პორტატული მოწყობილობები მსჯავრდებულებს სპეციალური პენიტენციური სამსახურის ხელმძღვანელის მოადგილე გიორგი გიორგაძემ პირადად გადასცა.ახალი მოწყობილობის გამოყენება მსჯავრდებულებს სასწავლო პროცესს უმარტივებს, რაც პენიტენციურ დაწესებულებებში აკადემიური განათლების მიღების ხარისხსაც აუმჯობესებს.
 

პატიმართა უმაღლესი განათლების ხელმისაწვდომობის გაზრდისა და ხარისხის ასამაღლებლად პენიტენციურ სისტემაში უკვე მოქმედებს "ციფრული უნივერსიტეტი", რომელიც მსჯავრდებულ სტუდენტებს შესაძლებლობას აძლევს, დისტანციურად მიიღონ სრულფასოვანი უმაღლესი განათლება უშუალოდ ლექტორებთან სისტემატური კომუნიკაციისა და ლექციებზე ონლაინ დასწრების საშუალებით. ყოველწლიურად იზრდება უმაღლესი განათლების მიღების მსურველ მსჯავრდებულთა რაოდენობაც.

სპეციალური პენიტენციური სამსახური პატიმართა რეაბილიტაცია-რესოციალიზაციის ხელშეწყობის მიზნით მხარს უჭერს და მომავალშიც გააგრძელებს მათ მხარდაჭერას როგორც საბაზო/საშუალო, ისე პროფესიული და უმაღლესი განათლების ხელშესაწყობად, რაც მომავალში მათი რესოციალიზაციისკენ გადადგმული უმნიშვნელოვანესი ნაბიჯი იქნება.

მსჯავრდებულთა შორის ტურნირი სპორტის 6 სახეობაში გაიმართა: ფეხბურთში, კალათბურთში, ფრენბურთში, ჭადრაკში, შაშსა და მაგიდის ჩოგბურთში.

ფესტივალში გამარჯვებულები თასებით, მედლებითა და სერტიფიკატებით დაჯილდოვდნენ.

სპორტის მართვის სტრატეგიის ფარგლებში პენიტენციურ დაწესებულებებში სპორტის სხვადასხვა სახეობაში ტურნირი რეგულარულად ტარდება; სისტემატურად იზრდება მსჯავრდებულთა ჩართულობაც, რაც მათ რეაბილიტაცია-რესოციალიზაციას უწყობს ხელს.

სპეციალური პენიტენციური სამსახური კვლავ გააგრძელებს მსჯავრდებულთა ფიზიკური აქტივობის ხელშეწყობას და დაწესებულებების თანამედროვე სპორტული ინვენტარით აღჭურვას.

დაწესებულებებში განთავსდა ახალი ტრენაჟორები, სარბენი ბილიკები და სხვადასხვა უახლესი სავარჯიშო ინვენტარი, სადაც მსჯავრდებულებს შესაძლებლობა აქვთ, დაკავდნენ მათთვის სასურველი სპორტული აქტივობებით და ჯანსაღი ცხოვრების წესით.

სპეციალური პენიტენციური სამსახურისთვის მსჯავრდებულთა რეაბილიტაცია-რესოციალიზაციის პროგრამის ფარგლებში უმნიშვნელოვანესია დაწესებულებებში მსჯავრდებულთა სხვადასხვა ფიზიკურ აქტივობაში მონაწილეობა და სპორტული განათლების ხელშეწყობა. ამ მიზნით პენიტენციურ სისტემაში დაინერგა სპორტის მართვის სტრატეგია, რომლის ფარგლებში, სპორტული ინფრასტრუქტურის, ინვენტარის განახლება პენიტენციურ დაწესებულებებში ინტენსიურად მიმდინარეობს; პატიმრებს შესაძლებლობა აქვთ, მონაწილეობა მიიღონ სპორტულ ტურნირებში და დაკავდნენ სპორტის სხვადასხვა სახეობით.

განახლებული სპორტული სივრცეებით უკვე სარგებლობენ №2, №3, №5, №10, №11, №12 დაწესებულებების მსჯავრდებულები.

სპეციალური პენიტენციური სამსახურის №8 პენიტენციური დაწესებულების თანამშრომლებით დაკომპლექტებული გუნდი საპრიზო ადგილისთვის სახელმწიფო სერვისების განვითარების სააგენტოს გუნდს დაუპირისპირდა. პირველი და მეორე ადგილები საჯარო რეესტრის ეროვნული სააგენტოს გუნდებმა გაინაწილეს.

ტურნირის საუკეთესო მეკარის ტიტული, ასევე, სპეციალური პენიტენციური სამსახურის გუნდის მეკარე გრიგოლ აბრამიშვილმა მიიღო.

გამარჯვებული გუნდები იუსტიციის მინისტრის პირველმა მოადგილე თამარ ტყეშელაშვილმა თასებითა და მედლებით დააჯილდოვა.

სპორტული აქტივობის მიზანი ჯანსაღი ცხოვრების წესის ხელშეწყობაა.სპეციალური პენიტენციური სამსახური თანამშრომელთა სხვადასხვა სპორტულ ღონისძიებაში მონაწილეობის წახალისებას მომავალშიც გააგრძელებს.

საქართველოს იუსტიციის სამინისტროს მმართველობის სფეროში მოქმედი სახელმწიფო საქვეუწყებო დაწესებულება – სპეციალური პენიტენციური სამსახურის ექვსი ადგილობრივი საბჭოს (აღმოსავლეთ საქართველოს პირველი ადგილობრივი საბჭოს, აღმოსავლეთ საქართველოს მეორე ადგილობრივი საბჭოს, აღმოსავლეთ საქართველოს მესამე ადგილობრივი საბჭოს, დასავლეთ საქართველოს ადგილობრივი საბჭოს, არასრულწლოვანთა საქმეების განმხილველი ადგილობრივი საბჭოს, ქალ მსჯავრდებულთა საქმეების განმხილველი ადგილობრივი საბჭოს) წევრის ერთ კანდიდატურაზე; ზოგადსაგანმანათლებლო/უმაღლესი საგანმანათლებლო დაწესებულების წარმომადგენელი, რაოდენობა – 6.

ადგილობრივი საბჭოს წევრობის საკვალიფიკაციო მოთხოვნები ზოგადსაგანმანათლებლო/უმაღლესი საგანმანათლებლო დაწესებულების წარმომადგენლისთვის:

ადგილობრივი საბჭოს წევრობის უფლება აქვს:

1.საქართველოს კანონმდებლობის შესაბამისად რეგისტრირებული უმაღლესი საგანმანათლებლო/ზოგადსაგანმანათლებლო დაწესებულების წარმომადგენელს;

2.უმაღლესი საგანმანათლებლო დაწესებულების წარმომადგენელს უნდა ჰქონდეს სისხლის სამართლის, კრიმინოლოგიის, ფსიქოლოგიის ან სოციალურ-პოლიტიკური მეცნიერების განხრით მუშაობის გამოცდილება, ხოლო ზოგადსაგანმანათლებლო დაწესებულების წარმომადგენლის შერჩევისას უპირატესობა მიენიჭება იმ პედაგოგს, რომელსაც მუშაობის გამოცდილება აქვს კანონთან კონფლიქტში მყოფ მოზარდებთან;

3.უმაღლესი საგანმანათლებლო/ზოგადსაგანმანათლებლო დაწესებულების წარმომადგენლებმა ვაკანსიის გამოცხადებიდან 5 სამუშაო დღის ვადაში კანდიდატურა უნდა წარადგინონ საკოორდინაციო საბჭოში;

4.საგანმანათლებლო დაწესებულების წარმომადგენლის კანდიდატურის წარმოდგენის შემთხვევაში, წერილობით მიმართვას თან უნდა დაერთოს დაწესებულების რეგისტრაციისა და შესაბამისი გამოცდილების დამადასტურებელი დოკუმენტის ასლები.

კანდიდატურების წარმოდგენა უნდა მოხდეს წერილობითი ფორმით 2023 წლის 6 ოქტომბრის 18:00 საათამდე სპეციალურ პენიტენციურ სამსახურში (მისამართი: 0186, საქართველო, თბილისი, ზურაბ ანჯაფარიძის ქ. №18).

დოკუმენტაციის წარდგენა შესაძლებელია ელექტრონული ფორმითაც მისამართზე: info@sps.gov.ge

საკონტაქტო ტელეფონი: 1500; 598 21 26 16