ესპანური მხარე ქართულ პენიტენციურ სისტემაში გატარებულ რეფორმებს გაეცნო
![imageVideo](/_next/image?url=%2Fapi%2Fimage-proxy%3FimageUrl%3Dhttp%253A%252F%252Fsvc-sps-website-api-main%252Fuploads%252Fimages%252Ftemp%252F2021%252F05%252F13%252F4f5a97cf06cf69028997db51d8726d28.jpg&w=3840&q=75)
13.05.2021
შეხვედრაზე მხარეებმა საქართველოს პენიტენციურ სისტემაში განხორციელებულ და დაგეგმილ რეფორმებზე იმსჯელეს, რომელიც ბრალდებულების/მსჯავრდებულების უფლებრივი მდგომარეობის გაუმჯობესებას, რესოციალიზაცია-რეაბილიტაციასა და სისტემაში დანერგილ სხვადასხვა ინოვაციებს ეხება. ასევე განიხილეს სამომავლო ორმხრივი თანამშრომლობის საკითხები და გამოთქვეს მზაობა ესპანეთში დანერგილი სარეაბილიტაციო პროექტების გაზიარებისთვის.
საქართველოში ვიზიტის ფარგლებში, სტუმრებმა ასევე N8 პენიტენციური დაწესებულება მოინახულეს და ადგილზე გაეცნენ ბოლო პერიოდში დაწესებულებაში განხორციელებულ ინფრასტრუქტურულ სამუშაოებს, რომელიც მიზნად ისახავს ბრალდებულების/მსჯავრდებულების პირობების გაუმჯობესებას. ასევე გაეცნენ დაწესებულებაში სსიპ სახელმწიფო სერვისების განვითარების სააგენტოს მიერ დიგიტალიზაციის პროექტში დასაქმებული მსჯავრდებულების მუშაობის პროცესს.
სტუმრებმა დაწესებულების ტერიტორიაზე არსებული სასოფლო-სამეურნეო ტერიტორიაც დაათვალიერეს, სადაც უვადო მსჯავრდებულები არიან დასაქმებულები.
სტუმრებმა დაწესებულების ტერიტორიაზე არსებული სასოფლო-სამეურნეო ტერიტორიაც დაათვალიერეს, სადაც უვადო მსჯავრდებულები არიან დასაქმებულები.
ესპანური მხარის ვიზიტის მთავარ მიზანს საქართველოს პენიტენციურ სისტემაში დანერგილი სიახლეებისა და გატარებული რეფორმების გაცნობა და ორმხრივი თანამშრომლობის გაღრმავება წარმოადგენს.