზე კი ვაქცინაციის პროცესი ბრალდებულთა/მსჯავრდებულთა გაცილებით მეტ რაოდენობას მოიცავს, რაც პენიტეციურ დაწესებულებებში გრიპის ვირუსის გავრცელების პრევენციას შეუწყობს ხელს.
სპეციალური პენიტენციური სამსახური: არც ერთ პენიტენციურ დაწესებულებაში covid-19-ის შემთხვევა არ დაფიქსირებულა
სპეციალური პენიტენციური სამსახური აცხადებს, რომ ეს არის სიცრუე. არც ქსანში არსებულ არც ერთ პენიტენციურ დაწესებულებაში (N15 და N10 დაწესებულებები) და არც სხვა პენიტენციურ დაწესებულებებში covid-19-ის შემთხვევა არ დაფიქსირებულა. ნებისმიერი საეჭვო შემთხვევა (იქნება ეს მაღალი ტემპერატურა, თუ ნებისმიერი სეჭვო სიმპტომი) მოწმდება და დღემდე covid-19-ის არც ერთი შემთხვევა არ დადასტურებულა, ხოლო ვირუსის გამოვლენის შემთხვევაში სპეციალური პენიტენციური სამსახური ამის შესახებ საზოგადოებას აცნობებს, როგორც მოიქცა ვირუსის საკარანტინო სივრცეში გამოვლენის შემთხვევაში.
პენიტენციური სამსახური მოუწოდებს ყველას, თავი შეიკავონ მსგავსი გადაუმოწმებელი ინფორმაციის გავრცელებისგან, რამაც შესაძლოა პატიმრების და მათი ოჯახების შეშფოთება გამოიწვიოს.
