გვსურს, ხაზგასმით აღვნიშნოთ, რომ ნ.ბ.-ს მიმართ რაიმე სახის ძალადობას ადგილი არ ჰქონია. შესაბამისად, გავრცელებული ინფორმაცია არ შეესაბამება სიმართლეს და მიზნად ისახავს საზოგადოების შეცდომაში შეყვანას, პენიტენციური სამსახურისა და თანამშრომელთა საქმიანობის დისკრედიტაციას.
გვსურს საზოგადოებას ვაცნობოთ, რომ ბრალდებული ნ.ბ. N2 პენიტენციურ დაწესებულებაში შესახლებულ იქნა 2024 წლის 20 აგვისტოს. იგი განთავსებული იყო სამეთვალყურეო კამერებით აღჭურვილ საკანში, რომლის საპირფარეშოშიც მან 2024 წლის 25 აგვისტოს, ერთჯერადი სამართებლის გამოყენებით, ორივე ხელზე მიიყენა თვითდაზიანება, საპირფარეშოდან გამოსვლისთანავე დაკარგა გონება და თავი დაარტყა იატაკს, რა დროსაც მიიღო თავის ქალის მრავლობითი დაზიანება. აღნიშნული ფაქტი დაფიქსირებულია ელექტრონული მეთვალყურეობის საშუალებით.
ნ.ბ.-ს პენიტენციურ დაწესებულებაში მყისიერად ჩაუტარდა პირველადი სამედიცინო დახმარება და იგი გადაყვანილ იქნა სამოქალაქო სექტორის კლინიკში, ქ. ქუთაისის რეფერალურ საავადმყოფოში, ხოლო სამედიცინო კვლევების შედეგად გამოკვეთილი საჭიროების შესაბამისად, იმავე დღეს - კლინიკა „ვივამედში“.
2024 წლის 4 ნოემბერს შემდგომი მკურნალობის მიზნით გადაყვანილ იქნა N18 ბრალდებულთა და მსჯავრდებულთა სამკურნალო დაწესებულებაში, სადაც მიეწოდებოდა შესაბამისი სამედიცინო მომსახურება და იმყოფებოდა სამედიცინო პერსონალის მუდმივი მეთვალყურეობის ქვეშ.
ზემოაღნიშნულ ფაქტთან დაკავშირებით იუსტიციის სამინისტროს შესაბამისი საგამოძიებო დანაყოფი, საქართველოს კანონმდებლობით დადგენილი წესით, 2024 წლის 25 აგვისტოდან აწარმოებს გამოძიებას და მიმდინარეობს ინტენსიური საგამოძიებო მოქმედებები, გამოძიების მიმდინარეობისას ნ.ბ.-ს ოჯახის წევრებს და მის უფლებადამცველს არაერთხელ მიეცათ საშუალება გაცნობოდნენ საქმის მასალებს, მათ შორის, მათთვის ხელმისაწვდომი იყო ვიდეოსამეთვალყურეო სისტემით მოპოვებული კადრები.
2025 წლის 23 აპრილის ბათუმის საქალაქო სასამართლომ ნ.ბ. ცნო დამნაშავედ სსკ-ის 19-108 მუხლით გათვალისწინებული დანაშაულის ჩადენისათვის და ძირითადი სასჯელის სახედ და ზომად განესაზღვრა თავისუფლების აღკვეთა 10 წლის ვადით.
სასამართლო პროცესზე მოწმის სახით დაიკითხნენ პენიტენციური დაწესებულების სამედიცინო პერსონალი. სასამართლომ სასჯელის დანიშვნისთანავე მსჯავრდებულს გადაუვადა სასჯელის მოხდა გამოჯანმრთელებამდე ან ჯანმრთელობის მდგომარეობის არსებით გაუმჯობესებამდე, რის საფუძველზეც ნ.ბ. გათავისუფლდა N18 სამკურნალო დაწესებულებიდან.
საყურადღებოა, რომ ბოლო პერიოდში ცალკეული მიკერძოებული მედიასაშუალებებისა და პირების მიერ გახშირდა პენიტენციური სამსახურის საქმიანობის დისკრედიტაციის მიზნით ცილისმწამებლური განცხადებებით საზოგადოებრივ აზრზე მანიპულირების მცდელობები, გვსურს საზოგადოებას განვუმარტოთ, რომ არც ერთი მსგავსი შემთხვევა არ დარჩება შესაბამისი რეაგირების გარეშე.
პენიტენციური სამსახური აგრძელებს მსჯავრდებულთათვის სხვადასხვა კულტურულ-საგანმანათლებლო ღონისძიების ორგანიზებას. ამჯერად, №10 დაწესებულებას მსახიობი, პოეტი, პედაგოგი ელდინო საღარაძე ესტუმრა და მსჯავრდებულებს შეხვდა.
შეხვედრაზე, რომელიც კითხვა-პასუხის რეჟიმში წარიმართა, განიხილეს არგუმენტირებული მსჯელობის უნარის მნიშვნელობა, კონსტრუქციული დიალოგის როლი საზოგადოებაში. შედეგად მსჯავდებულები განივითარებენ კრიტიკულ და ანალიტიკურ აზროვნებას, არგუმენტირებული მსჯელობის უნარებს.
შეხვედრის ფარგლებში, ელდინო საღარაძემ მსჯავრდებულებს საკუთარი შემოქმედებაც გააცნო და დაწესებულების ბიბლიოთეკას საჩუქრად წიგნები გადასცა.
სპეციალური პენიტენციური სამსახურისთვის ბრალდებულთა/მსჯავრდებულთა რესოციალიზაცია-რეაბილიტაცია ერთ-ერთი მთავარი პრიორიტეტია და ამისთვის უწყება პენიტენციურ დაწესებულებებში ყველა შესაბამის პირობას ქმნის.
პენიტენციური სამსახურის საქმიანობის და თანამშრომელთა სამუშაო პირობების გაუმჯობესების მიზნით გარე დაცვისა და ინფორმაციულ-ტექნიკური უსაფრთხოების მთავარ სამმართველოს მაღალი გამავლობის 5 ახალი სატრანსპორტო საშუალება (ბაგი) გადაეცა.
სატრანსპორტო საშუალებას სამსახურის თანამშრომლები პენიტენციური დაწესებულებების გარე პერიმეტრის გასაკონტროლებლად გამოიყენებენ, რითაც მინიმუმამდე შემცირდება უსაფრთხოების რისკები. სათანადოდ აღჭურვილი მაღალი გამავლობის სატრანსპორტო საშუალებით სარგებლობას სამსახურის თანამშრომლები უამინდობის დროსაც კომფორტულად შეძლებენ.
პენიტენციური დაწესებულებების გარე ტერიტორიის სრულად შემოვლისა და ეფექტური პატრულირების მიზნით გარე დაცვისა და ინფორმაციულ-ტექნიკური უსაფრთხოების მთავარ სამმართველოს ამ დრომდე მაღალი გამავლობის 7 სატრანსპორტო საშუალება გადაეცა. დაწესებულებების გარე ტერიტორია მაქსიმალური უსაფრთხოების დაცვის მიზნით კვადროციკლების გამოყენებითაც კონტროლდება.
პენიტენციური დაწესებულებები მაღალი გამავლობის სატრანსპორტო საშუალებებით ეტაპობრივად აღიჭურვება.
სპეციალური პენიტენციური სამსახურისთვის ჯანსაღი ცხოვრების წესისა და მსჯავრდებულთა სპორტულ აქტივობებში მონაწილეობა პრიორიტეტულია.
ამ მიზნით პენიტენციურ დაწესებულებებში სპორტის სხვადასხვა სახეობაში სპორტის ფესტივალების ციკლი გრძელდება.
ამჯერად №17დაწესებულებაში ტურნირი სპორტის სამ სახეობაში ჩატარდა: ჭადრაკში, ფეხბურთსა და კალათბურთში.
ტურნირის ყველა მონაწილეს სერტიფიკატები გადაეცა, გამარჯვებულები კი, მედლებით და თასებით დაჯილდოვდნენ.
სპორტის მართვის სტრატეგიის ფარგლებში, პენიტენციურ დაწესებულებებში სპორტის ფესტივალები პენიტენციური სამსახურის ორგანიზებით და სპორტის, ტურიზმისა და ახალგაზრდობის საერთაშორისო ფონდის ხელშეწყობით იმართება.
პენიტენციურ დაწესებულებებში ჯანსაღი ცხოვრების წესისა და მსჯავრდებულთა ფიზიკური აქტივობის ხელშეწყობის მიზნით სპორტის ფესტივალების ციკლი გრძელდება. ტურნირში ამჯერად საკუთარი შესაძლებლობები №12 დაწესებულების მსჯავრდებულებმა სპორტის 6 სახეობაში ‒ ფრენბურთში, ფეხბურთში, კალათბურთში, მაგიდის ჩოგბურთში, ჭადრაკსა და შაშში გამოცადეს.
სპორტის ფესტივალში მონაწილე ყველა მსჯავრდებულს სერტიფიკატები გადაეცა, გამარჯვებულები კი, თასებითა და მედლებით დაჯილდოვდნენ.
სპორტის ფესტივალები, სპორტის მართვის სტრატეგიის ფარგლებში, პენიტენციური სამსახურის ორგანიზებით და სპორტის, ტურიზმისა და ახალგაზრდობის საერთაშორისო ფონდის ხელშეწყობით იმართება.
სპეციალური პენიტენციური სამსახური მსჯავრდებულთა ჩართულობას სხვადასხვა სპორტულ ღონისძიებასა და აქტივობაში მომავალშიც გააგრძელებს. ამ მიზნით პენიტენციურ დაწესებულებებში სრულად განახლდა სპორტული ინვენტარი და ინფრასტრუქტურა.
№11 (არასრულწლოვანთა) დაწესებულებაში ტურნირი ჩატარდა სპორტის 4 სახეობაში: ფრენბურთში, ფეხბურთში, მაგიდის ჩოგბურთში, შაშში. სპორტის ფესტივალში მონაწილე ყველა მსჯავრდებულს სერტიფიკატები გადაეცა, გამარჯვებულები კი, თასებითა და მედლებით დაჯილდოვდნენ.
სპეციალური პენიტენციური სამსახური მსჯავრდებულებს შესაძლებლობას აძლევს, ჩამოყალიბდნენ პროფესიონალ ტრენერებად, ფიტნესინსტრუქტორებად, რაც მათ დაწესებულების დატოვების შემდეგ საზოგადოებაში ეფექტურ რეინტეგრაციასა და დასაქმებაში დაეხმარებათ.
პენიტენციური სამსახურისთვის სპორტისა და ფიზიკური აქტივობის ხელშეწყობა პრიორიტეტულია. ამ მიზნით პენიტენციურ დაწესებულებებში დაინერგა სპორტის მართვის სტრატეგია; განახლდა სპორტული ინვენტარი და ინფრასტრუქტურა.
ტურნირი სპეციალური პენიტენციური სამსახურის ორგანიზებით და სპორტის, ტურიზმისა და ახალგაზრდობის საერთაშორისო ფონდის ხელშეწყობით გაიმართა.
20 წლის მსჯავრდებული, რომელიც პატიმრობიდან „ამნისტიის შესახებ“ კანონის საფუძველზე გათავისუფლდა, ერთ-ერთი მათგანია, ვინც №5 (ქალთა) დაწესებულებაში ვებგვერდებისა და მობილური აპლიკაციების (UI/UX) დიზაინს პროფესიულ დონეზე ეუფლებოდა. გათავისუფლების შემდეგ ყოფილი მსჯავრდებული სწავლას „რე:სქულის“ ფიზიკურ სივრცეში აგრძელებს და კურსის დასრულებისთანავე დასაქმდება.
სპეციალური პენიტენციური სამსახური მსჯავრდებულებს სწავლის შესაძლებლობას პენიტენციური დაწესებულების დატოვების შემდეგაც აძლევს. პენიტენციური დაწესებულების დატოვების შემდეგ მაღალანაზღაურებადი პროფესიის შესწავლას „რე:სქულის“ სივრცეში კიდევ ორი ყოფილი პატიმარი გააგრძელებს.
სპეციალური პენიტენციური სამსახურის ორგანიზებით და კომპანიების – „რე:სქულის“, „რე:ინვენთის“ და „პროგრესის ამერიკული საერთაშორისო სკოლების“ დამფუძნებლის ერთობლივი მხარდაჭერით UI/UX დიზაინის კურსი ქალთა დაწესებულებაში მიმდინარე წლის თებერვლიდან ფუნქციონირებს. აღნიშნული კურსისთვის დაწესებულებაში სპეციალურად მოეწყო სივრცე, რომელიც აღიჭურვა შესაბამისი უახლესი ტექნიკით.
ქალმა მსჯავრდებულებმა ტანსაცმლის მოდელები და ხელნაკეთი აქსესუარები საკუთარი დიზაინით შექმნეს და საზოგადოებასა და ჟიურის წევრებს პროფესიონალ მოდელებთან ერთად, თავადაც წარუდგინეს. სამოსისა და სამკაულების დამზადება პატიმრებმა №5 პენიტენციურ დაწესებულებაში „მოდის დიზაინის პროგრამის“ ფარგლებში შეისწავლეს, რომელიც „ბიდისი აკადემიამ“ და ორგანიზაცია „ლიდერ ქალთა საზოგადოებამ“ უსასყიდლოდ განახორციელა. ჩვენება აღნიშნული ორგანიზაციების მხარდაჭერითა და იუსტიციის სამინისტროს ხელშეწყობით გაიმართა.
ღონისძიებას იუსტიციის მინისტრის პირველი მოადგილე თამარ ტყეშელაშვილი და პენიტენციური სამსახურის ხელმძღვანელები დაესწრნენ. თამარ ტყეშელაშვილმა ხაზი გაუსვა მსჯავრდებულთათვის სასწავლო პროგრამებისა და პროფესიული კურსების განხორციელების მნიშვნელობას, რაც პატიმრებს დროის ნაყოფიერად გატარებისა და თვითრეალიზების საშუალებას აძლევს, გათავისუფლების შემდეგ კი ხელს უწყობს მათ ეფექტიან რესოციალიზაციას, დასაქმებას, შემოსავლის გაზრდას და განმეორებითი დანაშაულის პრევენციას.
პატიმარ ქალებს საკუთარი ნამუშევრების წარდგენის საშუალება პირველად მიმდინარე წლის ივნისში, ვენეციის საერთაშორისო მოდის კვირეულზე მიეცათ, სადაც მათ სხვადასხვა აქსესუარით, მათ შორის, ტყავისა და თექით გაფორმებული მოდელები წარადგინეს; დღეს კი, მსჯავრდებულებმა საზოგადოებას ახალი კოლექცია შესთავაზეს.
ჩვენებაზე მოეწყო მაღაზია „რე-მარკეტის“ პროდუქციის გამოფენა-გაყიდვა, რომელიც სხვადასხვა პენიტენციური დაწესებულების პატიმრების მიერ არის დამზადებული. მსურველებს, ასევე, შეეძლოთ ჩვენებაზე წარმოდგენილი ტანსაცმლისა და აქსესუარების შეძენაც. რეალიზაციით მიღებული თანხა მსჯავრდებულთა შემოსავალს წარმოადგენს.
განსაკუთრებულად ემოციური ღონისძიების ფინალი აღმოჩნდა. ჩვენების დასასრულს ცნობილი გახდა, რომ ერთ-ერთი მონაწილე მსჯავრდებული, „ამნისტიის შესახებ" კანონის საფუძველზე, პატიმრობიდან გათავისუფლდა.
სპეციალური პენიტენციური სამსახურის ორგანიზებით №10 პენიტენციურ დაწესებულებას აღმოსავლეთ ევროპის უნივერსიტეტის ასოცირებული პროფესორი, სამართლის დოქტორი დავით წულაია ესტუმრა, რომელმაც მსჯავრდებულებს საკუთარი წიგნი გააცნო. წიგნი მოიცავს ისეთ ფუნდამენტურ საკითხებს, როგორიცაა: დანაშაულებრივი ქცევის მიზეზები, მისი ფსიქოსოციალური მდგომარეობა, რესოციალიზაცია-რეაბილიტაცია და განმეორებითი დანაშაულის პრევენცია.
პრეზენტაციის შემდეგ შეხვედრა დისკუსიით გაგრძელდა.
აღნიშნული აქტივობები ბრალდებულთა/მსჯავრდებულთა რესოციალიზაცია-რეაბილიტაციის პროგრამის ფარგლებში ხორციელდება, რაც სპეციალური პენიტენციური სამსახურის ერთ-ერთი პრიორიტეტული მიმართულებაა. ამ მიზნით დაწესებულებებში ფუნქციონირებს სხვადასხვა ფსიქოსოციალური სარეაბილიტაციო პროგრამა, რომლებიც დაწესებულების დატოვების შემდეგ მათ საზოგადოებაში სრულუფლებიან წევრებად დაბრუნებაში დაეხმარება
