საგამოცდო პროცესი რამდენიმე ეტაპისგან შედგებოდა და გამოცდის წარმატებით ჩაბარების შემთხვევაში მსჯავრდებულები ფრანგული ენის საერთაშორისო დიპლომს მიიღებენ, რაც მათ სამომავლოდ დასაქმებაში დაეხმარება.
სპეციალური პენიტენციური სამსახურის მხარდაჭერით, მსჯავრდებულები დაწესებულების ტერიტორიაზე ფრანგული ენის საერთაშორისო გამოცდას მეორე წელია, წარმატებით აბარებენ.
გამოცდა საქართველოში საფრანგეთის საელჩოსთან არსებული საქართველოს ფრანგული ინსტიტუტის წარმომადგენლებმა ჩაატარეს საერთაშორისო სტანდარტების სრული დაცვით.
პენიტენციური სამსახური მსჯავრდებულთა რეაბილიტაცია-რესოციალიზაციის პროგრამის ფარგლებში კვლავ გააგრძელებს სხვადასხვა აქტივობისა თუ პროექტის მხარდაჭერას, რომლებიც მათ დაეხმარება სხვადასხვა მიმართულებით ცოდნის გაღრმავებაში, დაწესებულების დატოვების შემდეგ კი –საზოგადოებაში სრულფასოვან რეინტეგრაციაში.
