ქალმა პატიმრებმა ჯაზ-კვარტეტის წევრებთან ერთად მუსიკალური ნომრებიც შეასრულეს და სტუმრებს საჩუქრად ხელნაკეთი ნივთები გადასცეს.

წარმოდგენა სრულიად საქართველოს კათოლიკოს-პატრიარქის, უწმიდესისა და უნეტარესის ილია მეორის აღსაყდრებიდან 45 წლის საიუბილეო თარიღთან დაკავშირებით მიძღვნილი ღონისძიებების ფარგლებში ჩატარდა, რომელსაც სპეციალური პენიტენციური სამსახურისა და საქართველოს საპატრიარქოს წარმომადგენლები დაესწრნენ.

სპეციალური პენიტენციური სამსახური მომავალშიც აქტიურად გააგრძელებს ბრალდებულთა/მსჯავრდებულთა ინტერესებსა და საჭიროებებზე მორგებული პროექტების მხარდაჭერას, რომლებიც მათ საზოგადოებაში ეფექტურ ადაპტაციასა და რეინტეგრაციაში დაეხმარება.

დაქტილოსკოპიის თანამედროვე ტექნოლოგია პირველ ეტაპზე მიმღებ პენიტენციურ დაწესებულებებში მიმდინარე წლის თებერვალში დაინერგა. ამჟამად თითის ანაბეჭდების აღების მოძველებული მეთოდის გამოყენების საჭიროება უკვე აღარ არის სპეციალური პენიტენციური სამსახურის დაქვემდებარებაში მყოფ არცერთ დაწესებულებაში.

დღეს უკვე გერმანული ნაგაზი სახელად პრადა ასრულებს მოვალეობას ამანათების შემოწმებასთან დაკავშირებით. უახლოეს მომავალში სამსახური მოამზადებს შესაბამისი ჯიშის ძაღლების დამატებით რაოდენობას, რის შემდეგაც ოთხფეხა მეგობრები ჩაერთვებიან პენიტენციური სამსახურის ყოველდღიურ საქმიანობაში.

სამსახური, თავის მხრივ, პასუხისმგებლობას იღებს ძაღლების მოვლა-პატრონობასა და გაწვრთნაზე, მათ ეფექტურ და რაციონალურ გამოყენებაზე.

გერმანიის ჩრდილოეთ რაინ-ვესტფალიის ფედერალური მიწის იუსტიციის მინისტრმა მზაობა გამოხატა მხარეებს შორის თანამშრომლობის გაღრმავების მიმართულებით.

"ძალიან საინტერესო და პოზიტიური შთაბეჭდილებები მივიღეთ. ვიზიტის ფარგლებში შევხვდით სპეციალური პენიტენციური სამსახურის უფროსს, განვიხილეთ სისტემაში არსებული გამოწვევები. გერმანიის ჩრდილოეთ რაინ-ვესტფალიის მხარე მომავალშიც მხარს დაუჭერს საქართველოს; ჩვენი ექსპერტები გაუწევენ დახმარებას, რომ სასჯელაღსრულების სისტემა საქართველოში განვითარდეს დემოკრატიული სამართლებრივი სახელმწიფოს მიმართულებით და ვიმედოვნებთ, ჩვენი პარტნიორობა მეგობრობაში გადაიზრდება", – აღნიშნა ბენიამინ ლიმბახმა.

დოქტორ ბენიამინ ლიმბახი დაინტერესდა პენიტენციურ სისტემაში მოქმედი ინოვაციური სერვისით – "ონლაინ კლინიკის" მოდელით, რომელიც მსჯავრდებულებს შესაძლებლობას აძლევს, უმოკლეს დროში ისარგებლონ სამოქალაქო კლინიკის სპეციალისტის ონლაინ კონსულტაციით, რაც სამედიცინო მომსახურების ხარისხს უფრო მოქნილსა და ხელმისაწვდომს ხდის.

გერმანული დელეგაცია თბილისში საქართველო-გერმანიის თანამშრომლობის პროგრამის ფარგლებში იმყოფება, რომელსაც გასულ წელს ბერლინში მოეწერა ხელი. ორ ქვეყანას შორის თანამშრომლობა პენიტენციურ და პრობაციის სფეროებს მოიცავს.

სასადილო სივრცე უკვე ყველა პენიტენციურ დაწესებულებაში მოქმედებს.

სპეციალური პენიტენციური სამსახურისთვის ერთ-ერთი მთავარი პრიორიტეტია არასრულწლოვან მსჯავრდებულებში ჯანსაღი ცხოვრების წესის დანერგვა, მათი ჩართვა სპორტულ აქტივობებში. ამ მიზნით დაწესებულებებში ხშირად ტარდება სპორტული

ფესტივალები, რომლებშიც სულ უფრო მეტი მსჯავრდებული მონაწილეობს.

სპეციალური პენიტენციური სამსახური მაქსიმალურად ცდილობს მსჯავრდებულთა და თანამშრომელთა უზრუნველყოფას ყველა საჭირო უახლესი სპორტული ინვენტარით და ამ მიმართულებით მუშაობას მომავალშიც გააგრძელებს.