სიახლეები

სპეციალური პენიტენციური სამსახურის განცხადება ადვოკატ შალვა ხაჭაპურიძის ბრალდებებთან დაკავშირებით

სპეციალური პენიტენციური სამსახურის მიერ კვებითი მომსახურების ტენდერი 2019 წელს გამოცხადდა სამჯერ. 2019 წლის 22 მაისს გამოცხადებული SPA190002814 და 2019 წლის 30 აგვისტოს განმეორებით გამოცხადებული NAT190017277 ელ.ტენდერები დასრულდა უარყოფითი შედეგით, ვინაიდან მასში მონაწილე პრეტენდენტების (პირველ შემთხვევაში, შპს „ილი ჯგუფი“ და შპს „ელფი“, ხოლო მეორე შემთხვევაში - შპს „ილი ჯგუფი“)ტექნიკურმა დოკუმენტაციამ ვერ დააკმაყოფილა სატენდერო პირობებით განსაზღვრული მოთხოვნები. მესამედ ტენდერი გამოცხადდა 2019 წლის 7 ოქტომბერს და ტენდერში გაიმარჯვა შპს „ილი ჯგუფმა“, ვინაიდან იგი სრულად აკმაყოფილებდა სატენდერო პირობებით გათვალისწინებულ მოთხოვნებს.

რაც შეეხება ადვოკატის ბრალდებებს

ბრალდება N1 - ადვოკატი აცხადებს, რომ 2019 წლის 22 მაისს სპეციალური პენიტენციური სამსახურის მიერ გამოცხადებული კვებითი მომსახურების ტენდერში (რომელიც უშედეგოდ დასრულდა) მონაწილე კომპანია „ილი ჯგუფს“ წარმოდგენილი ჰქონდა ყალბი ხელშეკრულება უკრაინიდან ერთ-ერთი პროდუქტის, კერძოდ, რძის პროდუქტის მოწოდებასთან დაკავშირებით. ამის შესახებ ინფორმაცია შემდგომი რეაგირებისთვის მიეწოდა სატენდერო კომისიას, თუმცა კომისიამ ამაზე არ იმსჯელა.

პასუხი: 2019 წლის 22 მაისს გამოცხადებული ტენდერი მოცემული საფუძვლით სახელმწიფო შესყიდვების სააგენტოს დავების განხილვის საბჭოში გასაჩივრდა სწორედ ადვოკატ ხაჭაპურიძის კლიენტი კომპანიის მიერ. საჩივარი ნაწილობრივ დაკმაყოფილდა და დავების განხილვის საბჭოს მიერ სატენდერო კომისიას დაევალა აღნიშნულ საკითხზე ემსჯელა. სატენდერო კომისიამ განახორციელა კანონმდებლობით ნებადართული ქმედება - მოიძია და გადაამოწმა დოკუმენტაცია საბჭოს დავალების შესაბამისად, იმსჯელა საჩივარში და დავების საბჭოს გადაწყვეტილებაში დასმულ ყველა სადავო საკითხზე, რაც ასახულია სატენდერო კომისიის ოქმებში (ოქმები საჯაროა). დოკუმენტაციის გადამოწმების შედეგად პრეტენდენტი კომპანიის მიერ არაკეთილსინდისიერი ქმედების ჩადენა არ დადასტურდა.

სირცუეა ადვოკატ ხაჭაპურიძის განცხადება იმასთან დაკავშირებით, თითქოს ის სულ რამდენიმე დღეა სწავლობს კვებითი მომსახურების ტენდერის საკითხს, როგორც ორგანიზაციის „ადვოკატები დემოკრატიისთვის“ წარმომადგენელი.სინამდვილეში შალვა ხაჭაპურიძე კვებითი მომსახურების ტენდერის თაობაზე დიდი ხანია ინფორმირებულია, რადგან იგი, როგორც 22 მაისის ტენდერში მონაწილე ერთ-ერთი პრეტენდენტის, შპს „ელფის“ წარმომადგენელი დავების განხილვის საბჭოს სხდომებში ჩართული იყო 2019 წლის ივლისიდან.

ბრალდება N2 ადვოკატ ხაჭაპურიძის განცხადებით, სპეციალური პენიტენციური სამსახურის მიერ მესამედ (2019 წლის 7 ოქტომბერს) გამოცხადებულ ტენდერში კვებითი მომსახურების გამარჯვებული კომპანია „ილი ჯგუფის“ პარტნიორი შპს „ათინათი“ არ არის რძის პროდუქტის, კერძოდ კარაქის მწარმოებელი, რაც ტენდერის პირობების დარღვევაა.

პასუხი: სპეციალური პენიტენციური სამსახურის მიერ 2019 წლის 7 ოქტომბერს გამოცხადებულ ელექტრონულ ტენდერში #NAT190019366, სატენდერო დოკუმენტაციის 2.8.1 პუნქტის თანახმად, პრეტენდენტს უნდა წარმოედგინა ინფორმაცია მოსაწოდებელი საქონლის ხორცის და რძის პროდუქტების მწარმოებლ(ებ)ის შესახებ. წარმოდგენილი უნდა ყოფილიყო ასევე პრეტენდენტსა და მისაწოდებელი საქონლის ხორცის და რძის პროდუქტების მწარმოებელ კომპანიას/ებს შორის გაფორმებული ხელშეკრულებ(ები)ა პროდუქტების მიწოდებაზე, რომლ(ებ)ის მოქმედების ვადა ტოლი უნდა იყოს ან აღემატებოდეს მომსახურების გაწევის ვადას. აღნიშნული მოთხოვნის დასაკმაყოფილებლად შპს „ილი ჯგუფი“-ს მიერ ერთიან ელექტრონულ სისტემაში ატვირთულია რძის პროდუქტების მწარმოებელ კომპანიასთან შპს „ათინათი“ 2019 წლის 17 ოქტომბერს გაფორმებული ხელშეკრულება, რომლის დანართი N1-ის და სატენდერო დოკუმენტაციის დანართი N3-ის (საკვები პროდუქტების სტანდარტები) შესაბამისად, შპს „ათინათი“ აწვდის შპს „ილი ჯგუფი“-ს შემდეგ პროდუქციას; ყველი (იმერული), კარაქი, ხაჭო, არაჟანი, მაწონი, რძე სასმელი, შესქელებული რძე, კეფირი, ნაღები (დიეტური).

ასევე, სატენდერო დოკუმენტაციის 2.7.1 პუნქტის თანახმად პრეტენდენტმა წარმოადგინა შპს „ათინათის“ სახელზე გაცემული სსიპ „სურსათის ეროვნული სააგენტოს“ მიერ მინიჭებული აღიარების დოკუმენტი, საიდანაც ირკვევა, რომ შპს „ათინათი“-ს ეკონომიკური საქმიანობის სახე/სახეებია რძის გადამუშავება და ყველის წარმოება (რძე, ყველი, კარაქი, არაჟანი, მაწონი, ხაჭო, კეფირი, ნაღები, შესქელებული რძე). ამასთან, სსიპ „სურსათის ეროვნული სააგენტო“-ს მიერ 22.11.2019 წ. გაცემული წერილით დასტურდება, რომ შპს „ათინათი“ აწარმოებს 82.5%-იან კარაქს, შესაბამისად, ბრალდება, თითქოს შპს „ათინათი“ არ არის მწარმოებელი, უსაფუძვლოა.

ბრალდება N3: ადვოკატი ხაჭაპურიძე აცხადებს, რომ მოქმედი კანონმდებლობით 72%-იანი კარაქი საქართველოში არ არსებობს. საუბარია სპეციალური პენიტენციური სამსახურის მიერ გამოცხადებული ტენდერის სატენდერო პირობაზე, რომლის თანახმად, სატენდერო დოკუმენტაცის დანართი N3-ში (საკვები პროდუქტების სტანდარტები) მოსაწოდებელი კარაქის მიმართ ცალსახად არის გაწერილი შემდეგი კრიტერიუმები: კარაქი - რძის ცხიმის შემცველობა არანაკლებ 82%, კარაქი ან სპრედი – რძის ცხიმის შემცველობა არანაკლებ 72%. ამ ბრალდების გასამყარებლად ადვოკატი იშველიებს საქართველოს მთავრობის 2015 წლის 3 აპრილის N152 დადგენილების „რძისა და რძის ნაწარმის შესახებ ტექნიკური რეგლამენტის დამტკიცების თაობაზე“, თუმცა ამ დადგენილებით დაბალცხიმიანი კარაქის შემადგენლობაც არის განსაზღვრული.

პასუხი: მოცემული სატენდერო პირობა სრულად შეესაბამება საქართველოს იუსტიციის მინისტრისა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2019 წლის 6 მარტის №388 – №01-18/ნ ერთობლივ ბრძანებას „ბრალდებულთა და მსჯავრდებულთა კვებისა და სანიტარიულ-ჰიგიენური ნორმების განსაზღვრის შესახებ”. ამასთან, სატენდერო მოთხოვნა შესაბამისობაშია საქართველოს მთავრობის 2015 წლის 3 აპრილის N152 დადგენილებასთან, რომლის მეოთხე მუხლით განსაზღვრულია დაბალცხიმიანი კარაქის შემადგენლობა - “კარაქი შემცირებული რძის ცხიმით – რძის ნაწარმი, რომელშიც რძის ცხიმის შემცველობა არანაკლებ 39%-ს და არაუმეტეს 79%-ს შეადგენს”.

აქვე უნდა აღინიშნოს, რომ როგორც ზემოთ უკვე ითქვა, სსიპ „სურსათის ეროვნული სააგენტო“-ს მიერ 22.11.2019 წ. გაცემული წერილით დასტურდება, რომ შპს „ათინათი“ აწარმოებს 82.5%-იან კარაქს, შესაბამისად, შპს „ილი ჯგუფის“ მიერ კვების მომსახურებისას გამოყენებული იქნება სწორედ 82.5%-იანი კარაქი, რაც ზემოაღნიშნული ტენდერის მოთხოვნებს სრულად აკმაყოფილებს.

ბრალდება N4: ადვოკატი ხაჭაპურიძე აცხადებს, რომ პენიტენციური სამსახურის მიერ 2019 წლის 22 მაისს გამოცხადებული ტენდერის ღირებულება იყო 90 მლნ ლარი, ხოლო 2019 წლის 7 ოქტომბერს გამოცხადებული ტენდერის ღირებულება 73 მილიონამდე შემცირდა და თითქოს პენიტენციურმა სამსახურმა განგებ შეამცირა სატენდერო თანხა იმისთვის, რომ ტენდერში ერთ კონკრეტულ კომპანიას გაემარჯვა, რაც ასევე სრული სიცრუეა.

პასუხი: ფასის შემცირება გამოიწვია იმ ფაქტორმა, რომ თავდაპირველი ტენდერის გამოცხადებიდან ბოლო ელ.ტენდერამდე გასულია რამდენიმეთვიანი პერიოდი. შესაბამისად, ხელშეკრულება კვების მომსახურების შესყიდვაზე 5 თვით ნაკლებ პერიოდს მოიცავს, რამაც მომსახურების ფასის ავტომატური შემცირება გამოიწვია.

ბრალდება N5 ადვოკატი ხაჭაპურიძე აცხადებს, რომ პენიტენციურ დაწესებულებებში განთავსებულ პატიმრებს არასათანადო კვება აქვთ, რაც ასევე არ შეესაბამება სიმართლეს.

პასუხი: მას შემდეგ, რაც 2018 წლის ივლისში პენიტენციური სისტემა საქართველოს იუსტიციის სამინისტროს მმართველობის სფეროში მოექცა, 2019 წელს ჩატარდა კვების ხარისხის რეფორმა, რომლის შედეგადაც, საქართველოს იუსტიციის სამინისტროს მიერ დაქირავებული ნუტრიციონისტების მიერ შემუშავდა ახალი სტანდარტების, მათ შორის სეზონური და ჯანმრთელობის მდგომარეობაზე მორგებული მენიუები. სწორედ ამ მენიუების შესაბამისად მიეწოდებათ საკვები პატიმრებს. ამასთან, მნიშვნელოვანია, რომ ახალ ტენდერთან ერთად გაიზარდა თითოეული პატიმრის კვებაზე გაწერილი თანხის ოდენობა - თუ ბოლო წლების განმავლობაში დღემდე პენიტენციურ დაწესებულებებში მოთავსებული ბრალდებულ/მსჯავრდებულების კვებით მომსახურებაზე (სამჯერადი კვება, პურის ჩათვლით) სახელმწიფო 4.37 ლარს ხარჯავდა (დღეში), 2019 წლის 1 დეკემბრიდან (ახალი ხელშეკრულებით) ერთი პატიმრის გამოკვებაზე სახელმწიფო 6.00 ლარს დახარჯავს, რის შედეგადაც პატიმრების კვება კიდევ უფრო ხარისხიანი გახდება.

ბრალდება N6: ადვოკატი ხაჭაპურიძე აცხადებს, რომ შპს „ილი ჯგუფი“ ხელშეკრულების არაჯეროვნად შესრულებისთვის სპეციალური პენიტენციური სამსახურის მიერ არის დაჯარიმებული, თუმცა მიუხედავად ამისა, კვებით მომსახურების ტენდერში მაინც შპს „ილი ჯგუფმა“ გაიმარჯვა, რის გამოც ადვოკატი გამოთქვამს ეჭვს, რომ ამ შემთხვევაში გარკვეულ კორუფციულ გარიგებას ჰქონდა ადგილი.

პასუხი: შპს „ილი ჯგუფი“ 2019 წელს ერთხელ არის დაჯარიმებული, თუმცა დარღვევა, მისი ხარისხის გათვალისწინებით, არ წარმოადგენს კრიტიკულ შეუსაბამობას ხელშეკრულების პირობებთან. ამასთან, როგორც ზემოთ უკვე ითქვა, 2019 წლის 7 ოქტომბრის ტენდერში მონაწილეობის დროს შპს „ილი ჯგუფი“ სრულად აკმაყოფილებდა სატენდერო დოკუმენტაციით მოთხოვნილ პირობებს და ადვოკატის ბრალდება გარკვეულ კორუფციულ სქემებთან დაკავშირებით ამ შემთხვევაშიც ისეთივე სიცრუეა, როგორც ყველა დანარჩენი ბრალდება.

პენიტენციურ დაწესებულებებში გიორგობის დღესასწაულთან დაკავშირებით ამანათების შეგზავნა ხვალიდან იწყება

პენიტენციურ დაწესებულებებში ამანათების მიღება მოხდება 21-22 ნოემბერს, 10:00 საათიდან 19:00 საათამდე.

სპეციალური პენიტენციური სამსახურის განცხადება გიორგი ონიანის საპატიმროდან გათავისუფლებასთან დაკავშირებით

333-ე მუხლის პირველი ნაწილით (სამსახურებრივი უფლება-მოსილების გადამეტება, მოხელის ან მასთან გათანაბრებული პირის მიერ სამსახურებრივი უფლებამოსილების გადამეტება, რამაც ფიზიკური ან იურიდიული პირის უფლების, საზოგადოების ან სახელმწიფოს კანონიერი ინტერესის არსებითი დარღვევა გამოიწვია), და 25-147-ე მუხლის პირველი ნაწილით (განზრახ უკანონო დაკავება) გათვალისწინებული დანაშაულის ჩადენა.

თბილისის სააპელაციო სასამართლოს 2018 წლის 17 აპრილის განაჩენით გაფორმდა საპროცესო შეთანხმება პროკურორსა და მსჯავრდებულ გიორგი ონიანს შორის, რის საფუძველზეც, თბილისის საქალაქო სასამართლოს 2017 წლის 7 ნოემბრის განაჩენის სასჯელის ნაწილში შევიდა ცვლილება და გიორგი ონიანს საბოლოოდ სასჯელის ზომად განესაზღვრა 2 წლით თავისუფლების აღკვეთა. საქართველოს სისხლის სამართლის კოდექსის 63, 64-ე მუხლების საფუძველზე 2 წელი და 6 თვე ჩაეთვალა პირობითად, 2 წელი და 6 თვე გამოსაცდელი ვადა, მასვე 2 წლისა 3 თვის ვადით ჩამოერთვა თანამდებობის დაკავების უფლება.

გიორგი ონიანს სასჯელის მოხდის ვადა უსრულდება მიმდინარე წლის 3 ნოემბერს. შესაბამისად, ამოწურა რა თავისუფლების აღკვეთის სახით მისჯილი სასჯელი, გიორგი ონიანი პატიმრობის კოდექსის 38-ე მუხლის 1 პუნქტის თანახმად, „გათავისუფლებული მსჯავრდებული ამ კოდექსის შესაბამისად თავისუფლდება სასჯელის მოხდის დამთავრების დღის წინა დღეს. თუ გათავისუფლების დღე ემთხვევა უქმე ან დასვენების დღეს, მსჯავრდებული თავისუფლდება წინა სამუშაო დღეს“, მიმდინარე წლის 1 ნოემბერს გათავისუფლდა საპატიმროდან.

თეა წულუკიანის ინიციატივით გლდანის ციხის პატიმრები საჯარო სამსახურში დასაქმდნენ

პროექტში მონაწილე მსჯავრდებულებს იუსტიციის მინისტრი, თეა წულუკიანი პირადად შეხვდა. მისი თქმით, მსჯავრდებულთა დასაქმება მათი რეაბილიტაცია-რესოციალიზაციისთვის უმნიშვნელოვანესია.

„იუსტიციის სამინისტროს პრიორიტეტი არის პენიტენციურ სისტემაში მსჯავრდებულთა რეაბილიტაცია-რესოციალიზაციაზე ზრუნვა. მოგეხსენებათ, გლდანის საპყრობილეში უკვე გვაქვს ერთი პროექტი, რომლის ფარგლებშიც 7 მსჯავრდებული სოფლის მეურნეობის სფეროში არის დასაქმებული. დღეს იწყება მეორე პროექტი ამავე პენიტენციურ დაწესებულებაში და ის არის უპრეცედენტო იმიტომ, რომ პატიმრები საჯარო სამსახურში დასაქმდნენ, ისინი მონაწილეობას მიიღებენ სახელმწიფო სერვისების განვითარების სააგენტოს დიგიტალიზაციის პროექტში და ექნებათ სტაბილური შემოსავალი“, - განაცხადა თეა წულუკიანმა.

პროექტის ფარგლებში N8 პენიტენციური დაწესებულების 10 მსჯავრდებული დასაქმდა და მათი ყოველთვიური სარგო 300 ლარს შეადგენს. ღონისძიებას ესწრებოდნენ სახელმწიფო სერვისების განვითარების სააგენტოს თავმჯდომარე ზურაბ სანიკიძე და არასაპატიმრო სასჯელთა აღსრულებისა და პრობაციის ეროვნული სააგენტოს უფროსი, თათია ხოჭოლავა.

N8 პენიტენციურ დაწესებულებაში მყოფი ათი მსჯავრდებული დოკუმენტაციის დიგიტალიზაციის სრულ პროცესში მხოლოდ გარდაცვალების სამოქალაქო აქტების ჩანაწერების სკანირებას განახორციელებს. სამუშაოს დაწყებამდე, მათ სპეციალური მომზადების კურსი გაიარეს.

ინფორმაციისთვის, სახელმწიფო სერვისების განვითარების სააგენტოში 2014 წლიდან მიმდინარეობს სამოქალაქო აქტის ჩანაწერების (დაბადება, ქორწინება, განქორწინება, გარდაცვალებისა და სხვა აქტების) ციფრულ ფორმატში გადაყვანა. პროექტის ფარგლებში, ყოველწლიურად ხორციელდება, სულ მცირე, 1 000 000 აქტის ასახვა ელექტრონულ ბაზაში და მატერიალური ფორმის სააქტო ჩანაწერების სკანირება შესაბამის ელექტრონულ აქტზე.

დიგიტალიზაციის პროცესში ჩართულნი არიან პირობით მსჯავრდებულები და საზოგადოებისთვის სასარგებლო შრომამისჯილი პირებიც. სახელმწიფო სერვისების განვითარების სააგენტო ერთ-ერთი პირველი ორგანიზაციაა, რომელმაც, იუსტიციის მინისტრ თეა წულუკიანის ინიციატივით, წარმატებით განახორციელა არასაპატიმრო სასჯელთა აღსრულებისა და პრობაციის ეროვნული სააგენტოს ბენეფიციარების-საზოგადოებისათვის სასარგებლო შრომამისჯილი პირების და პირობით მსჯავრდებულების სამუშაო ადგილებით უზრუნველყოფა.

გურჯაანში ყველისა და კულინარიის ფესტივალის ფარგლებში, მსჯავრდებულების მიერ მოყვანილი ხილი, ბოსტნეული და მწვანილი გამოიფინა

აღსანიშნავია, რომ საქართველოს იუსტიციის მინისტრის, თეა წულუკიანის ინიციატივით მიმდინარე წლის გაზაფხულზე N8 (გლდანის) პენიტენციურ დაწესებულებაში ამოქმედდა პროექტი, რომლის ფარგლებში მსჯავრდებულები სოფლის მეურნეობის სფეროში დასაქმდნენ. პენიტენციური დაწესებულების ეზოში მსჯავრდებულებისთვის სასოფლო-სამეურნეო ნაკვეთი მოეწყო, სადაც მათ ბოსტნეული და ბაღჩეული მოყავთ. პროექტი საფრანგეთ -საქართველოს სავაჭრო და სამრეწველო პალატის, ასევე საქართველოს სოფლის მეურნეობის სამინისტროს აქტიური ხელშეწყობით შემუშავდა და მისი მიზანია, დაწესებულებაში მყოფი სრულწლოვანი მსჯავრდებულების, მათ შორის, უვადო სრულწლოვანი პატიმრების დასაქმება. პროექტში 7, გრძელვადიანი საპატიმრო სასჯელის მქონე პირია ჩართული. აღებული მოსავლის რეალიზაციას, საფრანგეთ-საქართველოს სავაჭრო და სამრეწველო პალატის მხარდაჭერით, პატიმრები ერთ-ერთ დიდ სუპერმარკეტში ახორციელებენ. გარდა ამისა, მსჯავრდებულების მიერ მოყვანილ პომიდორს, იისფერ ლობიოს და ჟოლოს კერძების დასამზადებლად კაფე "ლიტერა" ყიდულობს.

გურჯაანში გამართულ ყველისა და კულინარიის ფესტივალზე, მსჯავრდებულების მიერ მოყვანილი მოსავლის გარდა, ასევე წარმოდგენილი იყო როგორც ტრადიციული, უძველესი რეცეპტებით სხვადასხვა მწარმოებლების მიერ დამზადებული ქართული ყველის სახეობები, ასევე საქართველოში წარმოებული ევროპული, ბრენდირებული ყველის ანალოგები, სხვადასხვა სახეობის ქართული ღვინო, ნუგბარი და სხვა ადგილობრივი წარმოების პროდუქცია.

იუსტიციის სამინისტროს საგამოძიებო დეპარტამენტმა ქუთაისის დაწესებულებაში მომხდარი სუიციდის საქმეზე თანამშრომელს ბრალი წაუყენა

საქმეზე წარმოებული საგამოძიებო მოქმედებების შედეგად დადგენილ იქნა, რომ 2019 წლის 01 ოქტომბერს, ქუთაისის №2 პენიტენციურ დაწესებულებაში მომუშავე, ელექტრონული საშუალებებით მეთვალყურეობის სამმართველოს ინსპექტორმა ქ-ნმა ნ.-მ სამსახურებრივი მოვალეობა შეასრულა არაჯეროვნად. კერძოდ, ხელისშემშლელი გარემოებების არარსებობის მიუხედავად, ინსპექტორმა არ განახორციელა სათვალთვალო მონიტორების სათანადო კონტროლი, რის გამოც მას თვალთახედვის არიდან გამორჩა ბრალდებულის მიერ ცხაურზე თავის დაკიდების ფაქტი და ამის შესახებ დახმარების აღმოჩენაზე პასუხისმგებელ თანამშრომლებს შეატყობინა 40 წუთის დაგვიანებით. ინსპექტორის ქმედებას შედეგად მოჰყვა ბრალდებული გ.წ.-ს გარდაცვალება.

ჩატარებული საგამოძიებო და საპროცესო მოქმედებების შედეგად, 2019 წლის 08 ოქტომბერს, ქ-ნი ნ. ბრალდებულის სახით სისხლის სამართლის პასუხისგებაში მიეცა საქართველოს სისხლის სამართლის კოდექსის 3421-ე მუხლის მეორე ნაწილით გათვალისწინებული დანაშაულის ჩადენის ფაქტზე, რაც სასჯელის სახით ითვალისწინებს თავისუფლების აღკვეთას ვადით სამიდან ხუთ წლამდე. პენიტენციური სამსახურის ინსპექტორი, რომელსაც ბრალი მისი ადვოკატის თანდასწრებით წარედგინა, დანაშაულს აღიარებს.

იუსტიციის სამინისტროს საგამოძიებო დეპარტამენტი სისხლის სამართლის საქმეზე აგრძელებს ინტენსიური საგამოძიებო მოქმედებების წარმოებას.

თბილისობა 2019-ის ფარგლებში მსჯავრდებულების ხელნაკეთი ნივთების გამოფენა-გაყიდვა მიმდინარეობს

ორი დღის განმავლობაში ნებისმიერ მსურველს შესაძლებლობა აქვს, პენიტენციურ დაწესებულებებში მსჯავრდებულების მიერ დამზადებული სხვადასხვა სახეობის ნივთი შეიძინოს. მოცემული ნივთების რეალიზაციიდან მიღებული თანხა მსჯავრდებულების ანგარიშებზე ირიცხება და მათი შემოსავლის წყაროს წარმოადგენს.

პროცესს ადგილზე გაეცნენ საქართველოს იუსტიციის მინისტრი, თეა წულუკიანი და საქართველოს პარლამენტის თავმჯდომარე, არჩილ თალაკვაძე. თეა წულუკიანმა აღნიშნა, რომ პენიტენციური სისტემის ერთ-ერთი უმთავრესი პროირიტეტი არის მსჯავრდებულთა რეაბილიტაცია-რესოციალიზაცია.

"მსჯავრდებულთა რესოციალიზაცია-რეაბილიტაციისთვის უმნიშვნელოვანესია მსგავსი აქტივობები, რომლებიც ხელს უწყობს მსჯავრდებულთა როგორც დასაქმებას, ასევე იმას, რომ პატიმრებმა მათ მიერ გაწეული შრომის შედეგი მიიღონ. ჩვენ ყველანაირად ვცდილობთ, წავახალისოთ პენიტენციურ სისტემაში განთავსებული თავისუფლებააღკვეთილი პირები იმისთვის, რომ უსაქმოდ კი არ ატარებდნენ მთელ დღეს, არამედ დასაქმდნენ, ისწავლონ და მაქსიმალურად გამოიყენონ მათთვის სასჯელის სახით განსაზღვრული დრო იმისთვის, რომ საკუთარ თავზე იმუშაონ, რაც მათ გათავისუფლების შემდეგ საზოგადოებაში ინტეგრაციის პროცესში დაეხმარება", - განაცხადა თეა წულუკიანმა.

თბილისობის ფარგლებში, ორბელიანის მოედანზე 7 პენიტენციური დაწესებულების მსჯავრდებულების 283 ნივთია გამოფენილი. მათ შორის არის ნახატები, თექით, ტყავით შესრულებული ნამუშევრები, ხეზე ნაკვეთი ნივთები, სამკაულები და სხვა.

პენიტენციური და პრობაციის სისტემების მხარდაჭერის პროექტის მმართველი კომიტეტის მე-6 შეხვედრაზე მიმდინარე და დაგეგმილ რეფორმებზე იმსჯელეს

საქართველოს იუსტიციის სამინისტროში "პენიტენციური და პრობაციის სისტემების მხარდაჭერის პროექტის" მმართველი კომიტეტის მე-6 შეხვედრა გაიმართა.

შეხვედრას იუსტიციის მინისტრი თეა წულუკიანი, იუსტიციის მინისტრის მოადგილეები, ევროკავშირის, სპეციალური პენიტენციური სამსახურის, პრობაციის ეროვნული სააგენტოსა და დანაშაულის პრევენციის ცენტრის წარმომადგენლები ესწრებოდნენ.

ევროკავშირის მიერ მხარდაჭერილი პროექტის გასული 6 თვის მიღწეული შედეგები EU-ს პროექტის ხელმძღვანელმა რანდელ ბაროუზიმ წარადგინა.

იუსტიციის მინისტრმა, თეა წულუკიანმა პროექტის ფარგლებში გაწეული საქმიანობა დადებითად შეაფასა.

"პროექტის დახმარებით იუსტიციის სამინისტროს ხელმძღვანელობამ მიზნად დაისახა პენიტენციურ, პრობაციისა და დანაშაულის პრევენციის სისტემებში ისეთი რეფორმის გატარება, რომელიც სრულად დააკმაყოფილებს სასჯელის აღსრულების ევროპულ და საერთაშორისო სტანდარტებს და მიმართული იქნება თავისუფლებაღკვეთილ პირთა უფლებებისა და ღირსების დაცვის, ასევე თანამშრომლებისა და ზოგადად, სისტემების ორგანიზაციული გაძლიერებისაკენ", - განაცხადა იუსტიციის მინისტრმა.

პროექტის მმართველი კომიტეტის წევრებმა პროექტის ფარგლებში დაგეგმილ ღონისძიებებზეც იმსჯელეს და პროექტის შემდგომი ექვსთვიანი სამოქმედო გეგმა დაამტკიცეს.

იუსტიციის მინისტრი გლდანის პენიტენციურ დაწესებულებაში პატიმრების მიერ მოყვანილი მოსავლის აღებას დაესწრო

მინისტრი გლდანის N8 პენიტენციური დაწესებულების ტერიტორიაზე 2019 წლის გაზაფხულიდან მოქმედ სასოფლო-სამეურნეო პროექტის ფარგლებში, მსჯავრდებულების მიერ მოყვანილი მოსავლის აღების პროცესს დაესწრო.

დღეს პატიმრებმა შემდეგი მოსავალი აიღეს - ორ-ორი სახეობის ლობიო და ჭარხალი, კიტრი, პომიდორი, რეჰანი, შაშკულავი და ოხრახუში, ასევე ჟოლო.

პროექტში 7, გრძელვადიანი საპატიმრო სასჯელის მქონე პირია ჩართული. აღსანიშნავია, რომ აღებული მოსავლის რეალიზაციას, საფრანგეთ-საქართველოს სავაჭრო და სამრეწველო პალატის მხარდაჭერით, პატიმრები ერთ-ერთ დიდ სუპერმარკეტში ახორციელებენ. გარდა ამისა, მსჯავრდებულების მიერ მოყვანილ პომიდორსა და იისფერ ლობიოს კერძების დასამზადებლად კაფე "ლიტერა" ყიდულობს. პროდუქციის რეალიზაციიდან მიღებული თანხა პროექტში დასაქმებული პატიმრების შემოსავლის წყაროა. დღეისათვის, პროექტის ფარგლებში პატიმრებს 2000 ლარამდე შემოსავალი აქვთ მიღებული. თანხის ერთი ნაწილი მათ პროექტის დაფინანსებას დაუთმეს, ხოლო დანარჩენი თანხა მათ ბარათებზე შემოსავლის სახით დაირიცხა.

დღესვე, მინისტრმა პროექტში მონაწილეობისთვის მადლობის სიგელები გადასცა პროექტის მხარდამჭერი სსიპ "სოფლის მეურნეობის სამეცნიერო-კვლევითი ცენტრი"-ის აგრონომებს, ზვიად ბობოქაშვილს, ირმა ირემაშვილს და ფრიდონ სანაიას, რომლებიც მსჯავრდებულებს პროდუქციის მოყვანაში უწევენ დახმარებას. ღონისძიებას იუსტიციის მინისტრის მოადგილე, ალექსანდრე ტაბატაძე, სოფლის მეურნეობის მინისტრის პირველი მოადგილე, გიორგი ხანიშვილი, საფრანგეთ - საქართველოს სავაჭრო და სამრეწველო პალატის პრეზიდენტი, ანტუან ლორენ ბარდონი, "არასაპატიმრო სასჯელთა აღსრულებისა და პრობაციის ეროვნული სააგენტოს", "სოფლის მეურნეობის სამეცნიერო-კვლევითი ცენტრი"-სა და ევროკავშირის წარმომადგენლები დაესწრნენ.

მინისტრის თქმით, მსგავსი ტიპის პროექტში მონაწილეობა ე.წ. დახურული ტიპის დაწესებულების მსჯავრდებულებისათვის საუკეთესო საშუალებაა ჯანმრთელობის შენარჩუნებისა და პატიმართა რეაბილიტაცია - რესოციალიზაციისათვის.

პროექტი, რომლის ფარგლებშიც N8 პენიტენციური დაწესებულების მსჯავრდებულები სოფლის მეურნეობის სფეროში დასაქმდნენ, გაზაფხულზე, საქართველოს იუსტიციის მინისტრის, თეა წულუკიანის ინიციატივითა და საფრანგეთ -საქართველოს სავაჭრო და სამრეწველო პალატის, ასევე საქართველოს სოფლის მეურნეობის სამინისტროს აქტიური ხელშეწყობით შემუშავდა. პროექტის მიზანია, დაწესებულებაში მყოფი სრულწლოვანი მსჯავრდებულების, მათ შორის, უვადო სრულწლოვანი პატიმრების დასაქმება.

პროექტის მხარდამჭერები საფრანგეთ-საქართველოს სავაჭრო და სამრეწველო პალატასთან ერთად არიან საქართველოს იუსტიციის სამინისტროს მმართველობის სფეროში მოქმედი სსიპ არასაპატიმრო სასჯელთა აღსრულებისა და პრობაციის ეროვნული სააგენტო, სსიპ "სოფლის მეურნეობის სამეცნიერო-კვლევითი ცენტრი", შპს "სოფლის მეურნეობის ლოჯისტიკის და სერვისების კომპანია" და ორგანიზაცია "რეფორმერი".