№5 და №10 პენიტენციური დაწესებულებები უახლესი სპორტული ინვენტარით აღიჭურვა
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252Fimages%252Ftemp%252F2023%252F10%252F18%252F8018db694b40d9cbc47a7e8774a950cc.jpg&w=3840&q=75)
18.10.2023
დაწესებულებებში განთავსდა ახალი ტრენაჟორები, სარბენი ბილიკები და სხვადასხვა უახლესი სავარჯიშო ინვენტარი, სადაც მსჯავრდებულებს შესაძლებლობა აქვთ, დაკავდნენ მათთვის სასურველი სპორტული აქტივობებით და ჯანსაღი ცხოვრების წესით.
სპეციალური პენიტენციური სამსახურისთვის მსჯავრდებულთა რეაბილიტაცია-რესოციალიზაციის პროგრამის ფარგლებში უმნიშვნელოვანესია დაწესებულებებში მსჯავრდებულთა სხვადასხვა ფიზიკურ აქტივობაში მონაწილეობა და სპორტული განათლების ხელშეწყობა. ამ მიზნით პენიტენციურ სისტემაში დაინერგა სპორტის მართვის სტრატეგია, რომლის ფარგლებში, სპორტული ინფრასტრუქტურის, ინვენტარის განახლება პენიტენციურ დაწესებულებებში ინტენსიურად მიმდინარეობს; პატიმრებს შესაძლებლობა აქვთ, მონაწილეობა მიიღონ სპორტულ ტურნირებში და დაკავდნენ სპორტის სხვადასხვა სახეობით.
განახლებული სპორტული სივრცეებით უკვე სარგებლობენ №2, №3, №5, №10, №11, №12 დაწესებულებების მსჯავრდებულები.