სპეციალური პენიტენციური სამსახურისთვის თითოეულ ბრალდებულზე/მსჯავრდებულზე ზრუნვა და მათთვის საერთაშორისო სტანდარტების შესაბამისი პირობების უზრუნველყოფა პრიორიტეტულია.
სამსახური ამ მიზნით ინტენსიურად ახორციელებს ახალ ინფრასტრუქტურულ პროექტებს, რაც პატიმართა საცხოვრებელ პირობებს კიდევ უფრო აუმჯობესებს.
სპეციალური პენიტენციური სამსახურის ერთ-ერთი სტრატეგიული ამოცანა დიდი ზომის ნახევრად ღია დაწესებულებების მცირე ზომის ციხეებით ჩანაცვლებაა.
ლაითურის №1 დაწესებულება სწორედ ამ მიზანს ემსახურება.ახალი პენიტენციური დაწესებულება სრულად პასუხობს როგორც ევროპულ სტანდარტებს ისე „წამებისა და არაადამიანური ან ღირსების შემლახველი მოპყრობისა თუ დასჯის საწინააღმდეგო ევროპული კომიტეტის“ (CPT) რეკომენდაციებს. ახალი თანამედროვე სტანდარტების მქონე პენიტენციური დაწესებულება შენდება ქალაქ რუსთავშიც, რომლის მშენებლობა 2024 წელს დასრულდება.
ახალი ტიპის დაწესებულება იძლევა ციხის უფრო მეტად ეფექტიანი მართვის შესაძლებლობას. რუსთავის ახალ პენიტენციურ დაწესებულებაში იქნება თანამედროვე ტიპის საკნები, სასადილო, მაღაზია, სპორტული ინფრასტრუქტურა, რესოციალიზაციის სივრცეები, გაუმჯობესებული პირობები თანამშრომლებისთვის და უსაფრთხოების უახლესი სისტემები.
