ვებგვერდი მუშაობს სატესტო რეჟიმში
ახალი ამბები
პენიტენციურ დაწესებულებაში ახალშესახლებულ დ. კ-ს გეგმიური PCR ტესტირებით კოვიდ 19 დაუდასტურდა
ბრალდებული დ.კ (დაბადებული 1968წ) პენიტენციურ დაწესებულებაში შემოსახლდა 2021 წლის 14 აპრილს, სსკ 126-1. (ოჯახში ძალადობა) მუხლის საფუძველზე.
16.04.2021
იუსტიციის სამინისტროში პენიტენციური და პრობაციის სისტემების მხარდაჭერის პროექტის მიმდინარეობაზე იმსჯელეს

 

30 მარტს იუსტიციის სამინისტროში ევროკავშირის ტექნიკური დახმარების პროექტის, „პენიტენციური სისტემის გაძლიერება დანაშაულის განმეორების პრევენციის მიზნით“   მმართველი კომიტეტის მე-2 შეხვედრა გაიმართა.


შეხვედრას იუსტიციის მინისტრის მოადგილე ბექა ძამაშვილი უძღვებოდა. მან ხაზი გაუსვა ბოლო წლების განმავლობაში ევროკავშირის მხარდაჭერასა და ევროკავშირის ტექნიკური დახმარების პროექტის გუნდთან ნაყოფიერი თანამშრომლობისა და იმ თანმდევი ხელშესახები შედეგების დიდ მნიშვნელობას, რომლებიც სწორედ მათი დახმარებით იქნა მიღწეული. ასევე, იმედი გამოთქვა, რომ ამგვარი თანამშრომლობა გაგრძელდება პენიტენციური და დანაშაულის პრევენციის სისტემების მომდევნო წლების რეფორმის ფარგლებშიც.


საქართველოში ევროკავშირის დელეგაციის წარმომადგენელმა პიტერ დენისმა ყურადღება გაამახვილა პენიტენციური და დანაშაულის პრევენციის სისტემების განვითარების შეუქცევად პროცესზე და საერთაშორისო სტანდარტების შესაბამისი სისტემების განვითარებაზე. მან ასევე დაადასტურა ევროკავშირის მხარდაჭერა მიმდინარე რეფორმის ფარგლებში.


ევროკავშირის ტექნიკური მხარდაჭერის პროექტის გუნდის ხელმძღვანელმა, რანდელ ბაროუზმა წარადგინა პროექტის გასული 6 თვის სამოქმედო გეგმის შესრულების ანგარიში და დამსწრე აუდიტორიას გააცნო მომავალი 6 თვის განმავლობაში დაგეგმილი ღონისძიებები, როელიც სრულ თანხვედრაშია პენიტენციური და დანაშაულის პრევენციის სისტემების განვითარების სტრატეგიასა და მიმდინარე რეფორმასთან.


პროექტი რამდენიმე მნიშვნელოვან კომპონენტს მოიცავს, როგორიცაა იმ პენიტენციური დაწესებულებების მართვის გაუმჯობესება, სადაც მაღალი და საშუალო რისკის პატიმრები არიან მოთავსებული, რეაბილიტაცია-რესოციალიზაციის მიმართულების გაუმჯობესება და საკნის გარე აქტივობების დანერგვა, წახალისებისა და დამსახურებული პრივილეგიების მექანიზმის განვითარება და ა.შ.


პროექტის ძირითადი ბენეფიციარები არიან სპეციალური პენიტენციური სამსახური, დანაშაულის პრევენციისა და პრობაციის სააგენტო, იუსტიციის სასწავლო ცენტრი (TCJ), სსიპ მსჯავრდებულთა პროფესიული მომზადებისა და გადამზადების ცენტრი და სსიპ ციფრული მმართველობის სააგენტო (DGA).


აღსანიშნავია, რომ Covid-19-მა გავლენა იქონია წინამორბედ პროექტზე მისი განხორციელების ბოლო თვეებში და აქტივობების მნიშვნელოვანი ნაწილი დისტანციურად განხორციელდა.


ხაზგასასმელია, რომ 2021 წლის 16 მარტს გამართულ საქართველო-ევროკავშირის ასოცირების საბჭოს რიგით მე-6 შეხვედრაზე, ასოცირების საბჭო მიესალმა საქართველოს მიერ მიღწეულ პროგრესს კანონის უზენაესობისა და პენიტენციურ სფეროებში რეფორმების განხორციელების კუთხით.

 

 

 

 

30.03.2021
Covid-19 დაუდასტურდა ორ ბრალდებულს, რომელსაც ინფიცირებულ ექთანთან ჰქონდა კონტაქტი
მიმდინარე წლის 25 მარტს N5 პენიტენციურ (ქალთა) დაწესებულებაში ჩატარებული სწრაფი ანტიგენის ტესტით შემოწმების საფუძველზე ორ ბრალდებულს დაუდასტურდა covid-19.
26.03.2021
პარლამენტის ნდობის ჯგუფის ფორმატში სპეციალური პენიტენციური სამსახურის ხელმძღვანელს მოუსმინეს
სპეციალური პენიტენციური სამსახურის გენერალური დირექტორის მოვალეობის შემსრულებელი ნიკა ცხვარაშვილი პარლამენტის ნდობის ჯგუფის ფორმატში მოხსენებით წარსდგა.
25.03.2021
სპეციალური პენიტენციური სამსახური: ბრალდებულ ნ.მ.-ს საჭიროებიდან გამომდინარე, შესაბამისი სამედიცინო მომსახურება მიეწოდება
სპეციალური პენიტენციური სამსახური ეხმიანება ბრალდებულ ნ.მ.-ს ოჯახის მიერ გამართულ საპროტესტო აქციას და განცხადებას იმასთან დაკავშირებით, თითქოს პატიმარს ოპერაცია ესაჭიროება, მაგრამ პენიტენციურ დაწესებულებაში სათანადო ყურადღება არ ექცევა. სპეციალური პენიტენციური სამსახური აცხადებს, რომ ეს არის სიცრუე, ბრალდებული საჭიროების შესაბამისად უზრუნველყოფილია სათანადო სამედიცინო მომსახურებით. ამასთან, პენიტენციურ სისტემაში ყოფნის პერიოდში არაერთხელ არის გადაყვანილი სამოქალაქო სექტორის კლინიკაში, სადაც როგორც ვიწრო პროფილის ექიმ-სპეციალისტების კონსულტაციები, ასევე მაღალტექნილოგიური სამედიცინო გამოკვლევები უტარდება
22.03.2021
ტენდერი, რომელშიც კომპანია „ანაგმა“ გაიმარჯვა, მოქმედი კანონმდებლობის სრული დაცვით ჩატარდა
სპეციალური პენიტენციური სამსახური ეხმიანება ერთ-ერთი ტელეკომპანიის ეთერში გასულ სიუჟეტს, სადაც ითქვა, თითქოს სპეციალურმა პენიტენციურმა სამსახურმა მიკერძოებულად ჩაატარა ტენდერი და დასავლეთ საქართველოში პენიტენციური დაწესებულებების რეაბილიტაციისთვის ბიძინა ივანიშვილთან დაახლოებულ კომპანია „ანაგს“ 37 მლნ ლარის ტენდერი მოაგებინა.

სპეციალური პენიტენციური სამსახური აცხადებს, რომ მოცემული ბრალდებები საფუძველს მოკლებულია, ვინაიდან ტენდერი, რომელზეც სიუჟეტში იყო საუბარი მოქმედი კანონმდებლობის სრული დაცვით ჩატარდა. კერძოდ, დაბა ლაითურის პენიტენციური დაწესებულების რეკონსტრუქცია-რეაბილიტაციის სამუშაოების შესყიდვის მიზნით 2020 წლის 2 მარტს გამოცხადდა GEO200000073 შესყიდვის ელექტრონული პროცედურა, წინადადებების მიღება დასრულდა 2020 წლის 2 აპრილს, თუმცა იმ პერიოდისთვის მასში არც ერთმა კომპანიამ არ მიიღო მონაწილეობა.

2020 წლის 28 აპრილს განმეორებით გამოცხადდა შესყიდვის ელექტრონული პროცედურა (GEO200000168). წინადადებების მიღება დასრულდა 2020 წლის 13 მაისს და მასში მონაწილეობა მიიღო ერთმა პრეტენდენტმა - შპს „ანაგი“. მოცემული სამუშაოების შესყიდვის, ასევე ნებისმიერი იმ მომსახურების შესყიდვის პროცედურები, რომლებიც პენიტენციური დაწესებულებების მშენებლობა-რეაბილიტაციას ითვალისწინებს, ხორციელდება „სახელმწიფო საიდუმლოების შესახებ“ საქართველოს კანონით განსაზღვრულ სახელმწიფო საიდუმლოებასთან დაკავშირებული „სახელმწიფო შესყიდვების ობიექტების ნუსხისა და შესყიდვების განხორციელების წესის“ დამტკიცების თაობაზე საქართველოს მთავრობის 2016 წლის 11 ივლისის #321 დადგენილების საფუძველზე. ხოლო ტენდერში მონაწილეობის მიღება შეუძლიათ მხოლოდ იმ პრეტენდენტებს, ვისაც საიდუმლო ინფორმაციაზე დაშვება აქვს და ამ უფლებას კომპანიებს სახელმწიფო უსაფრთხოების სამსახური ანიჭებს მათივე მოთხოვნის საფუძველზე. მათ შორის არის კომპანია „ანაგი“, რომელიც ამ უფლებით უკვე დაახლოებით ათი წელია სარგებლობს, თუმცა ის არ არის ქართულ ბაზარზე ერთადერთი, ვისაც ასეთი დაშვება გააჩნია. ამიტომ სიუჟეტში გამოთქმული ბრალდება, რომ "სახელმწიფო უსაფრთხოების სამსახურმა კომპანია „ანაგს“ მიანიჭა ფორმა N4, რაც ნიშნავს იმას, რომ ტენდერი გასაიდუმლოებულია და ტენდერში სხვა კომპანია მონაწილეობას ვერ მიიღებდა“ - სრული სიცრუეა, ვინაიდან, როგორც ზემოთ აღინიშნა, მოცემული კომპანიის გარდა მსგავსი უფლებით სხვა კომპანიებიც სარგებლობენ.

15.03.2021
PCR ტესტირების მორიგი ეტაპის შედეგად გაირკვა, რომ პენიტენციურ დაწესებულებებში covid-19-ის არც ერთი შემთხვევა აღარ არის
ინტენსიური PCR ტესტირების ფარგლებში პენიტენციურ დაწესებულებებში ტესტირების მორიგი ეტაპი გაიმართა და ვირუსის არც ერთი შემთხვევა არ გამოვლენილა.
11.03.2021
მიხეილ სარჯველაძემ უვადო პატიმრებს უვადო თავისუფლების აღკვეთით მსჯავრდებული პირის გათავისუფლებისათვის მომზადების პროგრამა გააცნო
N8 პენიტენციურ დაწესებულებაში უვადო მსჯავრდებულებს საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ უვადო თავისუფლების აღკვეთით მსჯავრდებული პირის გათავისუფლებისათვის მომზადების პროგრამა გააცნო.
09.03.2021
ქალ პატიმრებს საქართველოს პარლამენტის წევრებმა 8 მარტი მიულოცეს
N5 პენიტენციურ (ქალთა) დაწესებულებაში ქალთა საერთაშორისო დღესთან დაკავშირებით საზეიმო ღონისძიება გაიმართა.
09.03.2021
N3 პენიტენციურ დაწესებულებაში მსჯავრდებულმა თანამესაკნეს მძიმე დაზიანებები მიაყენა
2021 წლის 4 მარტს, დაახლოებით 10:11 საათზე N3 პენიტენციური დაწესებულების მსჯავრდებულმა ვ.ლ.-მ საკანში დახმარებისთვის დაუძახა პენიტენციური დაწესებულების თანამშრომლებს და უთხრა მათ, რომ მის თანამესაკნეს, ნ.ქ.-ს სამედიცინო დახმარება ესაჭიროებოდა.
04.03.2021