№15 დაწესებულებაში მსჯავრდებულთა შორის სპორტის ფესტივალი ჩატარდა
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252Fimages%252Ftemp%252F2023%252F07%252F20%252Ff867a8fbc9f26ae6fc48c1ef21581f05.jpg&w=3840&q=75)
20.07.2023
გამარჯვებულებს საჩუქრად სიგელები და მედლები გადაეცათ.
სპორტის ფესტივალები იუსტიციის მინისტრ რატი ბრეგაძის ინიციატივით და სპორტის, ტურიზმისა და ახალგაზრდობის საერთაშორისო ფონდის ხელშეწყობით სხვადასხვა პენიტენციურ დაწესებულებაში სისტემატურად ტარდება; იზრდება მსჯავრდებულთა ჩართულობაც, რაც მათ რეაბილიტაცია-რესოციალიზაციას უწყობს ხელს და დაწესებულებაში თავისუფალი დროის ნაყოფიერად გატარების შესაძლებლობას აძლევს.
პენიტენციური სამსახურისთვის სპორტისა და ფიზიკური აქტივობის ხელშეწყობა პრიორიტეტულია. ამ მიზნით პენიტენციურ დაწესებულებებში სრულად განახლდა სპორტული ინფრასტრუქტურა; დაინერგა სხვადასხვა სპორტული პროგრამა, ტრენინგკურსები, რომლებიც მსჯავრდებულებს შესაძლებლობას აძლევს, ჩამოყალიბდნენ პროფესიონალ ტრენერებად, ფიტნესინსტრუქტორებად, რაც მათ დაწესებულების დატოვების შემდეგ დასაქმებასა და ეკონომიკური მდგომარეობის გაუმჯობესებაში დაეხმარება.