მსჯავრდებულებმა ევროკავშირთან ინტეგრაციის თემაზე ტრენინგი გაიარეს

11.05.2023

შეხვედრის ფარგლებში მათ ინფორმაცია მიიღეს ყველა იმ ძირითად საკითხზე, რასაც საქართველოს ევროკავშირთან თანამშრომლობის პროცესი მოიცავს. არასრულწლოვან მსჯავრდებულებთან შეხვედრაზე განიხილეს ის პერსპექტივებიც, რომელთაც ევროკავშირი სხვა ქვეყნებს მასთან დაახლოების შემთხვევაში სთავაზობს, მათ შორის, სხვადასხვა სასწავლო პროგრამის მიმართულებით.

ტრენინგი სპეციალური პენიტენციური სამსახურის ინიციატივით სსიპ "საქართველოს იუსტიციის სასწავლო ცენტრის" მიერ ჩატარდა.

სპეციალური პენიტენციური სამსახური მომავალშიც გააგრძელებს იმ აქტივობების მხარდაჭერას, რომლებიც ხელს შეუწყობს ბრალდებულთა/მსჯავრდებულთა ცნობიერების ამაღლებას სხვადასხვა მიმართულებით, რაც საბოლოო ჯამში მათ დაწესებულების დატოვების შემდეგ სრულფასოვანი ცხოვრების გაგრძელებაში დაეხმარება.

№8 პენიტენციურ დაწესებულებაში მყოფ არასრულწლოვან მსჯავრდებულებს სამგზის მსოფლიო ჩემპიონი კიკბოქსინგში დავით ქირია შეხვდა

სპორტსმენმა მსჯავრდებულებს პროფესიული გამოცდილება გაუზიარა, მსოფლიო ჩემპიონის ქამარი წარუდგინა და სპორტული ინვენტარი საჩუქრად გადასცა.

სპეციალური პენიტენციური სამსახური მსჯავრდებულთა ჯანსაღი ცხოვრების წესის ხელშეწყობის მიზნით სპორტის სხვადასხვა სახეობის ტიტულოვან წარმომადგენლებთან შეხვედრების ორგანიზებას გააგრძელებს.

№5 დაწესებულების არასრულწლოვანი მსჯავრდებულების ინიციატივით შემოქმედებითი საღამო ჩაატარდა

მონაწილეებმა მუსიკალური, საცეკვაო და თეატრალიზებული ნომრები წარმოადგინეს.

ღონისძიებას სპეციალური პენიტენციური სამსახურისა და საქართველოს საპატრიარქოს წარმომადგენლები დაესწრნენ.

წარმოდგენის დასრულების შემდეგ მსჯავრდებულებს საპატრიარქოდან ტკბილეული და საეკლესიო ნივთები საჩუქრად გადაეცათ.

სპეციალური პენიტენციური სამსახურის ორგანიზებით გამართული კულტურულ-შემოქმედებითი ღონისძიებები ხელს უწყობს მსჯავრდებულთა რესოციალიზაცია-რეაბილიტაციას და გარესამყაროსთან კონტაქტის შენარჩუნებას.