უკრაინის ომბუდსმენი ლუდმილა დენისოვა N15 პენიტენციურ დაწესებულებას ეწვია

14.09.2021

ინფორმაცია საქართველოს პენიტენციურ სისტემაში განხორციელებული და მიმდინარე რეფორმების შესახებ მას იუსტიციის მინისტრის პირველმა მოადგილემ თამარ ტყეშელაშვილმა და პენიტენციური სამსახურის ხელმძღვანელმა ნიკა ცხვარაშვილმა მიაწოდეს.

სტუმრებმა N15 პენიტენციური დაწესებულება და მის ტერიტორიაზე არსებული ინფრასტრუქტურაც დაათვალიერეს. შეხვდნენ პურის საცხობში დასაქმებულ უკრაინის მოქალაქე მსჯავრდებულებსაც.

ადამიანის უფლებათა საკითხებში უკრაინის უმაღლესი რადას რწმუნებული, ომბუდსმენი ლუდმილა დენისოვა და მისი სამსახურის წარმომადგენლები ინდივიდუალურად გაესაუბრნენ დაწესებულებაში მყოფ უკრაინელ მსჯავრდებულებს და პირადად მათგან მოისმინეს ინფორმაცია სასჯელის მოხდის პირობების შესახებ .

უკრაინელმა სტუმრებმა განაცხადეს, რომ საქართველოს მიღწევები სასჯელაღსრულების სფეროში ძალიან საინტერესოა და უკრაინა აუცილებლად გაიზიარებს საქართველოს პენიტენციური სამსახურის გამოცდილებას.

№8 პენიტენციურ დაწესებულებაში მყოფ არასრულწლოვან მსჯავრდებულებს სამგზის მსოფლიო ჩემპიონი კიკბოქსინგში დავით ქირია შეხვდა

სპორტსმენმა მსჯავრდებულებს პროფესიული გამოცდილება გაუზიარა, მსოფლიო ჩემპიონის ქამარი წარუდგინა და სპორტული ინვენტარი საჩუქრად გადასცა.

სპეციალური პენიტენციური სამსახური მსჯავრდებულთა ჯანსაღი ცხოვრების წესის ხელშეწყობის მიზნით სპორტის სხვადასხვა სახეობის ტიტულოვან წარმომადგენლებთან შეხვედრების ორგანიზებას გააგრძელებს.

№5 დაწესებულების არასრულწლოვანი მსჯავრდებულების ინიციატივით შემოქმედებითი საღამო ჩაატარდა

მონაწილეებმა მუსიკალური, საცეკვაო და თეატრალიზებული ნომრები წარმოადგინეს.

ღონისძიებას სპეციალური პენიტენციური სამსახურისა და საქართველოს საპატრიარქოს წარმომადგენლები დაესწრნენ.

წარმოდგენის დასრულების შემდეგ მსჯავრდებულებს საპატრიარქოდან ტკბილეული და საეკლესიო ნივთები საჩუქრად გადაეცათ.

სპეციალური პენიტენციური სამსახურის ორგანიზებით გამართული კულტურულ-შემოქმედებითი ღონისძიებები ხელს უწყობს მსჯავრდებულთა რესოციალიზაცია-რეაბილიტაციას და გარესამყაროსთან კონტაქტის შენარჩუნებას.